بطووووطه
مراقبة سابقة

السلام عليكم..

كيف حالك ؟

تحذير صحي: قراءة الردود المكتوب أجزاءها في أزمنة متباعدة سبب رئيسي لسرطان البحر وأمراض الغرب والشماليين.

الرد دا كل يوم أرد على جزء مختلف بدون ترتيب.. فلا تستغربي التناقض او التكرار لأني ما عدت أقدر أربط أي شي كتبته XD!

يؤ .. ! عندكم حوادث في الحالتين ^_^
هذا المختبر فيه زيه في باقي الجامعه .. ؟ .. لأني ما اطلع دايما إلا حاطه درجة متوقعه صحيحه و دايما تكون صح ! فأبغى استمر بهذا المشوار
ولو المختبر يعطيني ياها جزاه الله خير ^_^
ما أدري عن باقي الكليات.. عندنا جربوها مرتين وكلها طلعت بمشاكل فتابوا عنها.
أنا دايمًا احط أسوأ درجة محتمل إني آخدها منعًا للإصابات النفسية والأمنية والنط من الـ... بس طبعًا أكثر من الصفر دايمًا.


اهـااا .. ! و الله شي حلو .. ؟ يا مسهلها لما نتعلم من واحد لخص كل شي .. انا اعرف لهم البصري و و . . بس مو بالسلام ..! بس عموما يعني لما تعيش مع شخص .. !
السلام يعطي تلميح بسيط لكن يساعد.. المعاملة وبالذات في الأوقات الحرجة تخليكي تكشتفي بالتمام.. البصري ممكن ينعرف بسرعة.. لأن صفاته واضحة! وبالمقارنة مع البوصلة يبدو لي إن البصري عادة شمالي مهما كان الطبع غير الغالب.. يمكن شمالي غربي لأنه متحمس ويكسر بدون ما ينتبه.. أو شمالي شرقي لأنه يبغى يحافظ على النظام وممنوع الكلام.
إنما الحسي يمكن يلخبط مع السمعي للتشابه بينهما.. الحسي فيه تغلب عليه الجنوبية.. السمعي يميل للشرقية. رغم إني سمعي ونصف حسي ما طلع معاي إني جنوبي شرقي بحت! متزن على ما يبدو.. حلو دا الوصف XD!

كفشتك متلبس بالجريمه .. !
لا تخليني أعيد اقرا الردود عشان استنبط مقولتك عن إسلوبي .. ؟ <== يقولوا تهدد ^_^ !
جريمة إيه XD؟! ما قلت إلا "دا ينفع إكتييير إكتييير".. هو لازم أقولها بالصريح ؟ << الدوران الجنوبي!
صووح.. "المديح الصريح" أول بند في قائمة "مكافأة الشماليين" @.@! لو لاحظت دا الشي من أول كان استنتجت إنك غربية شمالية!

امممم .. انا مدام سجلت فيها يعني مستعده لـ شق طريق ساعه يوميا ! بس ماما كانت تحبطني كثير لأنها خايفه عليا ^_^ .. !
ساعة ><"؟! ليه مو شمالك الجامعة وجنوبك إيكيا؟! في وسط جدة تقريبًا. حتى ولد خالتي اللي في الرحيلي و60 كيلو تاخد نص ساعة لو الطريق فاضي.

إلا سؤال .. هوا العالم بالجامعه ليه كذا ؟
انا دوامي ينتهي الساعه 5:30 / 4:50 لييييييييييييييييييه .. ؟ انت متى ينتهي دوامك؟ أبغى اشوف اذا احد مظلوم زيي ^_^
أظن السنة التحضيرية لكل الدفعات ذات ظلم متساوي.. بالتالي هو عدل XD!
إنما ممكن تتغير لساعات أقل لو اخترتي تخصص وعملتي جدولك بنفسك.. هذا ممكن في كل الكليات عدا كليتنا!! عندنا الجدول جاهز وموزع وما يمكن تغييره. << اتشمّتي !
الدوام طبعًا ينتهي دايمًا الساعة 3 - 5.. لكن رغم الزحمة اللي فيه.. محاضرات وحلقات نقاش كثيرة ممكن تتلغي في بعض الأيام.. فأحيانًا نخرج مبسوطين حسب الحالة.. أحيانًا 11 نكون خلصنا!
وأحيانًا أخرى.. ناخد محاضرة فاتتنا فيمتد الدوام إلى 6! حصلت في مرة أخدنا محاضرة متأخرة.. وأبواب المبنى تنقفل أوتوماتيكيًا الساعة 6.. لكن تظل مفتوحة لو ما انغلق الباب بالكامل -يعني ظل مردود-..
ما ندري من النذل اللي شال الحديدة اللي حطيناها حتى تمنع انغلاق الباب.. وصارت الكارثة! 60 طالب محبوسين داخل المبنى.. والأمر الممتع.. الدكتور انحبس معانا XD!
من حسن حظي إني كنت خرجت للحمام وأخدت معي شنطتي قبل ما تنقفل الأبواب.. ولما خرجت شفت المبنى من بعيد فيه زحمة وضجة -المبنى أبواب زجاجية-.. رحت أتفقد الأمر لقيت أشكالهم زي اللاجئين من الحرب!
المزعج إنهم حتى لما شغلوا إنذار الحريق مرت ربع ساعة وما حصل شي <.<.. كيف لو كان حريق حقيقي؟! المهم رحت لمكتبة الكلية لأنها كانت مفتوحة وكلمت الحراس.. وفتحوا الباب بعد ربع ساعة أخرى!


دولار واحد .. !!!! الحمدلله و الشكر !
هذا اذا حسب الاقتصاد عنهم يكفي انه يعيش بالدولار أو لا !
ما أدري كيف الحالة.. بس يمكن المصنع يعطيهم سكن مجاني عبارة عن كرتونة فيوفروا الإيجار!
كمان 30 دولار في الشهر.. 120 ريال.. تقريبًا قريب لراتب عمال النظافة عندنا. غير إن عندهم العيش أرخص بكثير.

يعني تقريبا كلنا ندري انه دوله معينه مشهورة بشيء ما.. بعكس الصين اللي صار عندهم كل شي تقريبا ^_^ !
إلا لو استثنيتي الفنون القتالية والأكل الصيني XD!

أبدا مو قصدك تمدح نفسك بشكل غير مباشر !
كثرة الردود و استمراريتها مع طولها .. على مدار العام .. دليل قاطع لذلك ^_^


مين اللي كذب عليك وقالك اني راح أتابعهم كامله !
مجرد عرفته واشوف كم حلقه واحفظ شخصياتها و اعرف نوع المسلسل .. هذا يكون إنجاز تلفزيوني بالنسبه لي ^_^
بما اني تابعتها معناها عجبتني !
لأنه اللي ماتعجبني ما تستحق دقايق من وقتي الثمين ^_^
لذلك مافي ولا فلم او مسلسل بايخ بالنسبه لي لأني ماشفته اساسا ^_^ مجرد بدايه لا تستمر دقايق و احكم عليه ^_^ ..
و اللي كتبت عنها أول .. معناها عجبتني ^_^
يعني استنتج إنها عجبتك ولكن حتتابعي منها كم حلقة وتتركيهم بعد ما تعرفي هرجة المسلسل؟! ما أحرضك على تضييع الوقت لكن...
أعرف مسلسل ما صرت مهووس به إلا لما شفت النهاية.. نهاية المسلسل ممكن تحمل الكثير في طياتها وممكن تكرهك في أبوه!
لكن يفرق لما تشوفيه تلفازيًا وكمبيوتريًا.. فرق في الحرية والحركة.


يالله ! و كمان شي ثالث ؟ انا قلت مسلسل + فلم
و الحين صار فيه : مسلسل مرسوم + فلم مرسوم + فلم ممثل !
وشي رابع: مسلسل ممثل! بعض المانجات من شهرتها تتحول لكل الأنواع الأربعة!


باقي السؤال الاخير بخصوص الانمي و الـ ..
و ين ممكن ألاقيها بجده ؟ بأي مكان ممكن ؟
لا تقول لي داونلود و نت بلييييييييييييز !!!!!
عندك مصدر جيد لها.. مو كانت لينالي تجرك جرًا حتى تشوفي لقطات XD؟ يمكن عندها المطلوب!
لو لأ.. أماكن ألعاب الشبكات وألعاب الفيديو ممكن تبيع.. وممكن الأماكن الصغيرة اللي تبيع كل شي إلكتروني وفيها بياع هو عبارة عن شنب ضخم يتدلى منه رجل.. بس ما أنصح بها.

اها .. يعني ديث نوت اللحين نصنفه من أي نوع ؟ اكشن / رعب / رومانسي .. .. . ! ؟؟؟
الله يستر ؟ وش هالفلم اللي فيه بطلين طيبين متناقضين ^_^ ان شاء الله أقولك .. بس بعد ما تقول لي من وين اشتريه ^_^
تصنيفه اللي فاز به Thriller.. مليان بالغموض و"فجعات الفجآت" من الخطط الداهية الذكية! رعب؟ ممكن فيه رعب من الموت ورعب من موت الشخصية اللي تتابعيها.. لأنك حتشجعي إحدى الشخصيتين في الأساس إما Kira أو L!
عندك يوغي موتو مشجع مخلص لحزب كيرا! وممكن تشجعي الإثنين زي حضرتي.
عموما هرجة القتل ؟ غريبه ؟ لأنه امريكا للحين مافهمتها ! يجيك فلم كل ابوه قتل ولا عليهم من احد .. والفلم الثاني لو انقتل طفل يحققوا فيه و يبحثوا وراه ؟
اظن الافلام الوثائقية تثبت صحة المقولة الثانه ^_^ وبنسبه كبيره و دقيقه !
إي والله <.<.. أظن الأمر يعتمد على نظرة المخرج للقتل تمثيلاً.. ومدى أهمية الشخصية بالنسبة للمشاهد.. بس أفلام كثيرة عجبتني عشان شخصية فيها وأفاجأ بموتهم بلا أي اعتبار. هدا يذكرني بتشابه حكم السجن للمجرم اللي قتل شخص والمجرم اللي قتل كلب مسعور!


تعطيني بداية الطريق و تقول لي لا تكملي ؟ !
اللي مستغربه منه .. انه ليش للحين ماكتبت ودورت ..
بس بعد الرد إن شاء الله ^_^
لأني عندي شك كبير.. بالذات إن البطل دكتور ثور XD! لكنه بصراحة من قدوات الطب اللي حطيتهم في قائمتي.. في العلم فقط مو في الأخلاق <.<!


كمان غير تخزينها بنصوص فيها عدة أيام .. ؟ يا ابني تألف كتاب انت ؟ ولا لهدرجة تفكر طول الليل بالرد ؟ ^_^
تقريبًا لما أكون فارغ الذهن للكتابة أفتح الملف حتى أرد.. المشكلة إني ما أعرف أكتب شي وجنبي احد يقرا.. وللأسف معظم اليوم وأنا على الكمبيوتر لازم ألاقي واحد لصيق.. بس مع بداية رمضان صاير منفرد معظم الأوقات.



و يالهوووتي .. مع الالوان و الاشكال في المنتدى مبين انه ردودنا اقل مما هيا واضحة في المفكره !
أقول .. ترا أصرف لنا نكتب كتاب ^_^ !
إيوا XD.. ينفع نعمل مجلة مع الكلام الطويل اللي نقدر نخرج به في كل المجالات من علم النفس إلى وصفات الشوربات!


لا هذا شي طبيعي بالنسبة لي ^_^ عندنا حالة مشابه جدا و أظنها بزيادة .. تفرق الردود عن الاعمال ^_^
أحيانًا تعمل مشاكل وزحمة.. مثلاً رسمة داك اللي يشبه ساسوري في الصحرا لها حوالي 11 ملف كل واحد بخطوة.. مع إن الفرق بينهم مو كثير.. لكثرة اللايرز صار حجم الملف الواحد قريب من 22 ميقا.. فكانت مستهلكة مساحة كبيرة.. دحين الحمد لله عندي مخزن ضخم فما أهتم بالمساحة كتير.


انا اخذت علقة براسي من الداونلود بالنسبه للافلام .. و توووبه احمل بعدها إلا برامج !


و من بعدها .. قطعت الصداقه مع الداونلود
يبغالك دروس في أساسيات التحميل والمشاهدة @.@..
الأول لازم تتأكدي إن الفيلم المحمل من سيدر مشهور وموثوق به أمثال فلان وفلانة!
الثاني لازم تحملي الكودك اللي يشغل الأفلام اللي تحميلها والكوديكات مجمعة في برنامج آسمه k-lite..
الثالث إن هاري بوتر السادس نازل بعد 5 شهور من الآن ! أكيد قصدك الخامس أو الرابع.
الرابع لو تعرفي دا كله وصار اللي صار فلتؤمني بسوء حظك مع التحميل @.@!
الخامس لو ما تعرفي دا كله فارجعي للتحميل أصرف لك!

علامات الترقيم جزء من حروفي ^_^ .. دنا كنت شاطرا اوي بالاملاء .. أقصد مافي جملة من كلامي لا تخلو من علامة ترقيم .. !
حتى أناااع! أستغرب من بعض أصحابي اللي يقولوا إن الإملاء أسوأ مادة عندهم <.<.. إش المشكلة في التعبير عن المشاعر بواسطة بعض الإشارات الخطية؟!

إذن ننتظر الاسلوب الجديد بفارغ الصبر ^_^ ! بمناسبة إقبال الموسم جديد وهوا رمضان !
ما أظن الأمر بيتغير كثير @.@.. الأسلوب يتغير حسب الحالة المنتداوية.. لو صؤت مراقب أو صرت نشيط فجأة أو كسلت فجأة حيتغير.


ما يمدحوا اللي يقرؤا الكتاب بالمقلوب ^_^ !
هذي الحاله تنفع لما يكون اللي قدامك يدرس او يعمل بشي يحبه و مقتنع فيه .. أمثالنا ^_^ !
حأصدقك القول بإني ما فهمت الجملتين أعلاه ولا علاقتها ببعضهما البعض ولا علاقتهم بالكلام اللي بعدهم ولا اللي قبلهم ^,^"!



عشان كذا نتيجتك صحيحه !
ترا اول ما قريت ردك انفجعت والله ^_^ بعدين تداركت الامر ^_^ !
في البداية ما كنت عارف إش اتجاهك بالضبط.. فاستخدمت سياسة بالاستبعاد بدل التطابق.. بما إنه ما فيك صفات الشماليين ولا تزمت الشرقيين ولا سذاجة الجنوبيين.. إذًا ما بقي إلا غربية!

على كذا انت جنوبي ! ولا اخفيك علما اني كنت ابحث عن الطبع دون غالب .. بس وكلت مهمة البحث لك ^_^ !
اقصد في اشياء كثير ما اعرفها ..
بعد شوية تحليل ما قدرت أعرف دون الغالب <.<.. بعض الأشياء تدل على الشمالية مثل ردك على التحدي بتحدي ، وكثير منها جنوبي.. لكني أفسره بحسن التعامل وحسب! دون الغالب لأنه متنحي صعب يتمسك.



اممممم ؟ إلا ما طلع عندك شي متناقض ؟
أقصد انا غربيه و صووحين ! بس ابدا ابدا ابدا مو مغامره ولا متهوره ! و هذي ابرز صفتين في الغربيين !
بالعكس انا حذره تماما .. وهذا من صفات البصريين ايضا ! اظنها حذر لدرجة القلق ^_^ !
لكن الباقيه منطبقه تماما ! و بالاخص .. انا غربيه شماليه !
و ارتاح مرا لما اقرا انه من طبيعتي الفوضويه ^_^ ! و رحت اوري ماما و اختي ! عشانهم اكثر ناس يعصبوا مني !
طلع عندي تناقض بامتلاكي لصفات من الغرب والشرق على السواء..
لأني شرقي في الملبس.. كنت فوضوي في المسكن حتى قبل أسبوع فقط.. موسوس في العمل سواء جاد أو هوايات.. بعض الناس يقولوا علي رسمي وممل وبعضهم يشوفوني فوضوي مقربع فلّة..
فااا مكنتش عارف انا أطلع إيه بأى! احلى متزن ^_^.

اها .. يمكن اروح اقرا في الـ ب.ل.ع أو كتب نفسيه ! لأنه في مسميات ما بفهمها تماما زي ( تسويفي / توكيدي / حاسم .. ) !
بعض الكلمات أحس الكاتب ترجمها ولقى أي كلمة تطابق المعنى لغويًا وحطها.. بدون ما يراعي المعاني العامية والمصطلحات..
حضرت مرة لمتدرب -كنت فيها الرجل الوحيد بين 130 بنت @.@- يختار الكلمات بدقة بحيث تكون أقرب شي للمصطلحات الشائعة.. كان يجيب الكلمات بالعربي والانجليزي فطوال الوقت كان يقول إن الكلمة العربية لا تطابق معنى الكلمة الانجليزية لكنها الأقرب للمعنى المقصود!



اهـااا .. بأى كدا ..؟ يعني انت لـ الوقت القريب وانت كنت متضارب مع البوصله ؟!!
بس ترا طريقة الشكل .. رسمتها كم مره عشان افهمها ! و بكل مره اتضارب معاه بسبب قربها من المركز أو قربها من الطرف ! لوكنت قلت اسم الحلقه الرهيبه كان ريحتني ^_^
تقريبًا.. لما قعدت أراجع الكتب اللي عندي افتكرت الصغير المسكين اللي ما قريت بالكامل..
حتى الحلقة كنت ناسيها ألين شفتها في كتاب وثائقي عن ديث نوت اشتريته من ماليزيا فيه كل شخصية راسمين لها صفاتها.. فالب.ل.ع هو الجزء الوحيد اللي كنت متابعه.. حتى كنت آخد معي بعض الكتب عنه أقراها في الطيارة..
وأنا مستغرب حتى الآن كيف اتضاربت مع المدرب اللي شرح البوصلة.. لأن شكله جنوووووبي بحت أشد جنوبية مني.. حتى عينه كانت... في فراسة العيون يقولوا الشخصية الضعيفة تظهر على عينها في ارتخاء الجزء الوحشي من العين واستواء الجزء الأنسي -(أنسي قريب من محور الجسم الوسطي الطولي ووحشي بعيد عنه للخارج)-.. لكن ممكن برضه تكون نفس العين للشخصية عديمة الإحساس!


هههههههههههههههههههههههههههههههه .. ماوصلت هنا إلا وانا اضحك .. ؟ الله يهديك بس !
هادي نتيجة الأسلوب المبالغ ^_^!


لالا .. خليك زي اختي .. و قول انك ذو شخصية متزنه تماما ^_^ ! افضل حل و اسهلها !
آها.. يعجبني دا الوصف XD! في أحد الانيميات.. شخصيتي المفضلة الأولى.. كورابيكا << واضح من الاسم..
واحد وصفه بإنه الأفضل في المجموعة لأنه الأكثر إتزاناً.. مشان جذي عاجبني ^_^!


لو قلت لك قد ايش اشياء بحثت عنها .. أظنك راح تتكلم بمستوى اعرف فيه كل شي ^_^ ..
بس ما انصحك بهذا المستوى .. لأنه وقتها بيصير ممل جدا خصوصا لو كنت أكرهه كمان ! ^_^
عاد زي ما قلت فوق -أو حأقول تحت- إن الموضوع لو أعرف عنه شي وعندي كلام فيه ما يصير ممل!
فارتاحي لو عندك أي موضوع.. لو ما عجبني ما حأرد عليه وحسب.


الظاهر كذا ^_^ .. مع اني ساويت اللي احبه باللي اكرهه !
فيبقى العتب عليك !
يصير العدل إني أقول اللي أحب واللي أكرهه..
مش عارف إيه بالضبط.. لكن..
كلميني عن أي شي في الطب -بدون ما تكون استشارة- وحأتكلم فيها.. بعد ما أبحث كثير!
الأمور اللي أحبها أظن أقدر اختصرها من حواري مع دارك مون: الأمور الميتافيزيقية والأساطير والخرافات\ الكتب والروايات العالمية والمصرية للجيب -هاري بوتر ولورد أوف ذا رينغز ، ما وراء الطبيعة-\ الأكلات وعصير المشكل الربيع\ الرسم الإلكتروني ورسمات الـMatte\ الكمبيوتر وكروت الشاشة وألعاب البي سي\ الأنيمي ، والدرامات اليابانية (المسلسلات الممثلة) << مجال جديد برضه من فيتو!
أعتقد إني تعديت اللي قلته في حواري مع دارك مون @.@!

واللي أكرهها: السيارااااعت << من كتر الهرج الممل اللي أسمعه!\ الأحداث الرياضية الأولمبياد والكورة\ وأي شي ما أعرف أهرج فيه.

اوكي بانتظار إبداعك .. !
بس ترا اكتشفت انك تقلدني ! تركت الجاليري تبعك .. ! و صرت تنزل مواضيع منفصله زي حالتي !
ما افتكرش إني شفت جاليريك @.@!.. لكن شفتي حالة الجاليري بتاعي كيف <.<.. 80 رد على رسمة ونص.. شايف إني باستغل الشعب..
المواضيع المنفردة أحسن لو الرسمات قليلة ومتعوب عليها..
رسمة المتشرح الجديدة موجودة عند لينالي لأنها رسمة للمسابقة.. نفسي تنزل النتايج بسرعة حتى اعرضها في موضوع لأن يدي تاكلني.. بس ما أبغى أعرضها قبل النتائج.. حاولوا تعجلوا!


تقصد صرصار ذهبي مو ..؟ مرا شفته !
قلت اخيرا اختلطت مع صراصيرنا شعب اشقر امريكي !
لو ذهبي كان حلو.. لكن دا أببببــيض << الكلمة ما تنقال إلا بارتعاش البراطيم XD!
لونه أبيض ويمشي بهدوء وتبختر كمان عليه اللحمة.. وكل خطوة تثير القشعريرة اكثر من سابقتها..
ما أستغرب لو وقت ما يدوق الدعسة يصيح بنعومة وشعره يهفهف على خدوده.. يذكرني بمالفوي!


بس ليش تقول خكري .. ؟ حسستني انه الصرصرايا ( الانثى هذي ^_^ ) لونها اصفر ! اظن لا .. لاتقول انه الانثى بهذا اللون ..؟ لأنه الكم الهائل بلون أسود .. ! على كدا وين البنوتات
تعرفي كيف الخكري شكله ما يشبه لا الذكر والأنثى <.<!
بس الإناث لا لونهم عادي غامق.. لأني دايمًا أشوفهم شايلين معاهم البيض..
مجمع البيض شكله زي الصنوبر لكن مخطط بالعرض ويلمع ><".


لالالالا .. موضوع مو حلو .. !
لأنه( الحمدلله و الشكر ) بس مغصوبه أبلعها .. بسبب تقويم الاسنان !!!!!
عادة ما يهمني حلاوة الموضوع ما دام عندي كلام أقوله عنه XD..
ما قد رحتي مطعم آسيوي (تايلندي\جاوي\صيني)؟ عندهم soupـات تجنن @.@!
في التايلندي مثلاً دايمًا آخد شوربة الـTom-Yum.. حاجة بالروبيان وحامضة تصرع!
الجاوي عندهم الشوربة الجاوية المقدسة اللي تجي مع أي طبق مشكل ما يستغنوا عنها.. حتى أنا ما أقدر آكله بدونها!
لكن ما تعجبني الحساءات اللزجة اللي تحتاج لملعقة وشوكة لافتراسها <.<!
إذا الموضوع مو عاجبك لا تردي عليه XD.. مو غصب.

الظاهر بما إني مجبرة على الشوربه .. فراح يتحول الموضوع لـ موضوع أحبه ^_^ ..
اول يوم معزومين عند عمتي .. مع انهم سوو شوربه بس و الله ما ذقتها ^_^ .. رايحه و معايا ( دانيت بالشوكولااااااااااااطه ^_^ ) صار وجبة رسميه عندي ^_^ و استغنيت شوي عن الشوربة اللي ما أحب اي نوع فيها ^_^
هههه غريب! ولا نوع بتاتًا؟ ولا حتى المسلوقة اللي ما فيها أي شي غير الماء المغلي؟!
طيب أي شي سائل أو هلامي أو لزج سائل أو بحبيبات أو أوراق.. ملوخية مثلاً؟ ولا حساء المستشفى الحامض المروّع؟ << دا أحيانًا نفسي أمرض حتى أذوقه مرة تانية <.<!


بس ( لينالي ) قالت لي على شوربه طماطم .. و ماما سوتها ليا و أكلتها و طلبتها مره ثانيه !
مع انه البيت كله قال انها إدام . . بس احسن من شوربة كويكر ولا ماجي ولا خضار ولا مدري إيه ^_^ ..
فوق هذا الشوربه راحت للخلاطه كمان ^_^ ..
كثير من الإدامات والشواريب فيها طماطم فما أدري أي واحدة تقصدوا.. إش وصفتها يمكن أعرفها؟ عندي بعض الخبرة في الطبخ لعلمك XD!




بالاول تقصد : الورم المخاطي .. ! لاع.. دا انتفاخ عام من الكورتيكوريدات بسبب زيادة الهرمون اللي قلتيه في الأخير.. اسمه مرض Cushing's.. ما أظن يعطى في الثانوية!
و بعده : غدة البنكرياس وخلايا ألفا وبيتا و دلتا و F ..! صووح.
و يليه : هرمون الاندروجينات و الاستروجينات .. ! صووح.
و من بعدهم : هرمون منشط القشرة الغدة فوق الكلويه ! لاء.. دا للمرض الأول.. هذا هرمون النمو لما يزيد إفرازه..
هاااا ؟؟ نجحت بالاختبار ^_^ !
حاصلة على نصف الدرجة.. وفي نظام الجامعة تحتاجي 60% حتى تجتازي الامتحان XD..
لكن بناءً على حدود معلوماتك من الثانوية يلغى السؤال الأول.. ناجحة بتقدير "مش بتّال" !

شوف الهرجه تقول .. !
انه بالثاني ثانوي .. كان مقرر الاحياء .. عن الانسجه و التكاثر و الوراثه و التنظيم الهرموني !!
مو زي ثالث .. عن التصنيف وحيوانات و نباتات .. و أشياء مالنا فيها كثير
و بالاغلب عندنا اللي يدرس احياء ياخذ 100 !
يريت كان عندنا هيك <.<! فصلي البائس المليء بالفشلة وأسوأ فصل بشهادة جميع الأساتذة في سنة ثالث ثانوي كان الوحيد اللي يدرسه أستاذ الأحياء العجوز.. << هم 3 ثلاث كهول وواحد عجوز!
وهو كان له سمعة إن اختباراته طويييلة.. صفحة واحدة فيها 30 صح وخطأ بـ15 درجة.. أو اختبار "كتاب مفتوح" يعني اختبار صاااعاااب ومسموح استعمال الكتاب.
لكني قدرت أستغل الوضع لصالحي.. فكنت دايمًا ملخص الدفتر بنظام مروع -وهذا عجبه- ودايمًا أول واحد يحضر قاعته -كنا بنظام قاعات مو فصول.. زي الجامعة!- ودايمًا أشارك -مع إني ما أشارك في أي فصل تاني-..
في النهاية لما جا الاختبار وأخذت 12.. لأنه معجب كبير بي أعطاني 15 وقال قدام الفصل وهو يشير إلى رأسه "مزاااااج! مو شغلكم." XD.. وهذا كان سبب حصولي على 100% الأسطورية بين الفصل الفاشل اللي أعلى واحد بعدي 92%.
مع إن فصل تاني كان عندهم واحد واحد نسبته في الترم الأول ثالثة 99.65% وترتيبه الـ18 على الفصل.


بس على آخر الترم .. أبلتنا قالت انه راح تلغي اختبار المعمل اللي من 10 .. وتستبدله باختبار كلللللللللللله عن الهرمونات !
وصارت صييييييييييييحه و هوووووصه و كلاااااام !! <== تعيشكم الموقف
بسبب كثرتها و تشابهها .. و بالاخص انه احنا اول مرآ ناخذها .. فما عندنا تقريبا معلومات من زمان غير أسماء الغدد !
و اذا عندك توصيات بالهرمونات .. فلا تبخل علينا ^_^ !
أوصيك إنك تعرفي معناها بالانجليزي.. لأنهم لو درسونا معنى الكلمات العجيبة بالنسبة لعقول ما تدري إش معنى "أدرينـ" أو "أندرو" حيكون فهمها أسهل بكثير من حفظها.
لأن المترجمين لما ترجموا الاحياء ترجموا أشياء وطنشوا أشياء تانية.. إنما لو جابوا واحد بس عنده النزعة العربية لتأليف الأسماء كان جاب أسماء مناسبة لكل هرمون..
فمثلاً Adrenaline تفرزه الغدة الكظرية Adrenal gland.. لو ترجموا اسم الأدرينالين لاسم شبيه باسم غدته كان انفهم اسهل من حفظه!

ترجمات العلوم دي ترفع لي ضغطي دايمًا.. زي مثلاً كلمة الكحول.. أصل الكلمة "الغَول".. الغرب ترجموها Alcohol.. ورجع العرب ترجموها الكحول.. ليش ما استعملوا الاسم العربي الأصلي؟!
وبرضه الجذر التربيعي.. لاحظي كيف شكله ما له معنى.. أصله علماء العرب رسموه على شكل "جـ" فوق الرقم.. بعدين كان صعب فمطّوا الحرف وصار طويل فوق الرقم.. لما ترجمه الغرب قلب شكل الحرف.. ولما رجع العرب ترجموه قلبوه مرة تانية وصار ماله دليل على معناه.. بعكس رمز "=" اللي معناه خطين متساويين ورمز القسمة اللي معناه رقمين فوق بعض مثلاً!


طبعا من كثر ما عانيت بحفظ اسم الفازوبريسين والاستروجين و النورإدرينالين .. و اخوانهم !
فـ صايره اتذكرهم دايما ^_^ .. بسبب قصصي المشهوره بالحفظ و تأليفي المضحك فيها !!!
و أيامها كانوا البنات يتصلوا عليا عشان أعطيهم اخر الروايات على اغلب الاسماء عشان تنحفظ ^_^ !!
حلوة دي الطرق.. انا ما عرفت لها إلا بعد ما قريت كتب توني بوزان وحضرت دورة رشاد فقيها حقت التعلم الذكي.. إنما بس حبي للاحياء هو اللي خلاني أمشي فيها تمام..
لو استعملتي قدرة الحفظ دي على كل المواد كان قدرت تجيبي درجة تحصيلي أعلى!

بس سبب اهتمامي ! يلخص في :
حفظي لـ الاسماء و معلومات بسيطه عنها + و صارت عندي قناعه انها شي مهم مرآآآآآ .. و انه يأثر على الجانب الصحي و النفسي !
و قبل كل اختبار .. اوصي صحباتي بـ هرمون السعاده ^_^ !!!
خخخ.. زي اللي كنت أقوله عن الـExam hormone.. إنه يعطي الإنسان قدرة هائلة على المذاكرة والحفظ السريع.. مع إني حتى الآن ما قدرت أستفيد حسيًا من اي شي أعرفه عن الهرمونات غير إني أشرحها للي ما يعرف <.<!!

أقووول.. ترا والله ولا بعض التقارير في المنتدى ما توصل بدا الطول XD.
بس أحس الرد دا قصير نسبيًا.. او لأني اتعودت على الطول الفارع ؟!؟
ترا ردودك شكلها غريب بدون الأحمر @.@!

اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت..
أعوذ بك من شر ما صنعت.. أبوء لك بنعمتك على وأبوء بذنبي..
فاغفر لي.. إنه لا يغفر الذنوب إلا أنت!

يللا في أمان الله ^_^.

الرييييييييييم من :@ ؟؟؟؟؟؟؟

ها .. وفيت بوعدي ورديت

@_@ ثنكس فور ريبلاينج >> عيزان اكتب انجليزي -_-



اذا انا الريم .. بعض الناس "بطه"

اهلا بطوطه ياريت تدخلى المجموعه لاننا قدمنا فكره جديده ولو عجبتك عيزين طبعا من صوره جميله وهناقش فكرتها معاكى داخل المجموعه

الحمدلله تمااامو .. كيفك انتي .. ؟
أنا بخير حمد لله يارب
يارب تكوني بألف خير

لا والله .. عندي الصور الحين حق كل الجولات ^_^
بس للأسف المره الاولى تدري انتي وش حصل ..
قهررر والله انا كان بودي انه التنظيم افضل من كذا وارسل واذكركم كل يوم بس تعرفين كيف الوقت ضيق
وما الحق ارسل رسايل للكل ..ياليت تشاركين هالمره >>T-shirt

و المره الأخير ماعرف كيف مر الوقت و انا ما رسلتها لك.. ؟ !!
مع انها موجوده الحين .. يصير ارسلها لك و تنزليها ^_^ .. امزح طبعا ..
ياليتني ذكرتك قبل كذا
بس ان شاء الله ما اكتب لك اني بشارك إلا بعد ما أرسلها لك ..

شاركي بالجوله الخامسه بليييز ^_^

الله يوفقكم ..

الله يوفقك ..لاتنسين تشاركين ..عندك وقت يوم كامل ..بس صورة تي شرت ^^

السلام عليكم ...
مبروك عليج الشهر بطوطه ^^

السلام عليكم ورحمه الله وبركاته
كيف حالك يابطوطة .. وكيف الرقابة معاك ؟؟
شاركت بس في التصويت مع انك كنت متحمسه في الجولات الأولى ^_^
اكيد بسبب انشغالك في رمضان والله حتى انا انشغلت مثلك
يارب تتقبل منك .. حبيت اسجل مروري وسلامي
دمت بود

السلام عليكم ورحمة الله وبركاته ..

http://www.youtube.com/watch?v=TekXFdNfV5A

رمضان شهر الخير .. : )
لا تنسونا من دعاء في ظهر الغيب ..

بالتوفيق
اختكم

مبروك بطوطة على الرقابة توني أشوفها
كل عام و أنتي بخير و إلى الله أقرب
و الله يتقبل طاعتك و يعينك على صيامه و قيامة
أختي هذا تصويت على نتايج المسابقة

أنتهت المسابقة في كتابة المقال
و نتمنى منكم التصويت في مسابقتي الأسرة و الطفل
..::: صوت لـ أجمل مقال بـ قسم الأسره :::...
XxXx صوت لـ أجمل مقال بـ قسم الطفل XxXx
شكراً لكم على تعاونكم ^^

السلام عليكم اختي
رمضان كريم وكل عام وانت بالف خير
تحياتي