تمرين لتضخيم الباي و التراي (عن تجربه)
السلام عليكم يا وحوش المنتدى
في خلال مشواري في ممارسة كمال الاجسام جربت جداول كثيره و منها فادني و منها ماسوا معي شي... و تعلمت من اكثر من مدرب... بس كانت عندي مشكلة ما قدرت احلها...
الباي و التراي مهما مرنتهم احسهم ما يكبرو ولما اضطر اتوقف عن التمرين اول شي يصغر عندي الباي و التراي.. بالاضافة كانت مشكلتي مع التراي اني ما اقدر ازيد في وزن...
المهم كنت في نقاش مع صاحب الصالة و قاللي انا بعطيك جدول استمر عليه اقل شي 6 اسابيع و لازم تشوف فرق.. المهم انا استمرين 6 اسابيع تقريبا و لاحظت ان اليد عندي زادت حوالي 3 سم بعد ماكانت ثابته بالاضافه اني صرت اشيل اوزان حلوه في التراي ... صراحه استانست و حبيت اني انقل هالتجربة للمنتدى اللي انا صراحة استفدت وايد فيه ... و نشوف ردود اهل الخبره
الجدول عباره عن تدريب دائري مثل السوبر ست يعني تمرن رقم 1 بعدين 2 بعدين 3 بعدين ترجع رقم 1 مره ثانيه و تعيد .. يالله نقول بسم الله...
تمرين الباي
1- تبادل داملبز 3 مرات في خمس عدات (لازم تزيد الوزن قد ما تقدر)
2- بار مستقيم 3 مرات في 10 عدات (كمان لازم تزيد وزن و انا كنت استخدم البار حق الصدر)
3 بار متعرج مسكة ضيقة جالس 3 مرات في 18 عده (مو مهم الوزن)
تمرين التراي
1- بار متعرج نائم مسكة واسعه 9 عدات + مسكة ضيقه 9 عدات
2- ضغط بنج نائم 3 مرات في 5 عدات (لازم تزيد وزن)
3- دمبل خلف الراس مفرد جالس 3 مرات في 10 عدات (كمان لازم تزيد)
لما تخلص التمرين تقدر تتمرن سواعد و بعدين خلاص... انا لما شفت الجدول صراحه ما عجبني لكن لما جربته 6 اسابيع الكل لاحظ كيف كبرت ايدي...
ان شاء الله تعجبكم المشاركه و لاتنسوني من دعائكم...
رد: تمرين لتضخيم الباي و التراي (عن تجربه)
ممتاز يا بطل
بس ما قلت لنا كم لك باللعبه يا عسل
لن لي ملاحظات على جدولك
وافضل شئ انك بتستخدم اوزان حره
رد: تمرين لتضخيم الباي و التراي (عن تجربه)
مشكور أخوي على نقل تجربتك
رد: تمرين لتضخيم الباي و التراي (عن تجربه)
رد: تمرين لتضخيم الباي و التراي (عن تجربه)
تقريبا نفس مشكلتي ولكن احاول التغلب عليها
وواصل تمرينك وغير بين فتره وفتره التمارين والجداول
رد: تمرين لتضخيم الباي و التراي (عن تجربه)
شكراً يا بطل على نقل تجربتك
بالتوفيق
رد: تمرين لتضخيم الباي و التراي (عن تجربه)
الف شكر أخوي على الموضوع ، وياليت لو تذكر جدول غذائك و مكملاتك في تلك الفترة ، وكذلك فترة الراحة بين التمارين متى تكون وكم مدتها ، جزاك الله خيرا
رد: تمرين لتضخيم الباي و التراي (عن تجربه)
اقتباس:
المشاركة الأصلية كتبت بواسطة كل شئ ببلاش
ممتاز يا بطل
بس ما قلت لنا كم لك باللعبه يا عسل
لن لي ملاحظات على جدولك
وافضل شئ انك بتستخدم اوزان حره
هلا عزيزي... انا صار لي تقريبا 4 سنوات بس في تقطيع شوي..
تفضل اخوي خبرني عن ملاحظاتك
اقتباس:
المشاركة الأصلية كتبت بواسطة SportsMan
مشكور أخوي على نقل تجربتك
لا شكر على واجب
اقتباس:
المشاركة الأصلية كتبت بواسطة محمد ™
تقريبا نفس مشكلتي ولكن احاول التغلب عليها
وواصل تمرينك وغير بين فتره وفتره التمارين والجداول
تسلم يالغالي
اقتباس:
المشاركة الأصلية كتبت بواسطة PATE
شكراً يا بطل على نقل تجربتك
بالتوفيق
تسلم حبوب
اقتباس:
المشاركة الأصلية كتبت بواسطة عبدالله الجاب
الف شكر أخوي على الموضوع ، وياليت لو تذكر جدول غذائك و مكملاتك في تلك الفترة ، وكذلك فترة الراحة بين التمارين متى تكون وكم مدتها ، جزاك الله خيرا
بالنسبة لي فترة الراحة حوالي 30 ثانية... ماعندي جدول غذائي و هذا اللي موهقني...
مكملاتي هي واي بروتين + امينو 2222 + ملتي فايتمن + سوبر بمب 250
تسلم على الرد
رد: تمرين لتضخيم الباي و التراي (عن تجربه)
اقتباس:
المشاركة الأصلية كتبت بواسطة KARIM19
تسلم يالغالي...
رد: تمرين لتضخيم الباي و التراي (عن تجربه)
الله يعطيك العافيه و جزاك الله ألف خير
رد: تمرين لتضخيم الباي و التراي (عن تجربه)
اقتباس:
المشاركة الأصلية كتبت بواسطة demonic teen
الله يعطيك العافيه و جزاك الله ألف خير
الله يعافيك اخوي ... شكرا على مرورك
رد: تمرين لتضخيم الباي و التراي (عن تجربه)
الجدول عباره عن تدريب دائري مثل السوبر ست يعني تمرن رقم 1 بعدين 2 بعدين 3 بعدين ترجع رقم 1 مره ثانيه و تعيد ..
اعذرني اخوي مافهمت ممكن توضيح اكثر
رد: تمرين لتضخيم الباي و التراي (عن تجربه)
^^^
يعني تسوي تمرين رقم 1 (مره) بعدين تروح لرقم 2 (مره) بعدين لرقم 3 (مره) وترجع للتمرين 1 تسويه (مره) لين لما تخلص 3 جلسات لكل التمارين..
يعني بالارقام 1و2و3 بعدين تسوي كمان مره 1و2و3 بعدين ترجع تسوي 1و2و3 ... بهالحالة تكون سويت 3 مجموعات لكل التمارين..
اتمنى انها وضحت الفكره
رد: تمرين لتضخيم الباي و التراي (عن تجربه)
للتوضيح اكثر تمرين الباي عبارة عن 3 تمارين في 3 مجموعات... 1و2و3 مجموعه واحده و تكررها 3 مرات و التراي نفس الشي
رد: تمرين لتضخيم الباي و التراي (عن تجربه)
وضحت الله يعطيك العافيه
يعني ثلاث
العب التمرين الاول دور والتمرين الثاني دور والتمرين الثالث دور وارجع التمرين الاول لين مايكلمون ثلاث ادوار
شكلي بطبقها من اليوم