الاحتراف في حوطه-الجزء الثاني-
الأحتراف في الحوطه - الجزء الثاني
استمر فاق ثمه في الاستهبال ... وشاركه في ذلك القعيس ضعيف الله ينرحم ماله الا 11 وظيفه قلنا خل نكملهم درزن ونحطه في لجنة الاحتراف ومالنا الا الاجر ... وقعد القعيس وفاق ثمه يبربسون في هالنظام ... واعلنوا لكل الناس ولكل الجماهير يقولون اللي فهم شي من بنودنا الله يرحم والديه يفهمنا . المهم انهم انبسطو مافيه مشاكل والعالم مبسوطه بهالنظام اللي ماله داعي . اللين فاجئهم نادي العصفر بشراء القطو لاعب الشطه الحمرى ... وبيني وبينكم فاق ثمه ضاق صدره وحمق خايف على فريقه واعلن ان هالبيعه باطله مستندا على الفقره الثالثه من نظام الاحتراف والوارده في الجزء الاول والتي تنص على ان الدعاره ممنوعه في نظام الاحتراف الداخلي بل انها محرمه للاعب الحوطي ... وكذلك استند على الفقره الموجوده في نفس البند والتي تنص على ان لفاق ثمه حرية الاستهبال في هذا البند .
وتو فاق ثمه مرتاح وحال هالمشكله يوم جت مشكلة اكبر ... حيث قام حارس نادي اللمبه الزرقا بالتوقيع لنادي العصفر ورجع مره ثانيه ووقع لناديه
... فاق ثمه تبرجل مايدري وش يسوي هو والقعيس وشكلهم ورطو المشكله الاولى احتجو فيها بعقد الدعاره الموقع ... لكن وش يسون بهالمشكله قال فاق ثمه لازم نماطل بهم ونجننهم اللين يملون ... المهم يوم جننو العالم قرر خبراء الاحتراف التحقيق مع اللا عب ... جى اللا عب وبدا التحقيق ...يقول اللاعب ادخلوني غرفه مضلمه في آخرها كرسي مركزين عليه كل اللمبات ... وقفت في باب الغرفه وبغيت ارجع وفجئه انصك الباب بقوه ومافيه احد عنده ... بيني وبينكم خفت اللي خوفني اكثر القهقهه اللي اسمعها في كل مكان في الغرفة ... قعدت عند الباب وانا انتفض من الخوف واصايح ابعترف بكل شي خلاص ابعترف والله لعلمكم بعد باسم امي ... وفجئه ولعو كل لمبات الغرفه واذا بشخصين داقين اللطمه وعليهم مرايات سود مسكوني كل واحد بيد وحطوني على الكرسي الكهربائي وقال فاق ثمه وهو يهددني بزبيريه يحملها في يده اليسرى اين كنت من شهرين الساعه 12 .. وما امداني اتكلم الا القعيس لاسعني بغترته ويقول كن ماودك تعترف لالالالا قل ماودي اعترف وتوني ابرد عليه الا زبيرية فاق ثمه ناشبة في جبهتي يقول لي من التيس قل قل ... قلت انا والله التيس وانا العنز وانا كرهت الكوره وانا اسم امي نوره وما ادري وشلون فلت منهم طمرت من بينهم وفتحت الباب وماردني الا حلبان
اجتمع فاق ثمه والقعيس بعدها وقرروا انهم يحطون بند جديد في بنود الاحتراف اسمه بند حقرا بقرا يتم من خلاله حل جميع المشاكل ... وفعلا ثبت جدواه واي واح يعارض ماله الا التحقيق
ولكن فرحة فاق ثمه والقعيس لم تدم طويلا جاهم الموت جاهم ابو لسان اللي رجع لنادي العصفر (جاك الموت ياتارك الصلاة
وكان لنا هذا السبق الصحفي مع الرياضي الكبير الصتيمه
س1 ـ اهلا بك يا استاذ ابو صتمه ؟
ج1 ـ اهلا بك ياعذيذي
س2 ـ الى اي درجه تحب اللون الاصفر لون فيقك فريق العصفر؟
ج2 ـ شف انا من يومني صغير وانا اموت في هاللون ومن كثر حبي له كنت انبسط الين شفت احد فيه صفار . وبالمناسبه ترى الصفار هو المرض المفضل عندي
س3ـ ماسبب مشكلتك مع لاعبكم ابو قذيله ؟
ج3ـ شف ياعذيذي اللاعب هذا اللي قلت اسمه واللي مااحب ان اذكره غلط علي وعلى ناديه نادي العصفر واهم شي غلطه الكبير على اللا عب الدولي الترنجه . ياعذيذي هذا اللاعب انا لاقيه طايح في حفر الدلم
س4ـ تقول لاقيه طايح في حفر الدلم ؟
ج4ـ نعم لقيته طايح في حفرة من حفر الدلم وكان ماعليه الا ثوب بس وكان حافي وشعره ذا اللي تشوفون كان يابس من الوسخ .. يوم شافني خاف مني صار سارق له كندرة واحد مصلي معهم لونها اصفر وسرقها الضعيف وكفخ بها لها اللحفر بياكلها يحزبها خبزه
س6ـ لكن وش اساس المشكله بينكم ؟
ج6ـ شف ياعذيذي اساس المشكله لاول مره اقوله اليوم وهو كنت اكلمه في يوم من الا يام يوم خلصت كلامي من استهتاره طلع منديل وقعد يمسح وجهه .. وطلع من النادي ماقلت له ولا كلمه في الاخير يصرح في الصحافه انه كان يعيش في معانات واشترط لعودته اني اركب عوامه
س7 ـ طيب ماسبب مشكة ابو قذيله مع الترنجه؟
ج7ـ كلنا نعرف اللاعب الكبير الترنجه ومكانته ... لاكن هذا اللاعب اللذي لااريد ذكر اسمه لايوجد عنده احترام لاي شخص كان ... تصدق ان استهتاره وعدم اخترامه للأخرين وصل لدرجة انه في احد المباريات لعب الكوره باص للترنجه برجله اليسار منتهى الاستهتار ومنتهى عدم الاحترام ... اجتمعنا معه وطلبنا منه ان يعتذر او يقول للترمجه شمال ماتشناك لكنه رفض
س8ـ على ذكر اللا عب الكبير الترنجه وش آخر مستجدات اعتزاله ؟
ج8 ـ والله شوف احنا قررنا انا نكرمه بلعب عدد من المباريات الدوليه .. وقررنا ان نكرمه في الدلم وشقرا والحريق وتكون مبارات الاعتزال الكبرى في الحوطه ... وقررنا انا نكرمه بين خطبتي الجمعه ,,, ونستاذن من احد المدارس ونكرمه في الفسحه ... وقررنا انا نستاجر لنا مركبه فضائيه ونكرمه في المريخ جماهير الترنجه في ذاك تطالب ان يكون لها حق في اعتزاله .. وكان فيه وقت مرينا القمر وكرمناه فيه .(كل هالخرابيط والظاهر في الاخير ان مبارات اعتزاله بتصير مع سدوس
س9ـ نحن نعرف انك شاعر كبير نرجو ان تتحفنا باحد قصائدك؟
بصراحه انا ماحفضت شي ومذكرتي اللي فيها قصايدي بعيده مهيب حولي ...تعرف السرقات .... حافر لها في السور ودافنها ومبلط عليها ويالله افتك من السرقات (بصراحه ارتحت وريحت)
ليتك تترجم قصايدك للغه العربيه ؟ وفي النهايه مايسعنى الا انا نشكرك على حسن تجاوبك ونبغاك في المقابله القادمه تكلمنا عن القعيس وفاق ثمه وعن نظامهم وعن المبه الزرقا؟
ـ تراي فاضي هالحين ماعندي شي آمروا
ـــــ
بس انا ماني فاضي محتاج ارتاح بعد هالدش المنعش
ـــــــ
وكان لنا ايضا هذا اللقاء مع الدكتور مدمر اللعيبه لنساله عن اصابات الركب ووش سبب انتشارها؟
ج ـ اهلا بكم انتم واشكر ني اني اتحت هالفرصه لكم .. اما بالنسبه لموضوع الركب شف احنا عندنا نوعين من الركب ركب سود وركب بيض والموضوع كله يعتمد على نوع الركبه اذا كانت بيضى تكون سهلة الاصابه اما اذا كانت سودا فان اصابتها تكون شبه مستحيله بل مستحيله ... تعرف الوسخ يوقي ... وهذه الا صابه اللي هي اصابة الركبه منتشره في الخارج بين البنات بشكل كبير لكن عندنا هنا والله الحمد ماجتنا ولا بنت تشتكي من اصابة الركبه (ولهوب جايك منهم احد )
ـــ
وفي النهايه نشكر اخصائي الركب الشهير ونوجه له نصيحه اخويه ونقول سكر قسم النساء لانه ماله داعي . وشكرا
)))))))))))))))))))
انا مااقصد احد وانا المسؤل عن كل الكلام السابق
