شباب كم سعر البلاي ستيشن2 بالكويت

اذا كان خالي فتكفون متى ينزل سعر البلاي ستيشن2
فأنا اقدر اشتري الجهاز كأخر سعر اهو 120 دينار واقل طبعا
او تنصحوني اني انتظر ا جهاز الأكس بوكس

من الوكيل المعتمد شركة المخازن ( سوني ) نظام pal مع شريط ويده سعره 169 دينار .
اما من المحلات الاخرى فسعره حوالي 190 دينار مع شريطين .

يالغالي .... انا انصحك انك تشتري بلي ستيشن الثاني ... لانه اهو الي راح يمشي سوقه بالمستقبل ..... اما عن سعره .. انا امس رايح مجمع الرحاب .. في محل جيم سنتر ... سعر الجهاز مع يده فقط .. اب 140 دينار ..... اما اذا تبي تاخذ جهاز مع اشرطة فالسعر راح يكون 190 دينار ... انا نصيحتي لك انه تشتري الجهاز مع يده فقط وتشتري اشرطة كوبي ... راح توفر وايد ... وبالنسبه لي الاكس بوكس ... يا صديقي .. كثير من الناس يقولون ان الجهاز سوف يفشل ... ولن ينجح ... اشترلك شي مضمون احسن لك ... وبعدين ترى بالوطن العربي اكثر جهاز ماشي سوقه اجهزة السوني ... ولا يقص عليك الشيطان وتاخذلك اكس بوكس ... :)
وانا بالخدمه

بس سمعت يقولون انه راح تنزل البلاي ستيشن3 مدري متى !!!!

اشاعة ولا صحيح ؟؟؟ صراحة اول كنت متعلق بالسوني2 كثير .. لان فيه ميتال جير سوليد2 و الدوري الياباني5 و الفاينل فانتسي العاشر .. بس الحين ما صرت متعلق فيه خصوصة انه فيه اجهزة راح تنزل باذن الله

انا اقول انطر لا تشتري السوني2 الحين انطر انشاءالله ينزل سعره .. و الحين ماكو اشرطة وايد حق السوني2 حسب معرفتي الا كم شريط بس .. تشتري جهاز عشان كم شريط ؟؟؟ لا انا اقول انطر :) و هذه نصيحة لا غير :)