ويننج إليفين 6 .. رأي شخصي
السلام عليكم
هذي آرائي و ملاحظاتي ( الأولية ) عن معشوقتي سلسلة ويننج إليفين في جزئها السادس ...
اللعبة بالكامل باللغة اليابانية .. و احتمال تطلع نسخة انجليزية بعد كم اسبوع
و هناك توجه في منتدى ويننج إليفين العربي لتعريب اللعبة كاملة ( نعم تعريبها )
بس هذا في طور التجريب حاليا
الملاعب زادت عن أول و من ضمنها ملعب أولد ترافورد حق مانشستر يونايتد و ملعب شبيييه جدا باستاد الملك فهد ( لكنه ليس كذلك ) و هو ملعب ياباني .. و ملعب نادي بوكا جونيورز الأرجنتيني ( اللي أقيم فيه حفل اعتزال مارادونا )
و تم تعديل أرضية بعض الملاعب لتصبح كما هو حاليا مثل ملعب أمستردام أرينا ( هولندا ) حيث كانت الأرضية مربعات لكنه الآن صار داوئر كبيرة تبدا من الوسط و تكبر حتى آخر الملعب .. و ملعب نو كامب حق برشلونة ( اسبانيا ) صار أكثر اخضرارا .. و ملاعب ثانية ما أعرف ايش اسمها بس كلها حلوة و ممتازة
اللعب صار أكثر واقعية حيث انك اذا ضغطت على زر X تبي تقطع الكورة من اللاعب الخصم تلاحظ ان لاعبك بييعرقل خصمك بيده أو برجله و يطيح و يحسب عليك فاول .. الوسيلة الوحيدة لقطع الكرة هو انك توقف قدام اللاعب و تاخذها أو تلحقه و تسبقه و تخطف الكرة منه أو تتزحلق على :: الكرة :: و ليس على اللاعب ..
ضرب الكرة بالرأس تحسن و ممكن يصير عليك فاول لو اندفعت على لاعب و قفزت "" حلوة قفزت "" و ضربتها براسك لتخلصها منه ..
اللعب صار أكثر تشويق و أكثر سرعة و أكثر متعة ..
لاعبي الوسط بتلاحظ انهم بيرفعون رؤوسهم قبل ما يرفعون الكرة للمهاجمين ...
الجرافيكس ممتاز جدا و صارت الرسوم أنعم من قبل ..
التحكم باللاعبين أفضل و زودوا أساليب خاصة لكل لاعب
مثلا : زيدان معروف بدحرجته الشهيرة للكرة ( موجودة )
فيجو معروف باختراقه الخرافي للاعبين ( موجود )
رونالدو , توتي , ديل بييرو , كيزمان ..... و البقية
كل لاعب له اسلوبه الخاص اللي مشهور فيه أثناء اللاعب
الكاميرا ممتازة و واضحة جدا لو اخترت الخيار الرابع
و بتلاحظ وجود خريطة للملعب بالأسفل عند اختيارك لأنواع الكاميرات
و فيه زر L1 و R1
هذولي لو حطيتهم على الرقم من 1 إلى 9 بتصير الكاميرا مثل كاميرا التلفزيون
حيث تلتفت لليمين و اليسار ( و لا تتحرك من مكانها )
عموما جربوها و تعرفون وش أقصد..
المعلق الياباني .. ممتع كما هو دائما
و فيه خيار اضافي له .. و هو عند اختيارك لمستوى الصوت أثناء المباراة بتلاحظ وجود 3 نجوم فوق .. هذولي حقت تفاعل المعلق مع المباراة
كلما زادت النجوم تفاعل المعلق أكثر ..
الجمهور .. ممتاز جدا و هو أروع مافي الشريط
اذا كنت تلعب على أرضك ( اللاعب الأول ) بيشجعك الجمهور و بكل حماس
لكن اذا كنت تلعب برا ( اللاعب الثاني ) بيهتفون ضدك " أوووووووووووووو " في كل مناسبة أو هدف أو ضربة مرمى أو ضيع لاعب فرصة ..
زادت الأهازيج و بتلاحظ انك لو أخذت المنتخب السعودية ( باللاعب الأول ) بيغنون أغاني الاتحاد و الهلال و الأهلي ..
أفضل تعديل سووه هو تعديل طاقات اللاعبين .. زودوا طاقات أكثر اللاعبين و عدلوا طاقات بعض اللاعبين إلى الأفضل ( على حسب الموسم الحالي فقط ) و ليس كالسابق كانوا يحسبونها بسنوات قبل ..
بتلاحظ ان 99% من اللاعبين أعطوا حقهم الكامل في الطاقات و المهارات ..
الفاولات صارت أصعب بقليل و صار الحراس أقوياء حتى انهم يصدون الكرات اللي تجي بالزاوية تسعين :confused: !!
اذا كنت تبي لاعبين على القيمة بتسديد الفاولات اختر ميهالوفيتش و بيكهام و فيجو و زيدان و فيرون
و فيه حركة خاصة لبيكهام عند تنفيذ الفاول
دوري الأندية "" الماستر ليج ""
قسم إلى 3 درجات .. و صار فعلا أكثر واقعية بكثير من قبل .
تقدر تسوي ناديك الخاص و باسمك الخاص و شعارك الخاص و ملابسك الخاصة
بالدرجة الثالثة لا تتوقع ان زيدان أو فيجو أو بيكهام أو أنا مثلا و النجوم الكبار جدا راح يوافقون عن انتقالهم لك .. لأنك باختصار ( تلعب بالظلام و توك ما طلعت )
اشتر لاعبين توهم طالعين مثل فاضل كيتا و لا خوليو سيزار ( أمزح أصلا ذولا مو موجودين )
اشتر : الحاجي ضيوف من منتخب السنغال رقمه 11
أو بابانجيدا من منتخب نيجيريا رقمه 13
أو أحد اللاعبين العاطلين
و لا تكثر لاعبين و انت توك بالدرجة الثالثة ..
و الصراحة أنا ما أدري وش الفرق بين الشراء و الإعارة بالشريط لأنه ياباني بياباني ..
معك 3000 دولار اذا فزت تزيد فلوسك و اذا خسرت تنقص ( مو زي أول فلوسك ثابته )
نهاية الموسم لازم تدفع رواتب اللاعبين و لا تصرف كثير لأنهم بيرحلون عنك من دون ما تدري ..
تقدر تشتري 33 لاعب .. 11 أساسيين و 11 احتياط و 11 فريق رديف ( شفتوا الواقعية )
و الحين أقول لكم كيف شريتها و من وين..
كنت أسولف مع أحد زملائي عن الكورة و كذا
بعدين قال لي: على فكرة ويننج إليفين 6 نزل أمس بس خلص و بكرا بينزل الدفعة الثانية بالعصر ....
احتريت و سألت من هنا و من هناك و طلع كلام صديقي صحيح
و جا من بكرا بالمدرسة .. كل شوي واحد يقول للثاني : متى يجي العصر بس ؟؟؟ :rolleyes:
خلصت الحصص و رجعت للبيت مشي ( لأن المدرسة قريبة مرة ) و انا ماشي أقطع الشارع طبعا أفكر بويننج إليفين 6 :008 :rolleyes: :confused: و تدور براسي تساؤولات " صرت عبقري " فجأة أسمع ... طططااااااااااااااااط طاااط طاااط .. عوووووووه ... واحد بغى يصدمني بس و قعد يسبني و يقول : يا خول يا دلخ ( ايه و الله انك صادق ) يا كلب يا ***** ******* ... بس الحمد لله مرت بخير
و أروح البيت و أوصل بأمان الله و أمشي بسلام بين أخواني الصغار الاثنين
طبعا كانت فيه معارك طاحنة حول أحقية أخذ الريموت كنترول بينهم .. ما اهتميت رحت غيرت ملابسي و حضرت ملاييني و حطيتهم بالبوك أبو جبهة حقي ( 15 ريال بعدها فلست و ما أزال مفلسا )
كنت دايخ و عقلي نص لفة أناظر التلفزيون ببراءة حتى أذن العصر .. فزيييت و قمت على طووول أخذت البوك و طلعت آخذ مفتاح السيارة من السواق ( مقردنه .. بس أصلا غصب عنه )
طرت على محل ركن ألعاب الكومبيوتر اللي بالريان ( قريب مننا )
و قعدت أنتظر أنتظر أنتظر أنتظر أنتظر أنتظر أنتظر أنتظر ...
خلصوا الصلاة و أنا أنتظر أنتظر أنتظر أنتظر أنتظر أنتظر أنتظر أنتظر ...
حتى جا الفرج عند الساعة 4.30 دخل الهندي المحل و معه ويننج إليفين طازج من البطحا و كنت أنا أول المشترين و بعدي طابور
فرحت و رجعت للبيت و انا أدعس على البنزين بقوة
دخلت غرفتي طيران ( طبعا أهلي ما استغربوا هذا الحدث الهام لأنه يصير كلما شريت شريط أغاني و لا أي شيء )
شغلت السوني 2 بسرعة .. فجأة عرفت ان اسطوانة الجيم شارك حقتي خربت :( :mad: :(
رجعت للمحل طيران كالعادة و بدلت الشريط و رجعت بس ما اشتغل بعد
تركته و انا يائس جدا
بس بالليل .. مدري وش جاني قمت من السرير و جيت فتحت السوني 2 و اشتغل الحمدلله و قعدت ألعب لين 3 الفجر
و لعبت فيه كم مرة لكن معاناتي مع اسطوانة الجيم شارك مستمرة
و سلامو عليكو :)
