PS Player
الفائز بالمركز الثاني في مسابقة الاكس بوكس الرمضانية 2011
●[Śilent Tears]●

اي للحين على جيرز بس اللاق ذبحني عند الامريكان لاني شابك على ايقو يخرب بيتها


نينجا قايدن نهاية الشهر بتكون عندي

انا ناوي على Ninja & GRiD

بس شكل بكنسل GRiD

أقوول انت للحينك على جيرز :P إشتر نينجا جايدن اليديد ترا يمدحونه عيال ال360 !

أبتركك للغير منهو يسليك
وأببتعد وأنسى ماضي مسيرك

دامك هويت الغير فالله يهنيك
وأنا باعيش أذكر على الدوم خيرك

خلك معه خلك.. يمكن يراعيك
بس لاتجيني لامن خلاك وحب غيرك

اعتلي يانفس واعقل ياخفوق
.وارقدي ياعين وارحل ياهوى
بنصحك ياقلب لايطويك شوق
روحته مع جيته عندي سوى
من يحطك تحت لاتعليه فوق
ومن يحطك فوق يبشر لانوى
الكرامة مايوطيها امخلوق
والنجم لاطاح قالوله هوى

ينجرح قلب ... لكن ترتفع هامه
والله اني لاموت ولاانحنى راسي
لورماني زماني وسط دوامه
العواصف شديده ... والجبل راسي
أنقل الحزن وامشي منتصب قامه
قاسي الوقت ... لكني بعد قاسي
وأسمع الحلم يصرخ لحظة اعدامه
رابط الجاش ... ماهز الخبر باسي
عزتي غاليه ... والناس سوامه
قلت مابيع حتى تقطع انفاسي
زانت أيام عمري ... شانت أيامه
مارجيت العزى من رحمة الناسي
من عجز لايدوس الهم باقدامه
لازم انه مع الايام ... ينداسي
يندمل جرح القلب ... ماتت أحلامه
بس ماظن يبرى جرح الاحساسي
يوم صارت مابين ... القلب والهامه
وش أبي بالحياة اليا انحنى راسي

اهداء.....


كتبت الشـــعــــــر مــــو لجلـك ولكــــــن فـاض بـي
بركـــان واما انتي فلا تسوين قصيده في نظر عيني

حلفتي لي تصونينـي إذا صـار الزمــــــن خــــــوان
وأول مــــــا عثـر حظـــــي علـى دربـــــك خذلتينـي

كسر رمح الزمـــــن صدري وجيتك اشتكي حيـران
نزعتي الرمـــــح من صدري وفي ظهري طعنتينـي

خســــــــااااره كييـف حبيـتك؟؟! نعـم والله ندمـــان
غـــبــــــــي أدري نعـم ادري مـا دام انـك سكنتينـي

سنيـــــن مـن عمـــــــري وانـا فـي لعبتـك غرقـان
أشيل الـــــشــوك من دربك وجرحـي كـان يدمينـي

وكنت أبكي إذا تبكي وأكـون لبسمتـك فرحـــــــان
وكنت اقرب من رموشك لعينـك يــــــــوم تبغينـي

عرفتك للآسف صحـــــــراء وحولتـك إلـى بستـان
وشلتيني غصن أخضـــــر وفي صخرك زرعتينـي

حفرتك داخلي وظني تصوني عشرتـــــــي أزمـان
وكنت أحفر قبر موتيــــــــ علـى ساحـل شرايينـي

على كف الشقا نامت جروحي والألـم سهـــــران
يحطمني .. يبعثرني .. وفي صحـراك يرمينـــــــــي

ولكن عــــزتـــــي تفـرض أكـون بدنيتـي سلطـــان
وإن ظنك أجي أركع لرجلــك... مـا عرفتينـــــــــي

انا ما عادتي اشحذ من أمثالك رضــــــا وإحسـان
امـــــــــــوت بـــعــــزتـي ارحـم ولا ذلــك يغطيـنـي

وما دام الوفــــــــــا عنـدك يـدور لـه علـى عنـوان
بدور لي على قلـب يصـــــــــــون الحـب وسنينـي

ولو قلبـي رجـع حَبـك بولـــــع فيـه بالنيـــــــــران
وبكســـــرهـا أنـا رجلـي إذا صوبــــــــك توديـنـي

ولو دار الزمــــــن ضدك وجيتـي تطلبـي الغفـران
وجبتي الشمــــــــس فـي كفـك لعندي..مـا بتلقينـي

تقول الناس في وصفك:جميله مثل عـود البــــان
وإنك أجمل وأحلى بشـــــــــر مخلـوق مـن طينـي

وإنك غاليـــــة وأثمـن مـن الياقـوت والمرجـان
تقوم أكوان مـن أجلـك وتقعـد لـك بلادينـــــــــي


حــــــسافه غرهم شكلك ويـا مـا تخـدع الألــــوان
عموماً .. بقت كلمة أخيرة لك على قلبي وسمعيني

إذا كنتي بنظر غيري مـــــلاك على هيئـة إنسـان
قسم بالله ما تسوين شعـــــــره مـن رمـش عينـي

رسالة الى ..............

أبد .. ما جيت ابارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي
ترى لولا الظروف اللي عطتْك وحدّت محاكيك
قسم بالله ما تدخل عليهـا لـو علـى رْقبْتـي
ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي
كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسر بتجربْتـي
تراها غاليه جـداً .. وتكفـى .. والله يخليـك
تـدللها .. تدلعهـا ... تنسّيـهـا مصاحبْـتـي
أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي
لإنك لو بتسألني بتسمع شـيء مـا يرضيـك
لذا ياخـوي لا تسـأل ولا تسمـع لأجوبْتـي
أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي
فداعبها شوي شـوي حتـى تشتهـي طاريـك
وشاغبها إلين تقـول لـك: بطّـل مشاغبْتـي
واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي
وبالك اسمع انّك يوم تضربها وهـي تشكيـك
ما يحتاج اورّي لك بفـن الضـرب موهبْتـي
صحيح انك بتملكها ومعـك الصـك بالتمليـك
وانا عارف حدود الله ومـن حقـك معاقبْتـي
ولكن قلّها المجنـون وصّانـي وهـو يعنيـك
يقول انّـه بينتظـرك ولـو شيّـب وشيّبْتـي
وانا مجنونها اللي ما نساها وانت مـا يمديـك
تغطّي ذكرياتي في هواها.. وربْـع تجربْتـي
أحس اني تماديت بكلامي.. والغضب حاديـك
ولو انّك في مكاني ما تفكّـر فـي محاسبْتـي
كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي
وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي
توصّى..وانتبه..واحرص عليهـا والله يهنّيـك
ترى كل الكلام اللي طلَع من ضيقـيَ وكبْتـي
ولكن ما قدرت انّي أقوله وانـت مـا يخفيـك
أخاف انّـي إذا قلتـه تقـوم وتقطـع رْقبْتـي



!!!!!!!!!!!!

صح بدنك

العفو

صح لسانج

ومشكورة عالاهداء...

إهداء.......

(( براءة يا جحود الحب ))



براءه ياجحـود الحـب يامستوطـن التفكيـربراءه غيب عن فكـري وأنـا باعدّهـا خِيـره

أنا مايوم رديتـك برغـم إنـك طلبـت كثيـرأبيك تفك لـي قيـدي وتنفينـي مـن الدّيـره

أفضل عيشة المنفى ولا أسكن بقلـب صغيـرأعيش بعزتي غربـه وأجيهـا دون تأشيـره

وطن ياما صبر أمسي وباكر ماحصـل تغييـروطن مليت طعناتك خـلاص وفضّهـا سيـره

أنا اللي شفت من ظلمك حقايق ترفض التزويرولاطاوعت من قالوا ترى ربّـي خلـق غيـره

معك مافادت الذكـرى ولا ينفـع أبـد تكريـرخرابه كيف أأذن بك !! وذنبك كيف تكفيـره ؟

عجزت أكذب على العالم وأقول إنك كبير كبيـروأنت أكبر طموحاتـك تطلعنـي أنـا صغيـره

هنا لآخر نفس فينـي تحمّلـت الكـلام كثيـر وواحد عنده أسلوبك يخونـه ليـه تعبيـره ؟

هنا كانت معي روحي من جروحك تبي تحريروهنا قلبي رفض يسمع عذر جرحك وتبريـره

هنا جرحي على صدري صحى من لعنة التخديروهنا ماعاد يغريني سحـر حكيك وتأثيـره

فمان الله وإنساني وأبي دايـم تكـون بخيـرهنا شعري وقف وقفه وصفق لـه جماهيـره

وهنا آخر شطر عنّك ولا كـان لأحـد تأثيـر( أنا لايمكن أتندم عليـك وعدّهـا خيـره !!)




بنت الاحمدي