gamemasterجيم ماستر كثرة عليك الأسئلة ؟؟؟

السلام gamemasterجيم ماستر
صراح أنت ماقصرت معي والله لكن شكلي أنا أرعجتك بكثرة الأسئلة لكن والله أن البلاي ستيشن 2 عندي ومعقدني مرة ؟؟؟؟
حبيت أسألك هذا السؤال وأرجوا أن تجاوب عليه :
سمعت أن شركة سوني بتنزل قرص صلب أو نزلته في الأسواق اليابانية هل هذا الكلام صحيح وإلا ... لا ؟ وهل نزل كي بورد وفارة للبلاي ستيشن 2 عشان الأنترنت أو بينزل مع المودم سوى ؟
السؤال الأخير .......
كيف أطلع الصور المتحركة إلي أنت تطلعها في ردك في أخر الرسالة حقتك ؟
أرجو أن تجاوب على هذا الأسئلة وأكون لك شاكراّ ياgamemasterجيم ماستر
وأي خدمة من الخبر أنا جاهز
أخوك نمسيس 2000

كل الذى ذكرته ليس متوفر حاليا ولاكن سيكون هذا فى القريب إنشاء الله

وبا النسبه لتطليع الصور فى مشاركاتك سوف ابحث حاليا عن موضوع نشر منذو فتره للاخ دارت وسوف يفيدك كثيرا لانه مشروح ومدعوم با الصور التوضيحيه

ثوانى للبحث


خلاص هذا هو اللينك الذى يحولك للموضوع



http://montada.com/games4arab/showth...5&pagenumber=1

بصراحه جلست ابحث عنه لما دخت .....والحمد لله انى وجدته بعد ما فقدت الامل منه ..........ارجو ان تستفيد منه ويستفيد اى شخص ليس له درايه عن كيفيه نشر الصور فى التواقيع


ويا هلا فيك


جيم ماستر فى الخدمه

وابي منك رد ملعوب وعالطاير بعد :)
اولا مشكور على كتاباتك القيمة في مجال قطعة الكوبي واللي لولاها لما شريتها و انا مستانس ليش اني قاعد اشغل الكوبي الأن .
لكن هناك بعض الصعوبات قاعد اواجها :
1- ماني عارف اشغل العاب البليشتاشين 1 . او بشكل ثاني مو راضية تشتغل معاي.
2- بعض الأحيان ما تشتغل اللعبة لأول مرة .لازم اعيد الحركة مرة ثانية
3- لعبة كرة القدم الدوري الياباني 2000 يصل لمرحلة اللودنج
عشان المباراة تبدا و ما اشوف الا كرة ارضية تتحرك

علما بأن جهازي امريكي و القطعة هي المود شيب
و الطريقة اللي اسويها لتشغيل الكوبي هي :
احط ديسك الجيم شارك 2
2 اصكر الجهاز
3 اشغل الجهاز مرة ثانية مع تثبيت صبعي على زرار البور (زرار التشغيل) حتى تطلع معاي القائمة الخاصة بالجيم شارك2
4 اشيل صبعي و ينفتح الباب لمدة تقريبا 8 الى 10 ثواني (الجيم شارك عندي من الأصدار 1.3)
وبعدين احط اللعبة الكوبي
5 اضغط على
start game
without code
وبعدين اضغط على الأكس
X

هل هناك تعديل من خلال خبرتك في هالطريقة ؟او هل في طريقة احسن ؟؟
و ألف شكر و يعطيك الف الف عافية
اخوك : ُEA-SPORTS

اخوي : EA-SPORT ...... انا من الكويت او انشالله بشتري بلي ستيشن تو من الكويت اب جم سعرها وشنو احسن محل تنصحني اشتري منه الجهاز واشتري الامريكي والا الياباني ... ومشكور :)

يا هلا بيك يا EA-SPORTS
وبا النسبه لما طلبته

1- اغلب العاب سونى1 المنسوخه لن نعمل بصوره سليمه على اى جهاز معدل ولاكن الاصلى يعمل جيدا

2- هذه يعتمد على الالعاب المنسوخه التى تستخدمها وانا مجرب اغلب الالعاب ووجدتها تشتغل مباشره من اول مره

3- الظاهر ان فى هذه اللعبه عيب وقت نسخها واغلب المتوفر منه فى الاسواق يعلق حتى النسخه التى جربتها انا وفى نفس المكان الذى علق معاك


وبا النسبه للسوال الاخير عن وجود طريقه افضل من هذه .........للاسف حاليا لا يوجد اى طريقه متوفره
ولاكن اكيد ان هناك حلولا اخرى سوف تتوفر مع الايام المقبله

ويا هلا

NEvER^Die
اخوي ...و الله سالفة اني ارشحلك محل معين هذي صعبة شوي ليش ان الأسعار تتغير من وقت لوقت بس المهم وخر عن ألأقصى لأنه اسعاره نار.
انا خذيته قبل عيد ألأضحى ب 3 ايام طلعت علي ب 180 دينار (بليستاشين امريكية)مع لعبة اصلية
وبعد نثل ما قتلك ما اقدر ارشحلك محل لأن كل المحلات لازم تفاصل وياهم ولا بسرعة ينقص عليك
يمكن اشوف ان معرض طوكيو اللي بسوق الكويت زين شوييييية .
اما بالنسبة للموديل ..اذا تحب يوم من الأيام تطالع افلام دي في دي فعليك بالأمريكي لأن الأفلام دايما تنزل بامريكا قبل اوروبا (النظام الأوروبي)
اما اذا ما تهمك هالمسألة فخلليك مع الوكالة ....اشتري اوروبي
عموما وجهة نظري انا الحين ان بعد ما انزلت قطعة الكوبي خلاص ما بقى شي اسمه موديل احسن من موديل لأن كلهم تشتغل معاهم نفس القطعة اللهم مع تغيير الجيم شارك (في الأمريكي الجيم شارك وفي ألآوروبي الجيم اكشن)وكلهم يشغلون الكوبي بجميع انواعه
فتبقى اهني مسألة افلام الدي في دي أو الألعاب الأصلية ...اذا انت ناوي تتعامل معاها فعليك بالأمريكي لآنه تاريخ نزول العابه الأصليه و افلام الديفيدي اسرع بوايد عن الآوروبي .
يبقى شي مهم جدا لازم تعرفه .اهو انك لاتحط بمخك انك اذا شريت الجهاز من الوكالة راح تأخذ وياه ضمان _جارانتي) ليش انك مضطر انك تضحي في الجارانتي هذا في حالة تركيب قطعة التطوير لآنك متى ما فتحت الجهاز ....خلاص طارت الجارانتي او الضمان .

اخوي gamemasterجيم ماستر
يعطيك الف عافية على ردك و عساك سالم انشاء الله وجزاك الله خير على مساعداتك حقي وحق باقي الشباب واللي والله اني اشهد انك ما قصرت مع احد فينا ...عساك عالقوة ...
و مثل مايقولون
KEEP IT UP :)

انا ابي اشغل عليه افلام دي في دي والعب فيه جيمس ... افهم من كلامك انه الامريكي اهو الي يححق رغباتي ... عدل ؟ :)
والشي الثاني اب جم سعر شريط الكوبي ؟ على السوني تو وهل كل الالعاب متوفر الكوبي ؟ ..... وشاكرلك :)

كلك عدل 3....صح الأمريكي في هالحالة وايد افضل انا قعدت حوالي شهر وانا اقرا و اسأل عن الأفضل ولقيتان الأفضل لي اهو الأمريكي و لأني من عشاق افلام الدي في دي .
بالنسبة لألعاب الكوبي هي متوفرة في الكويت و بسعر 2 دينار فقط
ولحد الحين انا شايف ان كل الألعاب اللي سمعت عنها موجودة كوبي و متوفرة في سوق الكويت .