أشتريت كمبيوتر NEW (مشاء الله لا اله الا الله . عين الحسود فيها عود)

يا اهلن بيكم ... :!
سلام عليكم ... :!

المواصفات على النحو التالي :-
AMD XP 1900 +معاه معجون طماطم اقصد معجون الفضه
لتخفيض الحراره الصادره :غضب: 7+ مراوح للترويح عن الحراره المنبثقه
mainboard Asus 266-C :غضب: + بودي ودعامات أماميه ونياكل
DDRAM 256 :غضب: بخاخات
Gainward Ti 4400 Geforce 4 128 MB DDRAM :غضب: :!
دفرنس لشق عباب الغبار .. في الالعاب من ذوات الـ FOG
Maxtor 80 G.B 7200 RPM لامبورجيني سوداء :غضب:
SBlive! audigy platinum X فرو ء وجنوط :غضب:

ارآئكم وتعليقاتكم تكفون على الجهاز فضلاً لا أمراً يا شباب :) :)

مبروك ......................اختيار موفق
جدااااااا ...........ولكن اي شاشه اخترت وايضا لا تنسى السمعات الحيطه
بالاضافه الى الاوبتيكل ماوس .........وايضا 7 مراوح الله يكون بعونك
من الصوت ....<انا ايضا اعاني من المراوح وكثرتها >
ومبروك مره ثانيه.......................:D

ماشاء الله تمام
;-) مبروك

اقتباس:

---

الرسالة الأصلية كتبت بواسطة محمدS.M
مبروك ......................اختيار موفق
جدااااااا ...........ولكن اي شاشه اخترت وايضا لا تنسى السمعات الحيطه
بالاضافه الى الاوبتيكل ماوس .........وايضا 7 مراوح الله يكون بعونك
من الصوت ....<انا ايضا اعاني من المراوح وكثرتها >
ومبروك مره ثانيه.......................:D

---

مبروك والله يعينك على النغمات طيب ليش مخذت وكملتها جي فورس4600 تيتانيم

هههه:D ..........دنجن شاريلك عراوي والا كمبيوتر........جنوط فرو
بخاخات .............معرف ايش :6 :6


على العموم مبروووك

محمدS.M / الله يبارك فيك ترى 7 مراوح (حبحب) يعني لا تصدق

هي 3 مراوح فقط + مروحه الباور سبلاي هههههه ومروحة كرت الشاشه ومروحة البروسسر :D
ومروحة كذا على جنب اضافيه لحالات ضربات الشمس
الماوس اوبتيكال ..تقول لابسها جني ماتثبت على حال :p لاتخاف عندي وحده ...
. اما كرت الشاشه
ذكرته فوق بس انت ماانتبهت يمكن ... ريد above :)


MOATAZ/ بارك الله فيك .. يالله عقباله انشاء الله


عبد العزيز 2020 / الله يبارك في حياتك .. لا ماعليك من هالناحيه .... مصيطرين على الوضع تمام :6
والله يخوي المتوفر هنا عندنا فقط جي فورس 4 Ti 4400
وبعدين مافي فرق ترى بين Ti 4400 وTi 4600 كلها رام 128 ومخرج ومدخل فيديو ... الزياده تعرف وين .. في الألعاب والنظارات الثلاثية الأبعاد :)

MAD-BOSS/ وانشاء الله عراوي ..وشفيه :غضب: ..حديد قوي ..وينقل حلال ... وزاد ... وعفش .. :D

الله يبارك فيك عموماً عقبالك :)

يا شباب انا اكلمكم من الكمبيوتر الجديد ... وهو ترى جالس هنيا جنبي يسلم عليكم كثير السلام ...

مبروووووك
عساك ركبت وندوز إكس بي ;)

وبالنسبة لقاريء الأقراص ما قلت هل هو قاريء ديفيدي أم سي دي
وهل عندك سي دي رايتر أو ديفيدي رايتر

بالنسبة للمعالج آثلون إكس بي (على وزن وندوز إكس بي:p) أنا دايما أسمع انه أفضل بمراحل من بنتيوم 4 ولكن مشكلته الحرارة الزائدة...هل المراوح اللي تجي مع الجهاز أساسية ولا انت اللي طلبت تركيبها؟ وايش قصة المعجون؟

ما شاء الله لو أبيع جهازي ما جبت ثمن كرت الشاشة تبعك ما شاء الله:)
ممكن تذكر لي ثمن الجهاز وثمن كل قطعة لو سمحت لأني ناوي أشتري جهاز في الصيف
مع الشكر

مشاء الله بكم سايمه

عقبالي :) :) :)

مبروك عليك
تستاهل والله يادينجون كمبيوتر احسن من كذا كمان
مره ثانيه مبــــــــــــــــروك:)

سوبر نوفا ... الله يبارك فيك :)

عزيزي يجي مع المعالج أكس بي معجون يخلط فوقه لونه فضي (اي البروسسر)

علشان يكون طبقة لدائنيه منعاً للأحتكاك ... ونقل الحراره بسرعه الى وحدة التبريد اللى عليها

المروحه :) وزي منت عارف AMD لهب

واذا جيت بتشتري مستقبلاً انصحك لا تعتمد لا على المروحه ولا على المعجون

اللى تأتي مع المعالج Xp .... وضروري تغيرها...
لان فيه مراوح اصليه تخفض بنسبه عشر الى سبع
درجات مقارنه بـ 3 الى 4 درجات مع مروحه المعالج نفسه !!

وترى للمعلوميه AMD 1900+ اكس بي هذا .... أسرع من بنتيوم4 بتردد 2000 Mhz

وسمعت ان سرعته موازيه تماماً لـبنتيوم 4 بتردد 2.2 for sure

وميزته انه رخييييييييييييص 950 ريال للمعالج بس تصدق !

ويمكن نص قيمة البنتيوم 4 2.2 Mhz !!

المراوح اللى انا مركبها وحده تحت الهاردسك ... ووحده في الخلف ..ووحده أماميه :)

اما القارىء هو بايونير DVD 16X (والرايتر عادي ماهو دي في دي)

السعر ككل والله مدري لاني اشتريته على دفعات ... وقطع (يعني تجميع)

بس اذكرلك كرت الشاشه بـ 420 $ 1600 ريال
والمعالج بـ 950 ريال (اذا مارخص ) وانصحك تاخذ 2200 XP+ لان سرعته راح تكون اضعاف اضعاف

2.4 للبنتيوم 4

المذربورد بـ 650 ريال

هاردسك بـ بـ 750 ريال

تجيلها 4500 ريال أو اقل

على فكره شوف محمد M ترى ماشاء الله معلوماته ممتازه في AMD ويمكن يفيدك..

وشكرا لك ... او ه نسيت الوندوز كل مالي وارجع ريويس انا Win 98 Second Edition :)

(مؤقتاً بس علشان اشوف السرعه) :)


كابامارو /غالي يرجال بس ماهوب اغلى منك طبعاً ;-)


سوات / الصراحه احرجتني >>>>>> :#

:6 تسلم والله ويبارك فيك عقبالك