بطووووطه
مراقبة سابقة

.
.


ليلة 28 - ليلة التختيم !!

السلام عليكم و رحمة الله و بركاته ..
في مسجد أبو ذر الغفاري للشيخ عبدالعزيز الحكمي
أحلى شي لما تكون بالصف الأول ^_^ .. ستجدون سرية الوصول له مابين السطور ..!

طلعت من البيت
1:50 am
وصلنا هناك 2 إلا دويقات ..

يوم زي هذا .. لازم تجهز نفسك لمفاجأة أي شيء ^_^ .. و لأني ما حب المفاجآت ..
السياره على بعد 6 عماير .. فمموري الجوال بجيبي اللي ورا .. و جيبي الثاني جوالي .. و جيبي الثالث منديلين .. ^_^ .. و معاي سجاده .. كنت على وشك اني احط مفتاح البيت .. احتمال أضيع و ارجع لوحدي <== كان حطيتي فلوس يا فالحه ^_^ !

دخلت المسجد .. الأوضاع اللي شرحتها قبل ايام كانت مشابهة من أكوام الناس و الجزم .. بس اليوم زياده .. أظنهم ينتظروا الزكاه او حتى الصدقات !

المهم .. توصل للدور الأول .. تتضطر انك تنتظر لـ السجود .. عشان تنقز >< من فوق المصليات و توصل للدرج .. و تكمل للدور الثاني..
الدرج كله بنات ما أعرف اش ينتظروا >< هل الناس تنحف فجأة و يبعدوا لهم مكان .. ؟ او ما أدري ؟!

طلعنا للدور الثاني .. إلى اخره مليان >< مع انه فيه اطفال و إزعاج .. لكن برضوا مليان ..
كويس اننا طالعين بوقت سجود .. شي يخليلك تبحث عن مكان فاضي بسهوله .. !
بس مافي .. !


ما أعرف هل هو حظي .. أنه اذا انفجر المكان من الضيق يقعدوا يفتحوا فصول و يفرشوها .. أو هذا من عادتهم !!
المهم .. رحت لأول غرفه قدامي فاضيه و يفرشوها ..
هوا هذا الصف الاول اللي أكذب فيه على نفسي ><

بالاول .. قلت أدور مكان ثاني >< ! بس كبّرت خلاص عشان لا تروح الركعه الثانيه كمان .. !
صليت .. تقريبا كل الركعات كانت خفيفه لأنها اخر 5 صفحات من القرآن .. و كلها قصار سور ..

بس ><
حر .. وصوت الشيخ واضح لكن مو كثير !
سماعات من المصلى اللي جنبنا و سماعات صوتها واصل من الشارع لأنه الشباك كان مفتوح وقتها من الحر >< !

صلينا و كملنا .. تقريبا لحقنا 4 ركعات !
أفضل شي لما يكون جنبك اشخاص ما تعرفهم ^_^ .. عشان تحس انها ليله غير عن كل الايام ..!
على يميني شخصيه شماليه .. <== و تكتشفي وقت الصلاه كمان ^_^ !
فيه بنوتات ورا قاعدين عندهم سر يتكلموا فيه .. بس خلصت الصلاه .. صرخت فيهم و طردتهم برا .. أحلى شي انهم قويات مع الـ 10 سنين لكل وحده ^_^ .. ولا رضيوا يطلعوا .. و يقولوا لها طيب مين فينا اللي كانت تتكلم خليها تطلع :P .. !
الغريب .. على صوت صراخ الحرمه وقت الدعاء كانت اكثر وحده تبكي >< فسبحان الله !


المووهيم ..
جا وقت دعاء التختيم و اخييييييييييييييييييييييييييرًا ..
كونك تصلي هناك .. ينسيك الحر و كل شي.. كل شي ..!
ما عرف اش اوصف .. بس >< !!
ما قدرت لا أأمن أو حتى أسبح من بعد الشيخ .. لأني كنت أبكي !! فكنت ساكته >< !

كعادة الشيخ .. كان يبكي الناس و يدعي بالطيف الرحيم و بعد ما يتذلل كل من في المسجد يرجع يدعي بقوووووووه و يقول يالقوي يا كبييييييير ..!
ما اعتقد انه ترك احد و ما دعا له .. لدرجة انك لما تسجد بس تدعي اللهم تقبل منا !

حتى البنات الصغار اللي اعمارهم بين 10 و 14 تقريبا .. سمعت بكائهم >< الله يستجيب للشيخ بكل ما دعا به !!

أظن هذا المقطع يكفي لـ وصف حالنا الليله .. !
( هنا )


بداية الدعاء الساعه ( 3:00 am ) و انتهى ( 3:30 ) !
نصف ساقي ما أحس فيه >< !

بعد ما انتهينا .. مستحيل اتحرك شبر من مكاني >< زحمه و رجه !
فقلت اقرأ قرآن على بال ما تخف الدونيا .. كملت تقريبا ربع ساعه و الدنيا على حالها ما خف منها إلا قليل .. بعد 5 دقائق .. جازفنا و دخلت انا و اخواتي بينهم >< !

اليوم كان اكثر تنظيم .. بما انه المشرفات هناك شافوا الاوضاع 27 يوم !
فكانوا يفتحوا الابواب .. 10 دقايق لـ الدور الاول و 10 دقايق لـ الدور الثاني .. و بعدها يقفلوا .. مع هذا كله برضوا فيه قتل >< !

طلعنا بحمدالله .. ولا أي شي من المفاجآت اللي كنت جاهزه لها صارت ^_^ !
مع زحمة الشوارع وصلنا 4:15 am .. للبيت !

لي ساعه و شي اكتب .. بس مو عارفه اش اكتب أو كيف اوصف >< !
اهم شي الشعور انك مرتااااااااااااااااااااااااااااااااااااااااااااح و انت طالع من هناك .. !

انتهينا .. و انتهى التختيم .. !
ياااااااااااااااااااااااااااااااااااااااااااااااااااااااااااااااااااااااااااااارب ..
رمضان 30 يوم ..!

اللهم أعد علينا رمضان أعوامًا عديده .. و أزمنة مديدة ..
اللهم اجعلنا في هذه الدنيا من الصالحين المتقين .. من الذاكرين الشاركين و
من الصابرين ..
و يوم القيامة من الفائزين .. !
اللهم أجبر كسرنا على فراق شهرنا .. !

دمتم بود ..

.
.