ممكن مساعدة من أهل الرياض

السلام عليكم..
شباب وين أحصل ردهات 7.3 و سوزي 8 و ماندرك 8.2 بالرياض لو تكرمتو.

السلام عليكم

شف هذي طول الله عمرك تحصلها في حراج الكمبيوتر.....

و موقعه على طريق العليا العام

تمشي و تخلى الفيصليه على يمينك

و فيه عندها أشارة

أبد أبتل و أمش سيده و بتشوف محلات كمبيوتر على اليمين كثيرة مرة
أدخل جوا

و فيه هناك هنود كثيرين يبيعون برامج قل لواحد منهم و يجيبلك أياه بعشرة بخمسطعش إذا كثرت

والسلام

مشكور أخوي على ردك
بس المشكلة في حراج الكمبيوتر نسخ قديمة ما فيها kde3 إلي يدعم العربي و فيها تحسينات كثيرة فإذا كان أحد من الإخوان في الرياض قدر يحصل عليها يدلنا مشكوراً وأنا علي أوفرها في حراج الكمبيوتر بالعليا مع العلم إنها توفرت في جدة و المفروض أهل الرياض الأجدر.