The Big_Boss
عضو مميز في منتدى Metal Gear Solid

طيب إنتة أفتح كلان المشكلة إنهم راح يفرشوني لأني خبلتهم وأنا أقلهم أبغى أفتح كلان خخخ
هههههههههههههههههه

أنا عارف عشان كذا أنا أضحك

يعني أنت في كل مكان جالس تقول أبغى أفتح كلان فرعي وسرعتي 1 ميجا والشباب أعتمدوا عليك وفي الأخير
مستواي صفر وعدد ساعاتي صفر
هههههههههههههههههههههههههههههههههههه

لكن أنت ما عليك

بعد كم يوم رايح يرتفع مستواك بس حاول تلعب كثير

ياكبتن أنا فاهم دا اإللي أبغاه أقلك هوة بصيغة تانية يمكن تقهمني خخخ ماهي تأثيرات أو التغيرات
التي تطرأ عندما يزيد مستوى إحدى المهارات والمعني من المهارات هنا مهارة الرشاش ومهارة
نظام القتال عن قرب (cqc) إنشاء الله فهمت خخخ
==================================

ههههههههههههههههههه
كل شيء لما يتطور يصير أفضل
ذحين الرشاش لما تطلق مو الكمرة تهتز كثير وما تقدر تشوف كويس
إذا تطور رايح تصير الكمرة تهتز قليل ولما تعبي ذخيرت الرشاش يكون أسرع

أما الcqc تصير تقدر تنوم بسرعة

وكل سلاح لما يتطور روح أدخل عليه وهم يكتبوا الأشياء التي تطورت


هنا الموضوع بالتفصيل للأسف أمس رحت أشتريت من إكسترا سماعة بلوتوث طلعت خربانة

اليوم رايح أبدلها
==================

يا عمي أشتري الخاصة بشركة سوني أفضل لك وتريح راسك من المشاكل

المهم إذا نجحت قول لي عشان أسوي زيك lol

أنا اليوم أو بكرة رايح أفتح الكلان بس أعتقد إنو أقل شي عشان تفتح كلان تكون lvl3 و24 ساعة لعب أعتقد اليوم أشوف بنفسي
==========================
ههههههههههههههههههههه
صح كلامك كأني قد سمعت أنك إذا تبغى تفتح كلان لازم تكون لعبت أكثر من 100 ساعة
أما المستوى فما أدري عنه

وأنت ذحين مستواك صفر
يعني جالس تتفلسف من أول وتقول أبغى أفتح كلان فرعي وذحين ما تقدر يا حرام هههههههههههههههههههههههههههههههههه

الله يعينك
ههههههههههههههه

يعني قصدك إنو كل ماتزيد المهارة ممكن إنو حتى لو ماقتص تمام عليه ممكن يموتوا
وكمان يكون أسرع التقنيص والقتل ؟؟؟
==============================

صراحة ما فهمت إيش تقصد

لكن رايح أشرح لك

ذحين لما تدخل صفحة المهارات مو تلقى جدول في اليسار والمهارات في اليمين

أنت لازم تاخذ المهارة وتحطها في الجدول الذي في اليمين عشان تشتغل

أنا كنت حاط الرشاش والـCQC

لكن أمس لما حملت تحديث للعبة ولعبت معاكم ما كان في شي موجود في الجدول الذي في اليسار يعني كأني بدون مهارة فقط خبرتي

هوة أكيد سماعة بلوتوث بس يعني ممكن تكون زي حقة الكمبيوترات ولا مخصصة ؟؟
====================================================

أنا ما عندي خبرة بهذا الموضوع

لكن أعتقد أنه لا توجد مشكلة

طيب أنت ريح نفسك وروح محل غير جيم ماستر وغير طوكيو وأشتريها لوحدها

خلاص قريتها هوة زي ماقلت يبغاني أفتح الكلان الجديد فرعي
========================================

مبرووووووووووووووووووووك يعني أنت قائد الكلان الجديد

لكنك قائد مبتدأ ههههههههههههههههههه

صلاصل والله اللعب معاك أمس روعة تواصل جيد
بس انا امس خرجت بسبب المطرة اللي قفلت النت بس الحمد لله اتصلح الصبح
================================================
أنا حسبت أنك خرجت لأنك خايف أو من كثر الهزايم ههههههههههههههه

أمزح معاك

على فكرة أمس لما لعبنا أنا ما كنت حاط أي مهارة يعني زيك بالتمام لكن ما كنت أدري

وكنت أحاول أستخدم الـCQC على اللاعبين بس ما أقدر وكنت أقول ليششششششش

ولما أطلق ما أقدر أصيد زي الناس يعني فاشل

وجالس أقول يا سلطان عيب عليك حاول لا تفضحنى قدام الرجال

المهم بعدين لما إنتهت اللعبة رحت أبغى أعدل في مهارتي إلا لقيت أنه مافي شي محطوط قمت قلت هذا السبب الله يلعب أبو MGO
أعتقد هذا الشي صار بسبب التحديث الجديد الذي حملته

ليش كدا مع إنو كلان يعني المفروض على الاقل 16 لاعب بيناتهم تواصل ويكونوا متفقين يدخلو في أوقات تناسبهم كلهم يلعبوا مع بعض او فرق
================================

يا شيخ عدد الكلان 64 وما أشوف غير خمسه فقط

زي ما شفت أمس 1 من الكلان جا لعب معانا


انا رحت مرة أشتري مايك من جيم ماستر وألعاب طوكيو يقلي للأسف لازم مع المايك كمرة كلاب خخخ انا أبغى بس مايك لحالو وشي تاني دحين المايك ينشبك في الusb إذا لقيت أي مايك في محلات الكمبويتر يتشبك في usb مو مخصص للps3 عادي تشتغل ولا كيف؟؟
===============================================
أعتقد أنه عادي
لكن الشباب ينصحوني أني أشتري مايك بلوتوث عشانه أريح وأسهل ويقولوا أنه ممتاز

إيوه صح ترى أمس وانا جالس العب بسنيك أرسلي mso1830
إنو راح يسافر مكة ويبغاني أفتح الكلان الجديد وشوية كلام ماقريتو لأني كنت بألعب دحين أشوف إيش قال بالظبط
================

ياخي يبغالك فرش

ذحين جاي تحكي لي القصة وأنت لسه ما قريت الرسالة!!!!!!!!!!!!!!!!!!

روح أقراها ورد لي خبر الله يـ.................

ولمن أحترف اللعب راح ترجع تحس إنك فاشل تاني خخخخخخخخخخخخخخخخخخخخخخخخخ
هههههههههههههههههههههههههههههههه (مبلوف)
=======================================================
هههههههههه الله يستر صراحة مشكلة لو صارت


صلاصل كلملي أحد من الشباب يضيفني في الكلان بصراحة اللعب روعة بس مافي تواصل بين اللعيبة هادى اللي قاهرني وأعتقد الكلان بيكون تواصل أفضل بكثير يعني مثلا لمن ألعب tdm
لمن تبدأ اللعبة كل لاعب تلاقي راح في سبيل حالو هبالة لكن طبعا الأحلى إنو كلهم مع بعض أو
إنفصلو بخطة ثنائينن او كدا فمثلا لو كانو مجموعة يتفقوا واحد يشوف في عدو ولالأ يقول clear
والتاني يروح وينادي go go go وواحد يحرس المؤخرة أبغى أحس تخطيط فلة للأسف مالقي
=======================================================
المشكلة أنه الشباب الموجودين في الكلان ما تشوفهم يلعبوا إلا قليل يعني تقريباً خمس أشخاص أعرفهم وبس
وتلقى كل واحد في غرفة
نادراً نجتمع مع بعض وحتى لو أجتمعنا صعب التواصل مع بعض بسبب أنه مافي مايك
أنا ناوي أشتري مايك عشان أقدر أتكلم مع الشباب في اللعب
أنا ألعب لوحدي وأحاول أني أخطط لوحدي
أنت إذا كنت جالس تلعب مع ناس ما تعرفهم وواحد منهم عجبك لعبه وتفكيره تقدر تضيفه في ملف الأصدقاء
وأنت جالس تلعب أضغط start وروح عند add وأضغط على أسمه ورايح تلقاه في ملف الأصدقاء

وهذا إيميل صاحب الكلان أرسل له أنك ودك تسجل في الكلان أو أنك تفتح واحد فرعي
mso1830@hotmail.com
تراه هو أي واحد نشاطه قليل جداً جداً يحذفه وفي شباب كثير ما أشوفهم يدخلوا

أوه كمان شي إيش تنصحني أحط مهارات
===========================

حط المهارات التي تستخدمها في اللعب
أنت أيش أكثر شي تستخدمه في اللعب مثلاً القناص يصير تحط القناص
أنت ذحين مهارتك صفر يعني تقدر تحط أربع أشياء لكن بعدين إذا صار مثلاً الرشاش مستوى واحد يصير ياخذ خانتين
أنا عن نفسي حاط الرشاش والمستوى الأخير والcqc المستوى الأخير يعني أحتاج إلى ست خانات لكن أنا ماعندي غير أربع فقط
فخليت الرشاش خانتين والcqc خانتين يعني كلهم خليتهم المستوى الثاني
وهذولا هم أكثر شي أستخدمه في اللعب زي ما شفت أنت
لما كنت أنومك هههههههههه
وذحين جالس أقوي مهارة السكين عشان أقدر أذبح الواحد