بطووووطه
مراقبة سابقة

بطووووطه..
أهلين بطبوطة وحثتيني كمان xD
لا لا المشرحة لازم ان شاء الله ورح أعزمك على الغداء هناك على المناظر الخلابة والراوائح الذكية
يابنتي على الخطوط صعبة نقول للدكتور او الممرضة روح دورة لتحسين الخطوط عشان تشوفي وجهي أحمر ومنفوخ من الطلطيش
عادي أنا كمان متأخرة في الرد xD

السلام عليكم ورحمة الله وبركاته..
كيف الـحـ.. خلاص الحمد لله..

عرفت تشخيص المرض اللي بعيونك <== مسويه دكتوره !
اظن و اظن .. انه الانتقال من صفحة ملفك المطلية بالاسود القاتم إلى ملفي المزهر بألوان الربيع يؤثر حقا بعينيك ^_* خخخخخخخخخخخخخ .. ما اقدر اقلدك مرا .. ! ما اتحمل ؟
طيب يا دكتورة حسستيني إن عيني عجوزة >.<! العجوز ذو القلب الضعيف لما يدخل من الجمعة للمكيف يصاب قلبه بنوبة بسبب تغير الحرارة الخارجية بسرعة.. فضروري يشغل المكيف في السيارة XD! لكن الشغلة تكررت حتى في هذا الرد فما أقدر أتكلم <.<!


و مع انه بالمنتدى فيه خاصية الكتابة بخط الكي بورد .. إلا انه الدكاتره الاشرار وين ما يروحوا لازم يكتبوا بـ بصمتهم القاتله .. !! و عشان كذا تطلع ردودك مضغوطه خخخخخخخخ !
خخخخ لينالي قالتلك كل شي عننا XD.. لكن خطي بشكل مريب مو بهذا السوء بل بالعكس أنا الخطاط في الأسرة.. يمكن مع كثرة الكتابة حينخرب؟! ما أدري.. حأترقب دا الشي بصبر! زمان شفت في مجلة طبية عاملين المسابقات بدل ماهي كلمات متقاطعة جايبين وصفة طبية بخط دكتور والمطلوب معرفة الكلمة المكتوبة ! قلت الله ياخدكم فضحتونا XD!


إلا المشرحه .. تقصد هذا المكان اللي فيه مظلات و اشجار و ورد احمر و ابيض .. ؟؟ <== تبغى تتهرب !
حيكون جو جميل ومنعش لو النباتات تقدر تعيش أصلاً في تلك البيئة @.@.. الفورمالين مسرطِن ومن باب أولى النباتات ما تقدر تتنفسه.. حاطين شوية زرع لكن كله صناعي!


و الله يكون بالعون على المعدل <== بدأت تخاف !
مع انه اظن القسم اللي بأدخله ما يحتاج اجيب فيه 1 من 5 بس برضوا ألبي بياكلني !
انا معدلي طايح وقرب ينزل عن الـ4 بعد دا الترم <.<.. إن شاء الله السنة دي حأقرا من الكتب وأتخلى عن المذكرات لأن ما له حل إلا كده.
وإنت ما قلتي إش قسمك من يوم ما عرفت إنك دخلت الجامعة @.@؟! وترا 1 من 5 معناتها آخدة F مربوعة XD.. يعني راسبة في المادة!


.. .. ! .. .. <===== تقدر تلاحظ في هذا الرد إني اقلد اسلوبك المتبع خخخخخخخخ نص عربي من عهد نوح والثاني عادي .. !
ملاحظ.. وأنا كنت أقول فين قريت دا الأسلوب قبل كده XD.. بعدين قلت آهااا مش دا أنا؟!
كمان علامات التأثر موجودة بكثرة هنا @.@! << هذا الخط يخلي العيون كبييرة XD! << ما لي مبسوط كده في دا الرد؟!

الله يبارك فيك
ولتحيا القرمطة