عرض للطباعة
مرحبا شباب كيف الحال
الصراحة ودّي أطلّع سيارة بعد يمكن خمس شهور
ويالس أسوي بعض البحوث حالياً
وودّي بسيارة دفع رباعي صغيرة
وشفت الكثير من الخيارات
ووصلت للاكس تريل ذات الأربع سلندرات
ولكن قبل مدّة مدح لي واحد من الربع الاكس ال 7
وشفتها من النت شكلها جميل جداً
ولو الجماعة عندهم خبرة ودّي بمقارنة بين السيارتين ويكون المبلغ أحد أوجه المقارنة
ولو في سيارات ثانية مميزة من نفس الفئة يا ريت ما يبخل الأعضاء بذكرها
وش تقصد بالاكس 7
يعني وش نوعه؟
Suzuki XL7اقتباس:
وش تقصد بالاكس 7
يعني وش نوعه؟
سيارة دفع رباعي صغيرة الحجم مثل الاكس تريل والراف فور
مرحبا اخوي واسمحلنا ع التاخير
من رايي شوف النيسان اكس تريل او الباثفنتار
افضل من السوزاكي من حيث توفر قطع الغيار ورخصها
هذا رايي والباقي يرجع لك
اقتباس:
مرحبا اخوي واسمحلنا ع التاخير
من رايي شوف النيسان اكس تريل او الباثفنتار
افضل من السوزاكي من حيث توفر قطع الغيار ورخصها
هذا رايي والباقي يرجع لك
ما مشكلة عالتأخير لأني بعدي أجمّع المبلغ
وكما ذكرت اني ما ناوي اشتريها قبل شهر مايو
ومن ناحية رأيك فكنت افكر بهذا الشكل قبل ولكن بغيت رأي الاخوة أصحاب الخبرة قبل
وشكلي بتوكل وباخذ النيسان اكس تريل
وشكراً عالمشورة
اقتباس:
المشاركة الأصلية كتبت بواسطة zannoun
افــا عليـــك نحـــن فالخدمـــة أخـــوي
اليوم الصبح بين الساعة سبع ونص والساعة ثمان إلّا ربع صار علي حادث سير
بسيارة جدي الكورولا 1995 صدمت عمود اضاءة وانا بدربي للدوام
والحمد لله ما صار شي فيني إلّا كسر بالاصبع الخنصر
وبعض الرضوض باماكن متفرقة من الجسم
وبفضل الله وثم حزام الأمان -إلّي لولاه كنت بتكسر ويمكن بموت- طلعت سليم
والحين شكلي بطلّع الموتر خلال اسبوعين أو ثلاث
فممكن سعر الاكستريل -ذات الاربع سلندرات وليس الاكستيرا ذات الست- من وكالة الرستماني
وممكن رسوم البيمة والترخيص من امارة دبي أو الشارقة بدولة الامارات
اقتباس:
المشاركة الأصلية كتبت بواسطة zannoun
الحمـــــد علــــــى السلامـــــــة
اهم شي صحة الانسان ... لكن السيارة تهون
طمنا شو صحتك الحين .. عساك احسن ؟؟؟
مثل ما قلتلك اخوي رايي والله يكتب اللي فيه الخير
شكرا على المعلومات يا شباب جزاكم الله خير
اقتباس:
طمنا شو صحتك الحين .. عساك احسن ؟؟؟
الحمد لله الحين بألف خير
ولكن الطبيب يقول السبت القادم بيشل الجبس وبتكون نسبة التآم الكسر تقريباً 70%
ويا شباب ما خبرتونا كم قيمة السيارة
أنا واحد من الربع خبرني انها تقريباً 85 ألف درهم
ولكن هل تغير شكلها وصار مثل الي نشوفه بالمواقع الاجنبية ؟
ولا بعده شكله القديم ؟ (2005)