السلام عليكم ورحمة الله.. كيف جو الرياض؟ والعيش بدون الرطوبة XD؟! لما رحنا الرياض بالسيارة دخلت بسة في السيارة وانقطعت رجلها داخل المحرك.. وخربت السيارة وقعدنا نصلحها يوم كامل <.<!! بس مستغرب هو في جدة ما كان موجود أماكن للتدريب؟ ولا تقدري تختاري التخصص والمكان والتذاكر عليهم؟! وكيف تخصص الـPain managment؟ عندنا دكتور التشريح يقول إن هدا كان تخصصه أصلاً وإنه يدر فلوس ذهبًا لكنه جا للتشريح لأن الوجود في الجامعة أحسن.. نفس اللي عملته سانو. وحكينا إش يحصل معاكي لو ما في كلفة =)!
خلصنا الاختبار <.<.. جابوا لنا مراقب متوحش يشبه باب القاعة طولاً وعرضًا.. وأربعة نماذج للاختبار.. بس مع المذاكرة من ويكيبيديا كان الاختبار بسيط والحمد لله ^^.. العباطة إن عندي كم غلط كلها في الأشياء البسييييطة -__-.. المراقب كان طوال الاختبار يغير أماكن الطلاب اللي شاك فيهم.. ما تمر دقيقة إلا تلاقي واحد قام من محله وجلس في كرسي ثاني لأنه موضع غش.. انتهيت من الحل قبل نهاية الوقت وخرجت.. لما انتهى الوقت.. قام المراقب يجمع الأوراق واتجه لطرف القاعة.. واستغل الطلاب الوضع وخلال النص دقيقة اللي انشغل عنهم غشوا الأسئلة كلها >.<".. ما ينفع معاهم شي!!
السلام عليكم.. لا ما في اختبار ولا شي XD.. دا رأيي فيها فقط.. الفرق أظن في عدد الرسايل أو حاجة تانية.. عدد شيء ما يزيد. بس اسمعي الاختبار الحق.. تدري إن اختباراتنا الدورية تكون عن طريق البوربوينت؟ دقيقتين لكل سؤال و20 سؤال إلخ.. المهم.. مجموعة من الطالبات الدوافيرات اشتكوا للعمادة إن طريقة الاختبار دي ما تنفع لأن الطالبات الكسالى يغشوا منهم بسهولة.. فقالت الإدارة نسأل رأي الطلاب.. طبعًا دفعتنا كلها إلا 3.4% منهم قالوا مستحيل يتغير دا النظام.. فرضخوا للأمر الواقع.. ولاااااكننننن.. بعد الاختبار الدوري الأول لمادة Immune-Blood-Lymph الإدارة حقتنا لاحظت شي مريب.. لاحظوا إن 90% من طلاب الدفعة جابوا فوق 90% من الدرجات في الاختبارات الدورية.. ودا شي عمره ما حصل قبلاً قط أبد في تاريخ الكلية ولا أيام دفعة الملك فهد.. العادة 20% فقط يجيبوا فوق 90% من الدرجات.. والباقي أقل تدريجيًا.. والحاصل.. فقالوا إن في الأمر سرًا.. كيف يحصل طلاب في حقل تجارب تدريس النظام الجديد على درجات بهذا المستوى المرعب؟ لماذا رفضوا تغيير نظام البوربوينت بعنف وجرأة غير معتادة؟ آهـ.. إن في الأمر لسرًا.. قالها وكيل الطب البشري وهو يفتل طرف لحيته.. ونظر للسماء ثم أردف بكلمته المشهورة -التي تسببت في دعوى الطلاب عليه حتى أصابته نوبات قلبية عدة- "سأستخدم صلاحياتي!". وقالوا لنا.. حنعمل فيكم تجربة.. إذا نجحتم فيها فسنعترف بمستواكم العالي.. وإذا لا.. حتشوفوا شغلكم في النهائي.. الاختبار الدوري القادم حيكون بدون بوربوينت.. وحنشوف إذا قدرتم تنتجوا نفس مستوى الدرجات السابق.. ثم.. بواهاهاهاهاها!! وفتل شاربه.. وغادر ونظرات الطلاب تثقبه ثقوبًا عميقة من الخلف. الورطة إن دا الاختبار يوم السبت -_-".. بعد يومين!! لازم أذااااااكرررر @o@... سلام!
شي اتغير اليوم.. اللون صار متجانس مع الصورة الشخصية.. صوووح @.@.. مبروك على الترقية ^^! دا معناه جاوزتِ الاختبار بنجاح XD.
"اعتبريه السكيورتي حق البيت XD" ياله من سكيوريتي مرعب! @.@" تخيل يكون السكيوريتي تبعون المستشفى الجامعي كده؟ XD "أسبوعين بس؟ عندنا قالوا نمر في الامتياز على الأقسام بالشهور.. بعضها شهر وبعضها 3 شهور. كمان النيورو شغلها معقد أظن مفروض تاخد وقت أطول!" مو مسؤوليتنا ولو نبغى نكون ممرضات في OR شغلها بعدين ان شاء الله @.@ "إيوا من اسمها.. Adhesio التصاق وLysis هي الـbreakdown << بأراجع معلوماتي <.<.. أخيرًا عرفت شغل النيورولوجست.. يعني يعمل عمليات جراحية مو زي الـPsychiatric اللي شغله بالأدوية مع المجانين." شاااااااطر ماشاء الله ^___^ "كانت تجي في House MD اللي قلتلك عليه.. شفت المنظر كثير.. بس ما شفته على الواقع <.<.. مدري متى يدخلونا العيادات.. كانوا يضحكوا علينا سنة أولى يقولوا حتدخلوا المستشفى من سنة ثانية حتى الطلاب ما ينقلوا لكليات ثانية XD.. وخلصت سنة ثانية ولا شفنا شي -__-!" أها دا المسلسل اللي كلما أبغى ادور عليه انسى "^^ عاد يكذبوا عليكم انتو المفروض تروحوا الترم الثاني من سنة ثالثة أو رابعة أظن XD عاد يوم الثلاثاء كنت في Cardiac Case .. تخيل حضرت CABG!! (Coronary Artery Bypass Graft) سألت زوجة أخي (هي Surgical Resident وأخي كمان نفس الشي بس بمستشفى الحرس "^^) إذا حضرت CABG قالت لا ماحضرت XD يوم الأربعاء كنت في الPediatric وحضرت عمليتين أول وحدة كانت Inguinal Hernia Repair والثانية Exploratory Laparotomy عشان Mesentric Cyst Excision @.@" كلامي كثير غومن غومن "^^
Oi.. هلاي.. توي شفت ردك في دفيانت اللي من كم سنة.. ديك الرسمة كانت أووووووول رسمة فعلية أشارك بيها في المنتدى.. شاركت بيها في مسابقة رمضان وفزت بالأول ^^.. ومنها انطلقت في الرسم! تقولي اللي يقرا قرآن ما يجلس بدي الوضعية XD؟! ومو اتجاه القبلة حتى.. عاد وقتها ما كنت أركز في التفاصيل.. يا دوب أرسم أي شي.. لكني فزت رغم ذلك!
كلما أشوف الصورة أحس قلبي يخرج من محله @@" إيه كيلوا-كن XD أقول كيفك؟ اليوم حضرت عمليتين للNeurology @.@ أنا دا تاني اسبوع لي في الOR بس طبعاً آخر اسبوع لأنو بس اسبوعين نمر عليه XD المهم.. عملية اليوم الأولى كانت عن شي اسمه Spinal Cord Adhesiolysis اللي فهمته انو كان في التصاق للSpinal Cord مع الفقرات وكانوا بالعملية يفكوها حسبما فهمت.. "×_× العملية الثانية ماأدري كيف استحملت أشوفها .. الحمد لله @.@ أصلاً خلص دوامي والعملية ماخلصت.. كانت Craniotomy .. واسم العملية Excision of brain mass.. عاد أول مرة أشوف كيف لما يفتحوا الجمجمة ويشتغلوا جوا @.@" والله ماأقول غير الحمد لله على الصحة T_T الله يبعدنا جميعاً عن دي الأشياء ><
@@" هو انا داخلة صفحة كيلوا-كن ولا أنا غلطانة؟؟ إحم إحم.. فيتو-تشان ويوغي-كن عملتوا شات على حساب كيلوا-كن XD أهلييييييييييييييين كيلوا-كن مشكور على المباركة حتى لو متأخرة ^^ لا تحرمنا من وجودك ^^
السلام عليكم.. كيف الحال لينالي؟ مبروك على الرقابة متأخرًا ^^".. إش اخبار التمريض؟
