كيف تضع خلفية لرسوماتك

وايد من الاعضاء ما يعرفون شلون الواحد ممكن يحط خلفية حق رسوماته..
ففكرت احط هالدرس البسيط. :)

هاذي هي الطريقة اللي اتبعها..
وطبعا كل واحد حر في اسلوبه...

وانشاءالله الكل يستفيد..
اذا في خطوة ما فهمتوها ممكن تسئلون في نفس الموضوع وباحاول اوضح لكم الخطوات انشاءالله..
ويفضل على العام علشان الكل يستفيد من السؤال..
وبالتوفيق للكل.. :o

لما تلون رسمتك وتخلصها..
تأكد ان الخلفية بيضاء وما فيها اي بقايا او بقع صغيرة من اي لون...

الصورة راح تكون موجودة في قائمة ال layers على هيئة background
مثل ما هو واضح في الصورة

اضغط على كلمة background مرتين..
بيطلع لك بوكس ... اختار ok

هني بتتغير الرسمة من background حق layer 0 مثل ما تجوفون في الصورة :)

بأداة الاختيار magic wand وبتلقون عليها اشارة في الصورة..
اختاروا الخلفية البيضا وضغطوا زر Delete من الكيبورد..

الخلفية البيضا هني بتختفي وبيطلع مكانها مربعات..
هاذي المربعات معناها ان هالمنطقة شفافة.. وان اي شي نحطه تحتها يبين :)

مثل ما تجوفون في الصورة المرفقة

الحين اختار الصورة اللي تبي تحطها في الخلفية..
صورة حقيقية او صورة انت راسمها او ممكن ترسم على layer يديد..
انت واللي تحبه...

اذا كنت مختار صورة حقيقية الصقها على الرسمة اللي انت شغال فيها وبتلقى انها اتوماتيكيا تلصق على layer بروحها..
ممكن تتحكم فيها.. من ناحية الحجم او التأثيرات بالفلاتر او غيره..

واخر خطوة انك تختار من قائمة lyers امر flatten image علشان الرسمة ترجع على هيئة background وتقدر تخزنها بهيئة jpeg..

وخلاص :)

flatten image هذه الخطوة ما تحتاجينها اختي ..
لانك تقدرين تحفظين العمل .. بالليرات ملوتهم حتى اذا تبين تعدلين شيء او شغلة تقدرين فالافضل انك ما تسوين flatten image اوكي :) نصيحه اخ :)

يعني شنو يصير لو حفظتيها .. Jpg بدون لا تدمجين الليرات !!!

جميل الدرس يا اورانج زين حطيتيه...
الفرق ياحسين أن...
أولا كلامك صح أن بعدين تقدر تغير في الرسمه، لكن عشان تعرضها في المنتدى لأو في اي مكان آخر وخزنتها بطريقتك بيكون الحجم أكبر.. أما إذا كانت طبقه وحده فتكون أصغر في الحجم...

شكراً يا أخت أورانج رود على هذا الدرس المفيد والحيوي والممتع! :)
والله يعطيتش العافية! :)

اي نعم بتكون اصغر لكن بقليل ليس بكثير والرسوم حجمهم مو 100*1800 .. :)

لكن للتعديل افضل .. وانا افضلها :)

الحمدلله ان الدرس عجبكم..
واتمنى انه فاد الاخوة وبالاخص رالف وحسن مان...


شكرا رانما ورواية :)

حسن... من البداية قلت ان هاذي طريقتي وكل واحد واسلوبه :)
بس لازم تسوي دمج للايرز لانك ما تقدر تحفظهم بهيئة jpeg

وبعد انا شغلي دايما يكون على حجم كبير...
فالذاكرة ما تكفي حق التخزين :)

وبعد..
هو كل واحد واللي يريحه

شكرا اورانج رود على الدرس المفيد !!

تحياتي لك .......!!!

رالـــــــــــــــــــــــــــــــــــــــــف;)

شكرا و شكرا و ألف شكري منك إلك .. <-- رت ميشو :D

الحمد لله ألحين عرفت شلون أشوي خلفية .. و الباجي بالطريج انشاء الله ! :)

مشكوره اورنجووو على الدرس الحلوو :D

و لو اني قريته متأخر :(

اختي للعلم فقط انا اعرف انه كل واحد له اسلوبه الخاص ... ويبدو لي الذاكره لديك ضعيفه مو مشكله .. لكن من قال انه لا يمكن الحفظ بصيغة jpeg بدون لا تسوي دمج لليرات ؟؟؟!؟!؟

اخ حسين :)

لما تكون اللايرز مب مدموجة.. ما اقدر اختار هيئة الحفظ الا بصيغة الفوتوشوب وبس..

هاذي اللي يطلع عندي...
:)