كاس العالم 2040 والتطورات الي راح تصير فيه
السلام
(ارجوا انكم تقبلوني عضو بينكم وهذه بدايتي معاكم .... اقبلوني ترى ياويلكم )
ياسلام على كاس العالم ومباريات كاس العالم وحلاوة كاس العالم
(وياسلام على خروج فرنسا والارجنتين والبرتغال )
لكن لو لاحظت كاس العالم 2002 والبطولات الي قبلها لا شفت انه في اختلاف ..... كرة القدم بلاعبينها وكورها وقوانينها كل مالها وتتطور
ايام قبل ماكان عندهم غير مطاط مغبر يتفخونها بحلوجهم واتصير كره يلعبون فيها اما الحين فقاقيع فيها غازات بالكره والياف اسفنجيه ?:
والحين تخيلوا كاس العالم عام 2040 شنو راح يحوشه من تطور
^^^^^^^^^^^^^^^^^^^^^^^^^^^^^^^^^^^^^^^^^
اول شي راح يشارك بالبطوله 50 دوله من ضمنها الدوله المنظمه ( الولايات العربيه المتحده ) بعد ان اتحدت كل الدول العربيه تحت مسمى واحد وبلد واحد ( ياسلام على الحلم الجميل ادعوا انه يتحقق :" )
وصار الواحد مايقول انا كويتي اصلي ضفيري مثلا لا قام يقول انا من الولايات العربيه المتحده اصلي سعودي :D
الكره العربيه تطورت لانها متحده مع بعضها البعض .... ماقام الاول يهزئ الثاني مثل ماحنا شايفين بعض الاخوه الخليجين الي ماصدقوا السعوديه تخسر واستلموها :D الله يسامحهم
والمنتخب ماشي تمام وكل لاعبينه عسل ماعدا حفيد سامي الجابر حطوه بالمنتخب غصب :غضب: اي هلالي من يقدر عليه ( قاعد اضحك معاكم لا تستلموني يالهلالين :0) )
الولايات العربيه المتحده او usa يعني ( united states of arabia )
(اكيد راح تقولون لي وامريكا usa ؟؟؟ فاقولكم انه ماظل شي اسمه امريكا بعد ان تدمرت على يد اثنين يابانين متعقدين من سالفة هيروشيما )
المهم usa ( العربيه ) فازت بشرف الاستضافه بعد منافسه قويه مع زمبابوي :p وقرروا يخلون اغاني ام كلثوم اغاني البطوله يعني مايحتاج ريكي مارتن وانستيشيا ............... وتعويذة المونديال كان في ترشيحات كبيره لاختيار جمل اعور لكن في النهايه قرروا ان التعويذه تكون على هيئه ضب صحراوي لابس جينز يعني متحضر :D :D
كاس العالم هذا صار فيه اشياء كثيره متطوره ...... اولا الكوره
المخترعين في شركة ( عبيد داس ) قاموا ياختراع كوره تتحكم فيها بجهاز الريمونت كنترول ...... وصار الحين مايحتاج تركض للكره ...لا بكبسة زر واحد تجي لك ......... ومن مميزات الكره انها تتحمل عوامل الحر والرطوبه والبرد والدخان الي يطلع من الشيشه والطقاع:# واذا شوت بالكره مليون مره راح تقطع رجلك ولا تتقطع الكوره
من ميزات الكوره الثانيه انها اذا طقت ايد ( ذراع ) واحد من الاعبين فانها تولع باللون الاخضر وهني الحكم بسهوله يكتشف انه حاشت ايد اللاعب ويحسب فاول .... واذا كانوا راشين الحكم ( مثل مارشوا حكم ايطاليا وكرواتيا ) فان الكوره توقف بالملعب وما تتحرك لو شيصير وتقوم تسب وتلعن الحكم لحد مايطفش الحكم ويحسب فاول
وتقدر تصير مع الكره ثنائي رهيب ..... واذا ماقدرت انت تشوتها عادي هي تشوتك واذا دخلت المرمى ينحسب قول
اما القوانين فتطورت تطور كبير للافضل ومن اهم القوانين
1/ كل فريق فيه 11 لاعب ...... وتقدر تزود لاعب اذا فزت بالسحب
2/ دام ان الحكم ماهو بلاعب فشحقه الركض والبهدله .... يسمح له بركوب غاري اربع تواير ...... لكن مو اي غاري .. غاري دفع خلفي مع لمبات تشتغل بالليل :واو:
3/ اذا حاول اللاعبي او الحارس اضاعة الوقت فالكوره اتطير وتنسدح بايدينه اما اذا سوى حاله مايشوف فان الكوره تجيه طير على صماخه يعني ( تراني موجوده )
4/ ممنوع على اللاعبين التناقش مع الحكم او الاعتراض عليه واذا كانت فيه حره فيسمح له بركوب كورفت موديل 2040 والفحيط بين الشوطيه
5/ اذا مثل لاعب من اللاعبين على الحكم وانكشف ... يسجلون اسمه من المرشحين على جائزة الاوسكار وراها ياخذ له كرت احمر
6/ ماعاد مسموح للجمهور بحذف الطماط والبرتقال على اللاعبين .... القنابل اليدويه مفعولها اعظم :!
هذي من اهم القوانين المعدله واضيف انه اللاعب اذا بيحط قول حلو مايسوي دبل كيك ولا مقصيه لا هذا كان قبل اما في هذه البطوله فالشوتات اتصك على شوتات كابتن ماجد وبسام ورابح
نجي الحين الى اهم ملاعب البطوله
1/ ملعب عباسيه سيتي ..... سعته 50000 ارضيته عشب مع جرجير وبقدونس
2/ ملعب الرياض ترافورد .... سعته 100001 <<< الواحد شحقه ؟؟؟
كشف ,بابين , يتحول بيجر
3/ ملعب الصليبيه الوطني ....سعته 1000000 راح تقيم فيه مباراة الافتتاح ... تعتبر منطقة الصليبيه من المناطق الي صارت عليها حروب للاستيلاء عليها لما مافيها من ثروات طبيعيه واثار عمرانيه قديمه ... الخ
4/ ملعب دبي انترناشونال ..... سعته ( لم يعرف حتى الان ) راح تقام فيه مباراة الختام .... من مميزات الملعب انه يقدر يطير لاي بلد ثاني وراح يسون له عرض بعد كاس العالم تاجيره الشهر ب 30 الف عورو ( العمله الاقتصاديه للولايات المتحده العربيه )
5/ ملعب الدمام سيرو ..... سعته عد وخربط ..... الجو فيه حار شتاءا بارد صيفا ?:
طبعا في 100 ملعب غيره اذا ذكرتهم مايمديني الموضوع
لكن الحين السؤال المهم ............ هل راح نشوف كاس العالم على التلفزيون ولا راح يحتكره شيخ عشيرة الضفادع .... الضفدع كامل :"
وانا بطمنكم انشالله بهالوقت تلقى هالضفدع مفنقش مسكرب ومفلس يعني تطمنوا
^^^^^^^^^^^^^^^^^^^^^^^^^^^^^^^^^^^^^^^^^^
والان الى الختام وانشالله عجبكم الموضوع ........... واحب اذكركم محد يعرف المستقبل غير الله سبحانه وتعالى وما موضوعنا الي شوية ضحك
وانا ناطر ردودكم :0)
