عص عص وين رحت وين اختفيت
السلام عليكم ورحمة الله رجعنا إلى مشروع الحفظ أسأل الله أن تكون رجعة موفقة ومسددة وأن ييسر لنا حفظ كتابه قال تعالى { ولقد يسرنا القرآن للذكر فهل من مدكر } إضغط على الصورة لدخول المشروع أو رابط http://www.montada.com/showthread.php?t=603495 الله يوفقكم
كتب الجامعة إجباري تشتريها؟ يعني ما ممكن إنك تكتب ملاحظات أو تشوف المعلومات من النت وتريح نفسك؟! أساتذة آخر زمن >.>! على يقولوا "حتى نحصد أكبر عدد ممكن من المعلومات من كتب خارجية".. العحيب لما أستاذ يطلب كتاب وكل طالب يجيب إصدار مختلف عن الثاني xD! طبعاً كوني أشتري هاذي الكتب ما يعني إني أستفيد منها فعلاً.. الكتب اللي أشتريها للمدرسة نادراً ما أستفيد منها.. لأنه غصبن عن أبو جدي بقرأ الكتاب إذا ناوي على النجاح >.<! هو واقف عليه واحد .. لكن كيف عرفت إنه إلف ><؟! هو يلبس خوذة تغطي آذانه.. وآذانه هي العلامة الوحيدة اللي تعرف منها الإلف والهوبيت @@! أنا لما شفتها حسيتها مملة كمان من الاسم.. لكن أغلب الروايات اللي بجانبها كانت مملة.. وزي ما قلت كانت وحيدة بين عشرات من كتب هاري بوتر بنسخها الإنجليزية والأمريكية فأخذته..! قرأت أول فصلين في السيارة.. ودا إنجاااز!! ما أعرف اقرأ إلا على رواق قبل النوم أو مع كوب ساخن من الشاي أو ما يفترض أن يكون كاكاو!! الحلو هو وجود عنصر "العائلة" و "الظروف الاجتماعية" في الرواية.. ودا اللي كان ينقص تلوتر.. ودا اللي خلا الرواية "واقعية" أكثر.. طبعاً لا يغيب عنصر الخيال عن أي من روائع تولكين.. الخيال ماهو قوي جداً لكن يظل له دور رهيب ><! كلمتني عنها قبل.. اللي تتكلم عن بداية السحرة وعن جواهر المثالية اللي أخذها واحد نسيت اسمه من أشجار عظيمة نسيت اسمها ><! دورت عليها في جرير وما لقيتها.. أحسن!! قرأت إنه قراءتها صعبة.. حتى النسخة المعدلة منها كانت صعبة الفهم.. على حسب ما أسمع طبعاً!! ___ كليمور؟ شفت صور له.. هل هو فعلاً رهيب.. وماهو درامي معفن يتكلم عن بطلة حزينة تبغى تنتقم لسبب ما؟ لأنه حتى مع فاينال فانتاسي قصة زي دي ما نفعت أبداً ><! ما تابعته عشان ذكرني بكيرا.. ما رطبتهم ببعض إلا بعد الحلقة الرابعة!! طبعاً لا يقارن مع ديث نوت.. ثاني حلقة كانت مثيرة للاهتمام.. كونه عمل خطة في عدة ثوان لإنقاذ الإرهابيين.. لكن باقي خططه ما حسيتها مميزة جداً.. ما أدري إذا حتتحسن حبكة قصته..وصلت للحلقة السابعة منه!! لكن زي ما قلت من قبل اللي خلاني أتابعه جانب الغموض المثير للاهتمام بخصوص ذات الشعر الأخضر!! __ 1 ونص ليلاً؟! ليلاً ليلاً؟! يعني قبل الفجر بساعات ؟! نظام نومك كيف @@؟! أنا أول أمس نمت الساعة 1 وكنت بغاية الإرهاق..!! هل المؤتمر هو المؤتمر الرسمي لسرطان الثدي أم مجرد مؤتمر عادي؟ يعني تابع للجمعية العالمية حقت سرطان الثدي ذات شعار الشريط الملتف؟ تسجيل الحصص؟ لاع!! ممنوع أصلاً الآليات بالمدرسة -_-!! إذا عندنا الآلة الحاسبة ممنوع دخولها لو دخلت مسجل آلية أو آيبود إيش بيصير xD؟!! حتى دا ما ينباع شاحنه بالسوق ؟!! وتعرف.. توني انتبهت إنه لون الخط اللي أكتب فيه عادة بنفسجي غامق.. كنت أحسبه أزرق غامق!!
كيف حالك كيلوا؟ ايش الكتب الجديدة اللي تقرأها؟ أول أمس رحت على جرير حتى أشتري كتب طلبوها الأساتذة.. طبعاً ما رحت حباً للدراسة لكن لأني مخطط أشتري كتب وروايات ثانية.. اشتريت عدد لا بأس به من الروايات والكتب الغريبة.. الكتب ما اشتريتها إلا لأنه غلافها عجبني >.>! المهم.. كان في رف الكتب رواية وحيدة بين عشرات من روايات هاري بوتر.. لتولكين اسمها The Children of Hurin.. فأشفقت عليها.. كونها وحيدة وآخر نسخة فأخذتها.. رهييييييييييييييييييييييييييييييييييييييييييييييبة >،<! عجبتني أكثر من ذا لورد أوف ذا رينقز.. طبعاً ذا لورد أوف ذا رينقز حبكة أفضل ومميزة عنها.. لكن دي الرواية تخليك مهتم وإنت تقرأ.. لأنه في تلوتر وأنا اقرأ الرواية أحس فيه خمول.. ومقاطع القتال جزء كبير منها ما أفهم الكلمات الغريبة اللي يستخدمها تولكين في الوصف ><! وهاذي الرواية كمان واقعية أكثر.. ومظلمة أكثر وجانب الغموض فيها بارز.. كمان بطلها أحسه يستحق لقب البطل عكس "فرودو".. هي غالباً حتى دي الرواية كانت مكتوبة بطريقة معقدة.. لكن ابن تولكين "كريستيفور" عدل عليها وبسطها.. كنت بقرأ في كتاب "ملائكة وشياطين" قبل ما اشتري دي الرواية.. وصلت للصفحة الخمسين وشي.. لكن ما حكملها حتى أخلص من دي الرواية T^T! .. في أي إنميات تتابعها حالياً؟ مع قرف المدارس حملت كم هائل من الإنميات @@! ما عجبني غير اثنين.. Code Geass قصته.. بالأحرى فكرته ماهي قوية جداً أو جذابة.. لكن فيه شي ملفت للنظر.. يعني يثير الفضول.. كمان البطل ما خلوه "البطل الخارق المثالي" زي أغلب الإنميات.. فيه شبه نوعاً ما من كيرا >.>.. الاثنين يؤمنوا بأن "الغاية تبرر الوسيلة".. ما أبغى أحرق عليك المسلسل -_-. حاول تشوفه.. المسلسل الثاني.. Ouran High School Host Club.. حملته عشان سمعته الجيدة بين الإنميات الكوميدية.. لكن فعلاً طلع كوميدي رهيب xD! قصته عن وحدة فقيرة أخذت منحة لمدرسة للأغنياء.. وكسرت جرة بــ8 ملايين ين لنادي الضيافة حق المدرسة.. فحتى تسدد دينها لازم تنضم لنادي الضيافة وتحصل على 100 زبونة للنادي.. الجانب الكوميدي إنها تلبس ملابس تشبه الملابس الرسمية للأولاد.. وشعرها قصير نوعاً ما.. فالكل يحسبها ولد.. ونادي الضيافة عبارة عن مجموعة الأولاد الوسيمين اللي يستضيفوا الفتيات للغداء.. وكملت تحميل حلقات Lucky Star.. دا باختصار آخر التطورات اللي صارت مع المدرسة..!!
السلام عليكم ورحمة الله وبركاته .. عن زيد رضي الله عنه، انه سمع رسول الله -صلى الله عليه وسلم- يقول : (من قال : "استغفر الله الذي لا اله الا هو الحي القيوم واتوب اليه ثلاثا، غفر له وإن كان فرّ من الزحف " ) [رواه أبو داوود] http://www.youtube.com/watch?v=2Mg8Z-f32i8 استَغفِرُ الله العظيم .. استَغفِرُ الله العظيم .. استَغفِرُ الله العظيم .. لما لا نكثر من الاستغفار ..؟ : ) بالتوفيق لا تنسوني من دعاء في ظهر الغيب اختكم
. . ( د.كيلوا ) .. نرجع لـ اخر رد لم يرد عليه تعمدًا :P ! و بعده الرد الجديد ! كان مفروض تنقري في الإجازة! كمان ما افتكر تناقشنا عن الكتب كتير إلا البوصلة @.@!! يب يب .. أدري .. بس كنت أبغى أعرف مجموعة كتب ما قد قريتها أو عرفتها بتاتًا ! بالأصح .. حتى و أنا في جرير ما أروح لـ قسمها .. لأني دايمًا أمر على : تطوير الذات / كومبيوتر / ورا تطوير الذات ( مكان مو مخصص ليا ^_^ ) !! لو تبغي عن كتب تطوير الذات ورحتي جرير لا تاخدي إلا كتب (توني بوزان).. حطيته في عين الإعتبار ^_^ .. و راح لـ قائمة ( كتب الجامعه الكاذبة ) ^_^ .. يعني مع ( إصلاح القلوب ) .. ! و إن شاء الله أشتريها .. ! مع إني ماأقرأ كثير .. بس يعتبر إنجاز إني قرأت 95 صفحة من ( كيف تذاكر ) بمدة قصيره .. يمكن لأني حاسة أنه مفيد كثير بهالأيام ! الذاكرة فيه أفكار من اللي تستخدميها.. فيمكن يساعدك على زيادتها. اامممم .. ما أعتقد ! لأني كل ما أقرأ شي عن الذاكره .. يشرح لي تقسيم المخ و وظائفه / طرق حفظ سريعة لـ ذاكرة طويلة المدى ( خرايط ذهنيه / كتابة ملاحظات / تلخيص / رموز معينه / .. ... ) .. يعني غالبـًا يكرروا المعلومات نفسها لأنها غالبا نفسها ! إنما الاستفادة الحقيقية .. تكون من ( فكرة الشخص للخريطه و تنظيمها / أو بديهته بالملاحظه / أو قدرته بالتلخيص المفيد / الاستمرار بتكرار الرمز عند نفس التشابه ) ! و زي كذا .. ! الغريب أو الجديد بالنسبة ليا .. إني لقيت بـ كتاب ( كيف تذاكر ) .. يحثنا عند قراءة قطعة فهم نقرأ الاسئلة قبل القطعه ^_^ ! زي ماكنت زمان أسوي باختبار الانجلش بالصدفه .. و تركتها بالصدفه أيضا .. بس إن شاء الله أرجع لها و مو بالصدفه ^_^ ! ولو ما كنتي حتى الآن شفتي فيلم هاري بوتا الخامس.. احسن لك لأنه بايخ.. لكن الراوية كانت أروع جزء في السلسلة.. لسا ما شفتهوش .. و قراءة روايه مستحيله ^_^ ..! عندي 5 روايات في الدرج يمكن لها 4 سنين و لا قرأتها >< ! بيوم من الأيام .. و ديتها المدرسه على أساس خذوها .. إلا تخاطفوها ^_^ .. خصوصًا إنها كانت روايات عاطفيه ! رواية هاري .. قد شفت أحجامها و أوراقها قبل كذا .. فما أظن إني راح أقرأها >< ! وكتب الجامعة لا تشتريها من جرير ترا غالية جووودّاً مقارنة بالمكتبات المجاورة للجامعة.. الأستاذات أول ما ينطقوا .. يقولوا جرير .. بما إنها تقريبا أول مكتبة توفر الكتب >< ! عندك مكاتب ثانيه غير اللي قلتها .. قدام كلية الهندسة .. المكتاب مدحووووشه دحش >< ! فمستحيل أدخل كل وحده ! أمس رحت دار حافظ و الخوارزم العلميه .. اشتريت مهارات الاتصال و مبادئ الإحصاء .. بس للحين ماعندهمش الـ E ! حتى جرير قال إنه اليوم بح >< تعالي بوكيرا ! بس أهم شي لا يفوتك كتاب "نوادر جحا الكبرى" @.@! موجود عندنا بمكتبة البيت.. بس مدري كبرى ولا صغرى ^_^ ! أتذكر قرأته قبل 5 سنين أو ما يقاربه >< و ما أفتكر شي .. أصلا ماله داعي أفتكره >< ! دريتي عن المحاضرة بجامع الكوثر يوم الجمعة المقبل بعد المغرب لشيخ ما أفتكر اسمه عن موضوع نسيته؟! نوووووووووووووووووو >< كيف كيف ..؟ وين ؟ متى <== كله قال عليه يا نايمه -_- ! المشكله أهم شي الشيخ و الموضوع ^_^ ! ادخل متلبسًا :P مره ثانيه لـ سكن الجامعه .. و بعدها اتذكر اسم الشيخ و الموضوع و إنت تكتب بالمنتدى :P ! عندنا واسطات ترا.. في من صحباتي بالسكن .. بس سكن الدكاتره .. نطلعك لو مسكوك :P ! أمر عجيب إني ساكن بالشمال وأعرف عن محاضرات الجنوب قبل أهلها XD.. << بافتراض إنك ما دريتي عنها. هههههههههههههههههه .. طيب أنا مو من هناك :P ! سمعت بالخرشـ .. .. ! باقي حرف الهاء >< بس خايفه على عمري !!>< ! الموهيم .. سمعت باللي يقولوا أنه الجنوب حيحولوه لـ أبراج >< حاجة غريبه فعلاً !! الكوثر مو من ظمنهم :P ! ( آثار التسطيح عند المون ^_^ ) الترم دا راحميننا وعندنا يوم السبت والثلاثاء والأربعاء نخلص قبل الظهر.. يعني ولا حتى دوام بطوطة.. هاااااااااه >< مين ذكرني :P ! تعرف الشخصية الجنوبيه اللي نظمت لنا جدول من 8:00 لـ 5:00 قبل الدوام بيومين .. غيروا بتاتًا .. و نظمتة شخصيه شمالية و جعلته >< !!!!!!!! يوميا من 8:00 سبت / أثنين / اربعاء : لـ 2:00 ( كل محاظرة ساعه إلا 10 ) أحد / ثلاثاء : لـ 12:20 ( كل محاظرة ساعة و ثلث ) الجزء الثاني خووووووطير .. خصوصا لما تنلغي اخر محاظره .. رجعت البيت 11 ونص ^_^ فكانت أم الفله .. عجبتني الشغله اني رايحه من 8 و راجعه 11 ونص ^_^ .. اللللللللله لو كل مره ماتجي الحرمه اللي حامل هذي ^_^ !! المشكله الأكبر موش من عدد ساعات الدوام ! بس لأنه ماااااااااااااااااااافي أي بريك بتاتًا البتة >< ! حتى فطور و إحنا ماشيين >< !!!!! إلا راح يصير عندك يوم ( الأحد ) شي خارق عن نطاق العاده >< ! راح تنام بالسيارة قبل لا توصل البيت :P !!! من 9:00 am تقريبا لـ 9:00 pm >< !!! كان الله في عوووووووووووووووونك .. ! والتحدي المنسى المغبر.. إش حصل فيه؟! اممممممم >< ! أنا قلت قبل كذا إنه راح نجمع 3 فرق و نبدأ المنافسه لـ كل فريق بوقت واحد >< ! لو راح تطفشوا .. أو عندكم طاقة حيويه دحين .. ممكن نقدمكم قبلهم .. بس أتناقش مع ( لينالي ) ! أو .... الأفضل تتم المناقشة داخل المجموعة >< ! إش باقي >< خلاص يكفي ><! فوتّكو بعافية ^_^ ! دمتم بود .. . .
أنا عارف.. ملفك أشبه بملف كيرا الإجرامي وعلى ما يبدو أكبر ><!! ارحمه يابني خدامك اللي فوق تعب من الترحيب بالضيوف! أنا عارف -_-!! للأسف داهو الحال.. يعني حصتين الفراغ الوحيدتين (وطنية وتاريخ) جو أساتذة جداد شرحهم مقرف ويخلونا ننسخ الدرس كمان!! مادام جوالك كدا مليان.. نصيحة مني.. لا تدق على اللي ما تعرفهم << جربها :P.. مين هم اللي اخطأت في تقدير أعمارهم؟
كح.. جدولي فاضي لكني خليته مليان بالغصب <.<. --- تحت كلام عن الجدول ما له داعي: الترم دا راحميننا وعندنا يوم السبت والثلاثاء والأربعاء نخلص قبل الظهر.. يعني ولا حتى دوام بطوطة.. لكن أخدت مادتين زيادة -لأنه لازم آخدها قبل السنة القادمة- فصار عندي الأحد والثلاثاء دوام من الساعة خمسة عصرًا حتى تسعة ونصف.. لكن الحاجة الأهم.. أعطونا مادة محتواها هي "انتشروا في الأرض وابتغوا من فضل الله"! فعندنا من بعد الظهر إلى الساعة ثلاثة يوم الأحد والاثنين نروح أي مستشفى غير مستشفى الجامعة -لأنها مخصصة للطالبات- والمطلوب نجمع الكنوز وندخل المعامل ونتفرج على المرضى ونعيث في المستشفيات فسادًا. انتهى --- يعني ما ضحكوا عليكم XD" والله حسبتهم ضحكوا عليكم .. متل ما ضحكوا علينا بقصة التحميض @.@ قال مادة تصوير فوتوغرافي على اول سنة .. وما رحنا لابات تحميض ><" بيضحكوا علينا ما في مجال عن التواصل.. كح.. أنا ما كلمت حد من كم يوم <.<.. مين دول اللي زرتهم @.@؟! هههه .. ادري انك ما تكلم احد .. لكن زياراتك ما تقطع احد وقت تدخل خصوصا >.> زيارة وليس رد >.> والتحدي المنسى المغبر.. إش حصل فيه؟! والله علمي علمك ><" شكلهم نسونا وانشغلوا بحالهم @.@ والقامعة.. إش مواد "سنة ثانية" عندك؟! كل اللي أعرفه إنه جرافيك ديزاين لكن ما قد قريت شوية تفصيل. موادنا لسنة ثانية .. كلها تخصص >< يحرم علينا اذا في مادة وحدة ثقافة ولا حاجة تسلينا .. نزلت الترم دا من البرامج 2 برامج ( Falsh + Indesign ) ونزلت مواد نظرية جرافيك تكنولوجي .. و تاريخ التصميم >< من المواد العملية اليدوية نزلت مادة رسم ومادة تيبوغرافي ( خط عربي ) ما نزلت هندسة .. عشان ما احمل مسطرة T-square معايا في الشارع @.@ قلت خليها بالفصل الجاي بنزلها ويعين ربنا على مغامرات المسطرة الطويلة دي .. لانه في مادة رسم هندسي 2 باقية عشان اخد اوتوكاد T_T >>> كإنك كثرتي كلام يا باش مهندس >.>" ^_^" ههه ... كح .. عفوا على الاطالة .. بس المواد تحتاج شرح <.<" والـ... صووح! هااااا ...؟؟! O.O عن العمل التطوعي إياه.. أنا من ديك الأيام منتظر أرجع الجامعة عشان ألاقي الدكتور المتخصص في العمل التطوعي حتى أكلمه.. لكن.. نقلوه لمكان مجهول -__-! يبغالي وقت حتى ألاقي شخص تاني يعرف. هههه ... يعينك ربي .. والله لي زمان ما تواصلت مع صناع ><" من ايام رمضان .. يقطع الكسل وسنينه ...! بس تصدق لاني احد وثلاثاء وخميس ارجع مهلوووكة >< دوامي كامل وازمة مواصلات ... ييييه ..! شي بيقرف ..! تدرين إنه ما عندي تشريح دا الترم @.@!! ههههه .. كيف بدك ترسملنا متشرح جديد ؟؟ ^_____^ عاد اشتقت لأصدقاءك المتشرحين من فترة لفترة ادخل اسلم عليهم .. أعتقد صار سحبي للكلام أشبه بإشعال فتيل لا ينطفئ إلا بعد انفجار كلامي مدمر P:. هههه .. ياخي كلنا اول فترة من الدوام كدا .. يبقى الواحد منصدم من المواد والحاجات التي لا تنتهي .. فيصير كلامه لا ينتهي الا بإخراسه خرسا ... او هو انتبه لنفسه فيسكت نفسه لحاله <.<" في حفظ خير الحافظين! وياكم .. صحيح !! انت ايش قعدت تسوي فهالساعة من الليل .. ؟ <.< تدرس ياخي ؟ انا عدلت نومتي الحمد لله .. بعد 11 بالليل مستحيل ابقى صاحية الا بظروف طبعا >.> عموما سلام
السلام عليكم ورحمة الله وبركاته .. قال صلى الله عليه وسلم : " اذا مات ابن آدم، انقطع عمله إلا من ثلاث، صدقة جارية، أو علمٌ ينتفع به، أو ولد صالح يدعو له " اي المصابيح تلك تحب ان تكون نورا لك في قبرك ؟؟ : ) ---- كيف حالك ؟ زمان ما بينت يا اخي .. : ) لا وتزور الناس وانا ولا تتعرف عليا ^_^ عموما هو تقريبا انا تعودت P: اوصل الناس والناس ما توصلني .. على كلن احببنا المرور والسلام .. بالتوفيق
في حال رديت على رسائلي المزعجة في الماسنجر وتتوقع مني رد فالماسنجر ماهو راضي يشتغل.. كل ما أحاول تسجيل دخول تجيني رسالة أول مرة تحيني وهي "قائمة اتصالاتك غير متوفرة الآن" كل اخوتي ايميلاتهم تشتغل مافي غيري -_-!! تعرف حل للمشكلة؟ أعتقد هاذي آخرة اللي عنده فوق 200 جهة اتصال في إيميله وما يعرف مين هم أساساً (ما أكلم في الماسنجر غير إنت وجاك واثنين غيرك -_-!) ^ قرقرتي كثيرة أعرف >.>"!
الموقع الشخصي
البحث عن كل المشاركات