Re: طريقة أخذ الشكوبو الذهبي
1. في البداية لازم تروح المزرعة إللي فيها الشوكوبو أول ما تستوي عندك (الهايويند) أقصد الطيارة ويكون عندك مبلغ كبير شوي، وبعدين تروح تكلم صاحب المزرعة في بيته و تقوله إنك بغيه يرعالك الشوكوبو مالك وراح يطلب منك مبلغ 10000 جل عشان تاخذ اسطبل ، بالنسبة لعدد الإسطبالات إذا ما تبغي تخسر شي من الشوكوبو إللي تصيده خذ 7 اسطبلات، وبعدين إرجع للإسطبلات و كلم وحدة من البنات بتبيع لك أكل للشوكوبو، هالأكل ممكن ينفعك عشان تصيد الشوكوبو.
2. في منطقة قريبة من المالهي على الخريطة في آثار شوكوبو ، روح هناك و لازم يكون معاك الماتيريا (Chocoo/lor) شوكو لور (اتوقع اسمها بها الشكل إذا ما كنت غلطان) ، و تمشي على آثار الشوكوبو وتحاول تصيد الشوكوبو و ارمي عليه شوية من الأكل إللي اشتريته، و اقتل إللي معاه و حاول ما تظرب الشوكوبو نفسه ، وبعد ما تصيده بتكون راكب عليه ، إنزل وبيعطيك خيارين ترسله للإسطبلات أو تتركه واختر الخيار الأول، ارجع للمزرعة وبتحصل الشوكوبو في الحظيرة، روح للبنت نفسها إللي تبيع الأكل وبتعطيك عدة خيارات واختار (Moving Chocopo) و بتطلع لك صورة الشوكوبو إللي صدته ،بس لازم تقولك إنه هو ( Good Chocoboo) و لازم يكون يمشي عشان تقدر اطلع أنواع يديدة من الشوكوبو، و إذا ما طلع هو المطلوب روح مرة ثانية لنفس المنطقة وحاول تصيد شوكوبو ثاني و ثالث و رابع لحد ما يطلع لك الشوكوبو المطلوب وبعدين توافق على تحريك الشوكوبو للأسطبل .
3. بعد هالخطوة و بعد ما تحصل (Good Chocoboo) روح للمنطقة إللي تحت إللي بتحصلها جنب غابة و فيها مدينة نسيت شو اسمها ، مب جنب الهرم لكن منطقة ثانية ، بتحصل آثار شوكوبو وحاول تصيد الشوكوبو إللي هناك ، وحبيت أنبهك على خطوة بالنسبة لجنس الشوكوبو إذا كان الشوكوب الأول ذكر لازم يكون هالشوكوبو أنثى عشان تقدر تزاوج ما بينهم ،وهالمشكلة محلولة ، بس هالمرة لازم تصيد (Great Chocoboo) وبعد ممكن ما يظهرلك من أول مرة ، بس لما تشوف صورته في المزرعة راح تشوفه يركظ اسرع من الشوكوبو القبلي ، و لما تتأكد إنك صدته لا ادخل الإسطبل على طول ، روح خارج المزرعة و احفظ اللعبة على كرت الذاكرة و بعدين روح حرك الشوكوبو ، فإذا طلع لك جنس الشوكوبو ( و أقصد بالجنس إذا كان ذكر أو أنثى ) نفس جنس الشوكوبو السابق فعيد اللعبة من المكان إللي خزنت فيه ، بعدين ارجع وحطه في الإسطبل و إذا ما تغير جنسه رد كرر العملية عدت مرات و بتنجح إن شاء الله.
4. بعد ما يكون عند (Good Chocoboo) و (Great Chocoboo) لازم يكون عندك (Carob Nut) وهذي تحصلها في منطقة تحت مدينة الآثار في نفس الجزيرة أو نفس القارة في المنطقة الخظرة ، لازم تقاتل الدايناصور الأحمر وتقظي عليه و أنا أنصحك تقاتله عدة مرات عشان تاخذ نفس العشبة عدة مرات لعدة عمليات تزاوج ،و بعد ما تحصل هالعشبة ارجع للاسطبلات و كلم البنت إللي تعطيك الخيارات و اختار هالمرة ( Mating Chocoboo) وبتقولك البنت أي اثنين من الشوكوبو بزاوجهم وبعدين تروح لكل شوكوبو وتظغط عليه الزر و تختار الخيار الأول على كل شوكوبو ، و بعدين بيسألك أي نوع من الأعشاب تبغي تقابل الشوكوبو وتختار (Carob Nut) و أنا أنصحك قبل لا تسوي هالعملية روح خارج المزرعة واحفظ اللعبة ، وبعدين راح يطلع لك إما شوكوبو الأنهار الأزرق أو شوكوبو الجبال الأخضر ، أما اذا طلع لك أصفر مثل الشوكوبو العادي فأنا أنصحك تعيد اللعبة و ترد تسوي عملية الزواج لحد ما تظبط .
5 . بعد ما استوى عندك أحد أنواع الشوكوبو إما الأزرق أو الأخضر روح لأعلى الخريطة في منطقة ما تقدر توصلها إلاّ بالطيارة أو بالشوكوبو الأخظر في الوقت الحالي ، في بيت بروحة في وسط الجبال ، ادخله وبحصل شوكوبو أخظر على اليسار وفوق الدرج بتحصل رجل كبير في السن و هذا الرجل يبيع أفظل أنواع الأعشاب للشوكوبو ، أول شي روح للشوكوبو الأخظر و اضغط عليه الزر وراح يعطيك ماتيريا و اسمحلي لأني ما أتذر نوعها ،وبعدين روح للرجال إللي فوق الدرج واشتر من عنده من الأنواع إللي مكتوب وراها (Green) وصح إنها غالية بس بتنفعك وايد ، وبعدين إرجع للمزرعة و كلم البنت صاحبة الخيارات واشتر من عندها أعشاب زيادة و بعدين اختار الخيار (Feeding Chocoboo) و اطعم الشوكوبو الثنين إللي صدته عشان تزيد سرعتهم إلين ما تخلص عنك كل أنواع الأعشاب و خل الناتج على جنب ، بعدين بنرجعله .
6. روح لمدينة الملاهي و بعدين وروح لمنطقة سباق الشوكوبو و بتحصل على الباب إللي على اليسار البنت إللي كانت رئيستك في السباق إللي فات عشان تطلع من منفى الصحراء وبتتذكرك لما تكلمها ، اختار التسجيل في سباق (كل ثلاث سباقات في الشوكوبو الواحد بيرفع مستواك Rank واحد ) ، إلعب في كل شوكوبو مجموعة سباقات لحد ما ترفع مستواه إلى (Rank A) أو ( Rank B) وبعدين ارجع للمزرعة عشان تزاوج التزاوج الثاني بين الشوكوبو بعد ما رفعت مستواهم ، و احفظ اللعبة قبل ما تدخل المزرعة ، بعدين زاوج بين الشوكوبو الأصفرين بنفس الNut إللي فاتت ، وحاول اطلع اللون الثاني من الشوكوبو بس لازم يكون جنسة غير عن جنس الشوكوبو إللي قبله ( مثلاً : يكون الشوكوبو الأخظر ذكر لازم يكون الشوكوبو الأزرق أنثى ) و إذا ما نجحت بتحديد الجنس من أول مرة عيد اللعبة وكرر العملية لحد ما توصل للمطلوب ، وبعدين رد و اشتر لهم أعشاب و اطعم الصغار من هالأعشاب عشان تزيد سرعتهم و دخلهم السباقات عشان تزيد مستواهم لمستوى (Class A) في الملاهي ، وبعدين تزاوج بين الشوكوبو الأزرق مع الشوكوبو الأخضر عشان ينتجلك شوكوبو يديد و هو الشوكوبو الأسود ، بعدين لازم تصيد شوكوبو يديد ، هذا الشوكوب تحصله في المنطقة أعلى الخريطة في المطقة الثلجية عند آثار الشوكوبو وهذا الشوكوبو إسمه (Wanderfull Chocobo) ولما تحصله بتحصل صورته في المزرعة يركظ أسرع من أي شوكوبو ، وبعد حاسب على جنسة قبل لا ادخله الإسطبل ، لازم يكون جنسه مختلف عن الشوكوبو الأسود ، بعدين اطعمهم وايد عشان تزيد سرعتهم لأعلى الحدود ، وروح لمدينة الملاهي وادخل السباق بالشوكوبو الأسود و ارفع مستواه لمستوى ( Rank S)و الشوكوبو اليديد (Wenderfull Chocoboo) لمستوى (Rank A) و بهذي الحالة يكون وصلت للمطلوب ، بس في خطوة أخيرة قبل ما تبتدي عملية المزاوجة هي إنك تروح هي إنك تروح لجزر على يمين الخريطة بتحصل فيها غابة ، اتمشى في هالغابة لحد ما حد يصيدك بالمعارك العشوائية و بتحصل إنه في أقزام يقاتلونك ، هالأقزام بعد ما تقظي عليها راح تاخد منها (Zior Nut ) على ما أعتقد إنه هذا إسمها ، بس المهم هي الوحيدة إللي ممكن تاخذها من عندهم ، و بعدين ترجع للمزرعة و خزن قبلها وادخل المزرعة ، زاوج ما بين الشوكوبو الأسود و (wenderfuul Chocoboo) بال(Zior Nut) وراح ينتج لك الشوكوبو الذهبي ، بس تراك وصلت و مبروك عليك، و بها الشوكوبو راح توصل لأي مكان على الخريطة من غير أي اعتراض.
منقول
هذي طريقة التقليدية
