راؤول الأسطورة
رئيس رابطة منتخب اسبانيا
*.. The Legend..*

فورزا اراجونيس

راؤول اشرايك أبدل مخي و مخك أسبوع ... بس أبي أشوف مخك من وين ينسم !
<< خشة وحدة تدخل ملفك تقرا ردودك و تضحك وهي مو فاهمة نص الطبخة هههه

يخرب بيت اللي رجع نبيل عاشور..أقسم بالله كل سنتين لازم تصير حالة طواريء ويسحبوا هالعالة عشان يساهم بدخولنا بلوحة جينس بأي طريقة
ياخي كل خوفي علي الحبسي يطيح بنادي اوغندي بعد المباراة..
والمعلق اللوح ذلنا ان منتخبنا ما فاز عاليابان في تاريخه..للحين ما وصل له الخبر ان قبل سنتين ما كنا فايزين على ولا دولة بالخليج..وان السودان أصحاب اكبر رقم قياسي علينا ...
والقهر حشرنا مع عودة الأحمر ونحن كل خوفنا من رقم قياسي جديد

الثاني

أما آن الأوان لتقتدي بي

جمعة 1-0 لليابان والله كنت متوقع

ههههههههههههههههههههههههه

بأجل بقية ماراثون الطباعة لأجل بيتسمى بعد مباراة اليابان ، حاس النعاس جالس يسلب قواي الفكرية والجسدية اللي أصلا ما بقى منها شي بعد الاختبارات...
نشوفكم على خير وبحالات مزاجية أكثر رواقة

"شفت إني مخلص للريال حتى في البلاي ستيشن
ليت كالديرون يسمع الكلام ويشيل شوستر ويحطني بداله وبيشوف الخطط الجهنمية << ما عليه
هذي خطتي /
كاسياس
ميتزيلدر - بيبي - راموس
جاجو - ديارا
جوتي - سنايدر
راؤول - نيستلروي - روبينهو
أخاف يشوفها شوستر ويطبقها << يدور للجلد
يا ريت أخوي راؤول تفتح قسم في ملفك لمباريات البلاي ستيشن ترى لها سوق"
هلا اكسو .. كيف الحال ان شاء الله بخير ؟
أكيد أكيد مخلص >> جالس يتأكد من وجود اسم راؤول بالتشكيلة ..
جاجو وديارا مع بعض..!! حتى بالويننج اليفين لاحقتنا لعنة شوستر
حط ببالك شي...من الجيل الذهبي القديم الى أيام نكبة الجلاكتيكو الخطة كانت 4 بالدفاع عشان عيون كارلوس..ومن هاللحظة لين مدري كم جيل على قدام راموس بيجبر أي مدرب على هالخطة المقدسة..يعني القدر ضد تغيير الريال لهالخطة مهما وصلت الحالة العقلية للمدرب من تدهور >> حلو الواحد يفرغ عواطفه براحته بملفه الشخصي
أما ملف للمباريات كنت بساندك كليا حتى بطلب لدارك يفتح قسم لهذا لولا ان لعبة ويننج اليفين اللي شريتها للـ Ps3 اتدمرت على يد واحد من أولاد عمي وصار هالموضوع يعيد لي أحقاد دفينة
وحياك الله الملف ملفك حط أي انجاز جديد طالما هو للريال...وعلى صقر ما أعتقد في طريقة اقوى منها بتجذبه للمنتدى ..

>> شاف الردود و ضربته القشعريرة
أهم شي الحق على مباراة عمان واليابان اليوم الساعة 2:20 بتوقيت عمان والامارات ، 1:20 بتوقيت السعودية ، 11:20 بتوقيت اسبانيا >> هذي طلبية خاصة لدارك بلو
يالله نبدأ حرب الاقتباسات..
لا صدوووق ^^
والله الحمدالله حبيت أرجع شوية على نهاية الدوريات ونبارك للأندية
بس بصراحة الوضع كان ما يسمح ...
الريال بطل والإنتر بطل والمان بطل <<< مبروك من كل قلبي
ما عليك ندري صفاء قلبك من التبريكات الصداقة الدائمة برابطتنا واللي نادرا ما تنتهي على خير
بعدين ترى في توافق حاد بوجهات النظر للأندية اللي كاتب اسمها بسخرية لكن احتراما لمشاعر بعض الزوار بنغلق ملف الحش >> الملتقى بالماسنجر وأضمنلك ان الحش بيتضمن الريال كمان دام شوستر محتل المقعد التدريبي
انا بخير والحمدالله
صرت الأن مشغول شوي بأمور الأوراق والبيت والتجهيزات العسكرية والنوم المبكر شغلات الله يعين بس عليها ..
النوم المبكر..!! أنصحك ما تقرأ توقيت كتابتي لهالرد
أما التجهيزات العسكرية لا تخاف ويسكر ما بيقصر معاك بهالجانب
وحتى المسجات ما صرنا نفضى لها
وصدقني إنك في بالي دوما أنت والإخوان ..
إذا فضيت قمت فزيت عند أكسو أكسر راسه باليوفي وهو بريال مدريد وأطلع حرتي فيهم
وأبشرك ركبنا عداد
العداد هذا يحسب عدد المباريات اللي نلعبها وكم فاز وكم خسر مافيه تعادل ...
اللي يفوز بضربات الجزاء ما تحسب لأي واحد مننا << من صالحه طبعا ً
أنا عندي بوفون وهو كاسياس
المهم إلى حد الأن النتيجة سلبية بالتعادل 1_1 << مو راضي لازم يتفوق
أكيد على بالك دام للحين بريزون بريك ما خلص ما بتنسى الناصح الرسمي لك >> اذا بتنكر أي شي عندي أدلة مثبوتة وموثوقة بالمنتدى ..
بالنسبة لمبارياتكم انت واكسوديا..تصدق اني منزل ديمو ويننج اليفين بالـ ps3 ولو ركبت عداد ما في أمل بيبقى حي للحين ، يمكن لعبت فوق المليونين اذا ما بليونين مباراة فيه...والأغرب ان كلها عبارة عن "اسبانيا - الأرجنتين" وبأصعب مستوى والاغرب من كل ما ذكر اني للحين ما ملان وأعتبره زي قصة ما قبل النوم شي أعمله لا اراديا
على فكرة بما انه ديمو فمجبور انها تكون 5 دقايق والله حفظت حتى التبديلات اللي يسووها وأوقاتها وأشكال الجماهير بس للحين ما قادر أستوعب تحركات القنفوذ تيفيز
ما بخصوص اليوفي ما أقول إلا الله يرحم أيام موجي وبس
سيكو هذا ما أدري وين بيودي اليوفي
مع إن الأخبار مطمئنة والحمدالله وإن شاء الله في لاعبين كبار بيرجعون
مبروكين أماوري..اليوفي والريال عملتان لوجه واحد وهو العقم الاداري.. بالله أكثر مركزين الفريقين عندهم فائض فيه يبدأوا صفقاتهم الصيفية من خلاله...!! ما أدري هالفرق تشوف سعر اللاعب قبل مركزه ؟!
لوووووووووووووول
ماهون كبيييييييييير
ممثل كبييييييير
والحمدالله إنه راجع ^^
راجع وبس..!! شفت النذل قلنا ترك الحشيش واهتدى أخونا والموسم الرابع بيكون ذراع مايكل أو جزمته عالأقل..بس شكله ما ناوي يتوب توبة نصوح لين ما بينرمي بزنزانة أبو غريب ويتربى عدل
تسلم أخوي على السؤال
وبشرني انت عن أخبارك ؟
وكيف الأوضاع معك والدراسة ؟
والبوكيمونات
وميتل جير و Assassin Creed
وليش ما عطيتنا إيميلك الجديد << ما تدخل القديم مرررة تصرفنا بالقديم أنت
الله يسلمك..بجد أفتقد أيام زمان والله...أظن المفروض نحصل شهادة ثناء كأكثر مراقبين اثنين ما صار بينهم أي سوء تفاهم في فترة تشاركهم
أما عني فلا تستغرب لو بداية شهر 7 يوصللك ايميل على شركتكم المحترمة بطلبي لمسدس من نوع ماجنوم أنهي حياتي فيه "الماجنوم لأنه خدمني كثير بـ RE وأبي أرد له الجميل"..هالشهر MGS4 وكأس أوروبا مدري وش اللي بنتظره بعدهم...
يمكن بطول شوي لين أراجونيس يعطينا عمره عشان أنهيها وأنا قرير العين
أما الدراسة فمع كل فصل يزيد حبي للرياضيات ويتضاعف بأضعاف مضاعفة حقدي لتفاحة نيوتن أو بوابة الفيزياء..
أما الايميل فأدخله عشان أقبل الاضافات الجديدة والمجهولة الهوية وأهرب منها
عادة ما أدخل الا للضرورة القصوى لما دحوم يبي حلوى أو عشان أحتفل بالذكرى السنوية لخروج حبيل من السوبر ستار
أهم شي اتطمنا عليك..كل ما أجي أرسللك يصير لي ظرف ينسيني السالفة..ولو مشت الامور تمام وهذا شبه مستحيل علميا أكتشف ان ما عندي رصيد
وبتتم زيارتك بمعقلك قريبا...اذا راق المزاج المعفن..>> بمعنى آخر ادعوا عمان تفوز عاليابان

أدري فترة التطنيش هالمرة طولت نوعا ما...المزاج والنفسية مضروبين هالكم يوم مدري لي ما داخل بجو الاجازة للحين + أحاول أنهي بعض العاب الـ Ps3 اللي ندمت على شراءها لكن الـ 270 ريال بعملة جنسية المنتدى تجبرني على انهاءها + مشغول بتفضية نفسي لليورو..طبعا مش لقسم اليورو اللي بالمنتدى..قصدي متابعته بس ، أيام الاجتهاد ودعناها خلاص بلا رجعة
عالعموم كتعويض عن اهمالي بحط كل رد بمشاركة مستقلة على أمل ان أصحاب الزيارات والمشاركات يفهموا تلميح الاعتذار هذا ... >> بعد الاستقالة من الرقابة صارت التعويضات على قدنا
على فكرة توني طالع من حلقة لوست الأخيرة وكانت مدتها بضعف الوقت الأصلي لها يعني حطوا ببالكم أكبر قدر من التخريف بتجسدها ردودي حتى ما تنصدموا بالواقع المر

صادق السلام عليكم <<< قلت اسمك لا تقول ما قلته

ياخي مشتاق لك وينك من زمان ما شفتك