ياليل ياعين...((حلم ابو علي المشاركة فية))
مرااااحب وهذي السااااالفة....((طبعااا ليس للقصة اصل وليست حقيقية))
رؤس الاقلااام :-
1-دكة ابو عطوة...((فرشة على الرصيف قدام بيت ابو عطوة))
2-التيجيدل....((بعد فك لغزهاا اتضح انة الديجيتل))
3-الشلل....((مصير أم وضحى))
4-ياليل ياعين...((حلم ابو علي المشاركة فية))
5-العزا....((يوم شين يجون الناس ساكتين ويشربون قهوة))
القصة :-
هذاا شايب يقال لة ((ابو علي)) منتهي طبلونة ((يعني شايب مافية شعرة سودا)) طايحة جميع ضروسة ويمشي احيانن بعصاء ..وكان ملتزم ويخاف الله ودايم في البيت ((عندة نخلة قبلة يشتغل في حوضهاا ويصرم فيهاا)) المهم ابو علي صلى العصر جنب شايب يقال لة ((ابو عطوة)) ويقوم ويسحبة معة للدكة حقتة ((أي مجلس على الرصيف قدام البيت))ويقعد معهم ابو علي وخذ سواليف ((يعني نصب وحش)) ويطمر ابو عطوة وقال ياشبااب ((طبعاا اصغر واحد فيهم عمرة 80 سنة)) اليوم صار لي موقف؟؟؟ دخلت غرفت ولدي ابقومة لصلاة الفجر والقاة نايم والتلفزيون حقة يشتغل وياليتني ماادخلت..شفت شوفة ياجماااعة ((الشياب كلهم مبوبزين وفاتحين عيونهم واثاميهم ويقولون بصوت واحد قل وش شفت يابو عطوة؟؟)) قال قمر طاايح جواا التلفزيون جمال وذيك العيون والشعر لين الركبة و....((ولازالو الشياب في تشنج ولايرمشون با العين كنهم صورة جماعية)) وقال لا وازيدكم ترقص...الشياااب بصوت واحد هاااااااااا وشووووووو؟؟؟؟ اية ترقص بذاك اللبس وشرح طريقتة ((وقام ابو عطوة يهز على الرصيف يقلد رقصهاا والشياب يصفقوون)) ويذكر انة جاة انزلاق غضروفي بعد العرض..المهم والله واقعد اتابع ونسيت الصلااة ومادريت الا والساعة 9 واقوم واطلع..((والغريب اني دايم عند التلفزيون ومافية الا الاخبار ومطالعة الصحف))والكل بصوت واحد وانت صادق ماااشفناا ها الشي يابو عطوة..طلع صوت جااي من بعيد ((من اخر الفرشة)) لية ماسئلت ولدك وشذاااا؟؟؟((وكان السائل ابو علي)) وبدت الاصوات تتعالى اية تكف اسئلة اسئلة...رجع ابو علي للبيت وتفكيرة في الاميرة الراقصة وكل ثلاث خطوات ياخذ لفة حول نفسة ((بزعمة رقصة رومانسية)) ويشغل التلفزيون ويقعد يفرفر فية كل اليوم لايكون فية قنااة ثالثة ماطلعت عندة واستسلم للقناة الاولى وبريق شاهي ومارفع عيونة من على الشاشة ((حتى الدعايات تابعهاا)) يحتري الاميرة الراقصة
والله ويسهر ويواصل الين الساعة 10 ونام ابو علي والريمونت في يدة والاميرة لم تظهر بعد وبا الفعل ماصلى ابو عطوة لا الفجر ولا الظهر ولا العصر ويوم خلصو من صلااة العصر ويتجهوون 15 شااايب الى المجرم ابو عطوة ويطلع ((جحدهم مافرش الفرشة ولاجاب شاهي ويكلمهم من ورى الباب بصروال سنة)) وقااالو بصوت واحد بشـــــــــــر؟؟؟؟؟؟ قال الموضوع تطور يااشباب ((لابسات فوق الركبة)) شايب طاح مغماااء علية من الصدمة وصلو علية العشاء ((الله يرحمة)) ويقعد يشرح لهم لين مانشفت حلوقهم وقااالو كلهم وشو ذاا علمناا؟؟ قاااال انهو ((التيجيدل)) قام ولدي واناا منبطح على بطني واطقطق رجيلاتي على ظهري وماامداني انحاش وقلت وشذاا وقال هذاا تيجيدل ويشغل 300 قناة.. الكل من الشياب مشاء كنة مصموخ بمغرفة على علباة ((أي مضروب مع اسفل الراس من خلف))
وابو علي قعد يهوجس وخربت اخلاااقة مع ((أم وضحى)) وناام ماتعشى وصارو الشياب يناظرون بعض بعد كل صلاااة وكل فرض ينقص واحد ((ركب ديجيتل)) ثاني يوم ماتحمل ابو علي ودخل على ولدة وقال قم جب لي تيجيدل..قال ولدة وشو سباك هذا ولا كهربائي ((يحسبة عامل)) قال لا يا الثور ابي ابو 300 قناة ..قال الولد هاا قصدك ((الديجيتل)) قال الي هو قم وجب لي وبا الفعل راح الولد وركبو لبو علي الدش....((للاسف بداء انحراف ابو علي))ويفرش سجادتة جنب التلفزيون وخذ اصواات الاغاني ((فاق خشتة وياكل فشار وبصروال سنة ويصلي العشاء 12 الليل)) وام وضحى الضعيفة معد تناام من الازعاج ((وهو يقول طسي نومي عند بنتك )) ويقعد على هاا الحالة شهر المسجد معد يعرفة والنخلة مااتت عطش ..وفجـئة والكل متجمعين في الصالة وينزل ابو علي لابس بنطلون جلد وحالق اللحية ومسوي سكسوكة ((وقال هااي فاميلي))أي هلاا عيالي.. ويطلع ويلحقونة العيال يحسبونة حرامي ماعرفوة وكل الحارة اخترشت ومن كل بيت يطلع شايب الي لابس قلاادة وابو عطوة بنطلون كاروهات وبلوزة عليهااا بطلة فلم تيتنك ويركبون مع ابو عضيب ((رجل شايب اعمى بس مصلحة عشان سواقة ويذكر انة طاح في الدخان معهم)) ولشارع التخصصي ويطلعون مع الدرايش ويرجوون واذا نفخ عليهم احد غنو بصوت واحد ((عصبو الشبااب عصبو الشبااب)) ويرجعون اخر الليل وعلى طول للدش ((برنامج ياليل ياعين)) واستمر الوضع من اسوى الى اسوى وقاام يعسل ابو علي ((أي يشيش)) والدخاان دايم في مخباتة..ويطلع في ليلة ويطق باب ولدة علي وقال قم ود امك للمستشفى وجاء علي ولقاء امة مغمى عليهاا ((ولقاها رابطة على خصرها طرحة ومهددهاا اذا مارقصت على اغنية هويداا لا لي لا انه بيتزوج عليهاا)) وخافت ورقصت واثناء كسرت الظهر مع هز الكتوف طق ظهرهاا وللأسف انشلت واستمر الشايب في جهلة ومقفل علية البااب وصوت الدش عالي وفااارق الحياة ابو علي وهو يحمل الريمونت في يدة ((ياللة حسن الخاتمة)) والجنز مصفط جنبة ((حاجز بيروح لبنان هو وابو عطوة يحضرون ياليل ياعين)) ماات وماتت احلاامة وانشلت حرمتة .....
((نصيحة))ياجماااعة الدش ماوراة الا الضياع....((انتبهو لبزرانكم وشيبانكم))
واسف على الاطالة......والي عندة شي يدلو........؟؟ وسلاامتكم
ملاااحظة:- الله يحفظ كل شيبااناا ومن جد لولا الله ثم دعواتهم كان احناا ولاشي..
":" ;) :D ":"
