ماهو افضل وقت لتناول البروتين والامينو

السلام عليكم

اود الاستفسار انا عندي بروكمبلكس جينر وامينو4800

بس احترت ماهو افضل وقت حسب قرائتي للردود انه البروتين 3 مرات بااليوم الصبح والظهر وقبل النوم
بس احيانا مايسعفني الوقت استخدمه مرتين باليوم ....هل كافي ؟؟؟

وبالنسبة للامينو نفس الشي شفت ردود بمواضيع انه افضل وقت الصبح وقبل التمرين وبعد التمرين
وردود اخرى الصبح والظهر وقبل النوم

وشخص ينصح قبل التمرين ضروري وشخص ينصح بعد التمرين ضروري

بس ياليت تعطوني نصايحكم فضل شي على العلم اني كلمت اللي باعني البروتين قالي استخدمه نص سكوب بروتين على 4 مرات باليوم

وايضا هل اضيف شغلات ثانية ولا كافي بروتين وامينو !!!

وشكرا

والله بالنسبه لي اخذ البروتين مرتين فقط
بعد الغداء مباشره
وقبل النوم
والامينو مرتين ايضا
قبل التمرين بساعه
وبعد التمرين مباشره
ما ادري بس احسن وقت عندي هذا

وعليكم السلام

البرو قينر:

سكوب مع حليب قليل الدسم بعد الفطور بساعتين + سكوب مع ماء بعد التمرين مباشرة

السوبر أمينو 4800:
4 حبات بعد الفطور بساعتين + 4 حبات بعد التمرين + 4 حبات قبل النوم

ولو تذكر لنا طولك ووزنك ونسية الدهون وعمرك أفضل

اذا صارلك مدة تمرن ومتوقف عن منتج كرياتييني وعمرك أكثر من 18 سنة، فأنصحك تضيف سوبر شارج أو جاك3دي مع مكملاتك

موفق

شوف اخي انا استخدم البروتين من 3 اسابيع فقط ونوع البروتين اللي عندي واي بروتين مع امينو 4800 ومن 3 اسابيع بس حسيت بتغير واضح وانا استخدمه كالتالي :
قبل الفطور اخذ لي سكوب بروتين مع حليب قليل الدسم مع 4 حبات بروتين وبعدها بنص ساعة او ساعة افطر
قبل التمرين اخذ لي 4 حبات امينو وبعد التمرين بربع ساعة اخذ لي سكوب بروتين واذا تقدر تأخذه مع ماء يكون احسن لان بعد التمرين تحتاج العضلة بروتين ومع الماء يكون الامتصاص اسرع من كونه مع الحليب بالنسبة لي والله ما استسغته مع الماء وكل الوقت اخذه مع حليب قليل الدسم
وبعد التمرين اخذ لي 4 حبات امينو
قبل ما انام اخذ لي سكوب بروتين يعني الخلاصة
الصباح قبل الفطور سكوب بروتين + 4 حبات امينو
قبل التمرين 4 حبات امينو
بعد التمرين سكوب بروتين + 4 حبات امينو
قبل النوم سكوب بروتين بس
استخدم هالطريقة وراح تحصل نتائج اخي ممتازة
اتمنى انك تستفيد من تجربتي

اولا بالنسبة لعمري 26 سنة
طولي 162 وزني 65

صارلي تقريبا 3 اشهر العب حديد جدول مستمر وماعندي يوم راحة جدولي كالتالي
صدر وباي
ظهر مع تراي
اكتاف ومثلثات
باي وتراي
الرجل

واعيد الجدول

انا اشوف الامينو حاطين عنه انه افضل نتائج 3 مرات باليوم على 4 حبات
بس المشكلة كل واحد له وجه نظر

البروتين
سكوب الصبح بعد الفطور + سكوب بعد التمرين مباشرة + سكوب قبل النوم
الامينو
4 بعد الفطور + 4 قبل التمرين + قبل النوم

بالتوفيق

يعني الامينو مايحتاج قبل التمرين لاني اخذ 4 قبل التمرين بنص ساعه و4 بعد التمرين مباشرة
بس شنو الهدف اذا خذيت قبل النوم واول ما اقعد يعني كان جسمي بدون مجهود ؟

يا كووول
ما حتستفيد عضلاتك بدون ايام راحة
احب اذكرك بمثلث كمال الاجسام:
1- تمرين صح مع تركيز
2- الراحة و النوم الكافي
3- الاكل السليم و التغذية السليمة مع المكملات المناسبة .
و بالنسبة للبروتين حسب علمي : توجد اراء كتيرة و كلها صح بس افضلهم انا اشوف
بعد الفطور بساعتين مع حليب . بعد التمرين في مدة اقصاها 40 دقيقة و قبل النوم مع حليب .