meyrin
•·.·°¯`·.·• وردة ٌ من ثلج •·.·°¯`·.·•

لسلام عليكم ورحمة الله وبركاته

وعليكم السلام وحمة الله وبركاته ^^ >>> شايفة كيف أعرف أقلد

المهم ... شاكر الترحيب وما قصرتي ... الله يعطيكي العافية يا ستي

المساعدة أولاً ... والتعلم ثانياً ... لأنه " من ظن أنه استغنى عن التعلم ... فليبكي على نفسه " دا كلام الإمام أبوحنيفة ... لأنه لسه لسه بدري ع الاستشارات ترى بس الواحد بيتكلم من اللي أتعلمه ... أنا صراحة دخلت المنتدى دا وفي بالي إنه فيه دكاااااااااترة كدا مكبوبين كب ياشيخة وقلت أستفيد منهم ... وعلى فكرة لمن كنت أكتب الردود نففففففففسي يجي واحد زيك كدا ويقلي ترى كلامك غلط الصح كدا .. أو يقلي ايوا صح ويزيد ... وأنا داخل هنا ما أبغى أخرج إلا بفائدة .. والفائدة تكون بشيين زي ما زكرت لك انه يا تزيدي معلومات .. أو تصححي أغلاط ..


أما عاد هرجة المن والرياء دي .. فماني ماخد فلوس على هرجي صح ؟ والرياء مااااااحد عارف عني إلا إني عبدالرحمن هههه ودي صورتي مرررره ماشالله واضح وجهي خخخخ ... فبالله أرائي مين ؟؟؟؟؟ لا من جد خديني على قد عقلي مين اللي أسوي قدامه فاهم عشان "يقال" فاهم ؟؟؟ لوووول


وإن شالله أستمر بس الهرجة انه الصيف جا وتدريبي في المستشفى غلق كنت ماخد تدريب وكدا وجالس رمضان طفشاااان جلست أزاكر مسوي دافور ولقيت المنتدى دا وعلى طول سجلت وجلست أرد ... متوقع أحد يناقشني ... وصراحة لمن شفت ردودك قلت دي أكييييييد طب .. قريت التاريخ قلت ممممم والله ماشالله ... المهم كنت أوجه لك كلامي أبغى أحد يحاااورني يقلي ايوا ترى هنا فيه حاجة لازم تعرفها لأني زي ما قلت أنا دااااخل والله بس عشان واحد يعلمني ويرد عليا ويناقشني في معلوماتي ما أبغى فلوس ولا حتى كلمة شكراً ... أنا المعلومات تكفيني ... وممكن تقولي طيب النت مليان ... أنا عارف النت مليان بس النت مليان " معلومات " وليس " تجارب " وأنا أبغى أعرف تجارب الناس اللي سبقوني أو حتى أي معلومة ... المهم الدراسة تبدأ والواحد يرجع للقرف حق الكلية بس ياربي أعنا ... إن شالله نشقر ع المنتدى بس دي الأيام هيا اللي الواحد فاضي عشان كدا ...


وعموماً أنا آآآآآآآآآآآآآسف وربي مررررررررررره غلست عليكي هههههه أصلا أقرا ردودك فللله مع الناس معايا كدا تبغي تلطشيني هههه يالله معليش كلنا زملاء مهنة وحدة ...

نصيحة لله في الله ... على وقت التدريب .. رئيس قسم الجراحة ناسي اسمه المهم اتكلمت معاه تخصص وكدا قلي شوف هوا بدري صح بس نصييييحة كدا أصصصصصصصصصصصحك جراحة عاااامة ... جراحة متخصصة اوكي لكن عامة لاااااااا والله هوا ماشالله شااايب كدا في العلم لكن كدا حسيته من قلبه يتكلم على هرجة الجراحة العامه هههه الله يجزاه خير ...


وعلى هرجة المواضيع .. أنا لو نزلت مواضيع راح أتكلم بطريقة أخاطب طالب الطب معليييش بس مررره ما اتوقع اني اقدر انزل مواضيع غير كدا والله مادري بس انتي خليتيني اتردد انزلها ... يعني حتكون زي لمن هرجت عن الباركنسون كدا عربي وفله بس توصل المعلومة اللي يحتاجها الطالب ... وكنت كدا كتبت موضوع عن الميرور سندروم mirror syndrome تعرفيها ؟؟؟ كدا كتبته بالعربي طبعا مو انجليزي بس ما اتوقع احد كدا يفهم الا لو كان سنة تانية طب اقل شي ... فوالله مادري انزله ولا ؟؟؟


وعلى فكرة طفشت اهرج لغة عربية فصحى فمررررره معلييييش ههههه ومشكووووووورة وآسفين ع الغلاسه تاني


احترامي لك >>> دي لازم منها بالفصحى عاد ^^

ههههه لا حول ولا قوة الا بالله ... يعني تركتي هرجتي كللللها ... وما مسكتي عليا إلا ((نيرف)) والله شوفي يا اختي ... دحين الواحد لمن بيشرح مرض يعني أنا دارسه باللغة الإنجليزية ... ولمن تيجي تتكلمي عربي ... فيه كلمات لا إرادياً بتطلع ... طيب معليش خديني على قد عقلي ... خليني أهرج وأكتب وأطلع اللي في قلبي من دي الأمراض ... إنتي تعالي بعدي وترجمي اللي قلته ههههه خلاص ؟ كدا ارتحتي ؟ هههه الله يهديكي بس ...

وعلى فكرة ماني دكتور في الجامعة ... وأحتفظ بعمري لنفسي وسنتي الدراسية في الكلية ... لكن إني أجلس أشرح للمريض إيش الهرجة ... والله أنا جدااااا آآآآسف ... الطبيب مو مدرس ... الطبيب يشخص المرض ويعطي الدوا ... واللي يقول المرضى والمرضى أقله مع نفففففففسك لأنه لو الطبيب بيشرح لكل مريض عن مرضه كان جلس طول يومه ما شاف في العيادة إلا 3 مرضى بس ... ودا الشي مجرب... طبعاً أنا ما أقول : عالج المريض على عماه ... لكن أعطيه المعلومات على قد مايسأل

أما بالنسبة للمنتدى يا ستي فعاد أسمعي الهرجة كيف ... الهرجة إني لمن بأحاول أكتب ... أحاول إنه اللي مااااعنده خلفية طبية يفهم ... وفي نفس الوقت طالب الطب أو الطبيب أو المتخصص في أي مجال طبي ... يستفيد من كلامي ... فعاد تسامحيني لو اللغة العربية دي ما قدرت أزبطها ...

وبإذن الله تكبري وتصيري دكتورة كدا قد الدنيا ... المهم إنتي إيش تبغي تتخصصي ؟ ومن دحين ركزي على المواد وحاولي تقريها من دحين ... والله عني محتاااار كارديو ؟؟؟؟ ولا كارديوثوراسك سيرجري لأنه والله الاتنين حماااس بس ربنا يسهل ...

الله يعينك وشكراً على اهتمامك وآسف على غلاستي ههه

احترامي لك ...

الأخت الفاصلة...

بإذن الله ان شالله ابشري احاول اسوي اللي بتقولي عليه بس انا فكرت فيها ... قلت لو واحد يبغى يدور على الأشياء دي نحط له الاسم بالانجليزي يصير ما يتعب .. دا اولا ... تانيا فيه اشياء انا اصلا ما اعرف كيف تنقال بالعربي فعشاان كدا تعذرينا ... وقسم الاستشارات المفروووووض يكون لحالات راحت للدكتور وكدا ما عجبها الكلام ... لانه يا اختي لو كان المنتدى الطبيب الأول ... كان نص المرضى ماتوا وانتي عارفة ليش ... الأشخاص اللي بترد ... ايش عرفنا انه طالع عمره دا M.D ولا صيدلي ولا تقني مختبر ... ولا حتى واحد مو داري ايش الهرجة أصلا ... فهمتي الخطورة ؟؟؟؟

على فكرة تاريخ ميلادك 1989 ماشالله العمر كله ... لكن دا معناه لسه ماشالله صغيرة ... انا مو قصدي دا الشي بطريقة غلط بس يعني اظنك لسه طالبه ؟؟؟ طب ؟؟؟ سنه تانيه ؟؟؟ صح ؟؟؟ اولا ابارك لك الكم الهائل من المعلومات اللي عندك وطالبه في سنه تانيه عندها المعلومات دي صراحة وفاهمه قد كدا .. دا شي جدا خطييير الله يوفقك دنيا واخرة ... واذا احتجتي شي ان شالله نكون موجودين ...

احترامي لك ...

السلام عليكم ورحمه الله وبركاته
شاركونا الاحتفال ..ألف مبروك
http://www.montada2.com/showthread.php?t=610299

اختي الغالية ابنة الحرية ... اخي fly _batman
الشكر الجزيل لكما على تهنئتكما لي ^_^

في امان الله

مبرووك الفوز بالمركز الثالث
وعيدكم مبارك مقدماً

شكراً على التنبية .. تم حذفها وطرد عضوية الاعلانات.

السَّلاَمُ عَليْكُم وَرحمةُ اللهِ وبَرَكَاته..
هل ثقلُ النوم يُعتَبَرُ حالةً مرضية..؟؟ أو هل تشكلُ خطراً في المستقبل؟؟
وهل لها علاج؟؟

وشكراً