رسالة موجهة الى القلوب التي اصبحت كالحجاره او أشد قسوه .
قصيدة نادم في حق والدته . أقرأها ؟ ثم تدبرها ؟ ثم حاسب نفسك بعدها
رسالة موجهة الى القلوب التي اصبحت كالحجاره او أشد قسوه .
قف معي اخي
واقراها جيدا ثم عد الى ربك وتب قبل ان يأتيك الموت وانت عاق لوالدتك
بل قبل قدمها واطلب منها العفو فوالله سوف تجد ماتطلب وفورا ومن دون مقدمات
انها سوف تعفو وتصفح عنك وابشر بعدها بكل خير ...................................
قال تعالى (( وصاحبهما في الدنيا معروفا )))
قال تعالى "وقل ربي ارحمها كما ربياني صغيراً"
يا يمّـه .. منتهي جيتك وطالب منك الغفران
أقبـّـل قاعة أقدامك وغسلها بدمعاتي
يا يمّـه .. كل مافيني يناديلك أنا ندمان
طلبتك؟.. قولي سامحتك وردي لوجهي بسماتي
أنا أدري قلبك الطيب كسرته بصدمة النكران
غلطت .. وغلطتي هذي تعير كل غلطاتي
تشوفي الشيب يا يمّـه ترى ماجا وأنا فرحان
وربي إلي رفع ذاتك ونزّل للردى ذاتي
فقدت الراحة من بعدك .. فقدت الطيبه والتحنان
بدونك .. راحتي غاية بدينك هذي راحاتي
أنا بعدك ولا حاجة أنا بعدك ترى عميان
أشوف .. ولا أشوف إلي يوريني مساواتي
أنا وسيد الشّـقى والهم من بعدك غدينا أخوان
يجيب هموم هالعالم .. ويرميها بمتاهاتي
صدقتي .. يوم قلتيلي تدين اليوم بس تندان
رميتك في بداياتي .. ورموني في نهاياتي
أنا من شالك بيده ورماك بأسفل البركان
نخيتيني .. وطلبتيني .. ولا حصلتي نخواتي
مثل ماهنتي بعيوني .. عليهم قلبي يمّـه هان
رموني وضعتهم فزعه .. وأنا الدمعات فزعاتي
يا يمّـه لا تظنيني أنا من فعلهم زعلان؟
سواتٍ فيك سويته وسوّو فيني سواتي
يا يمّـه .. يالله ظميني ودفيني بهالأحضان
أنا أدري فيك مشتاقه .. وهمك بس ملاقاتي
يا يمّـه (حيييييييل) ضميني أبي أرتاح أنا تعبان
تعبت أهرب من ذنوبي ابيك آخر مسافاتي
أبسمع منك أي كلمه .. لصوتك مسمعي ولهان
أبسمع (يمّــه) بصوتك أبذكر فيها نشواتي
أشوفك ساكته يمّـه ؟!!.. غفيتي ولا أنا غلطان؟
غفيتي يا بعد عمري؟.. تعبتي من مواساتي؟
يا يمّـه طالبك قومي .. إذا لي في عيونك شان
أشوف الموت بعيونك .. عساها تخيب هقواتي
تعالوا يا بشر شوفوا أنا محتار أنا تلفان
أنا أمّي مدري وش فيها أنا مدري أنا أحاتي
شنو ؟؟ أمّي أنا ماتت !!! لا لا.. لا ترى غلطان!!!
أنا أمّي ما تخليني على حزني ووناتي
أنا أمّي قلبها طيب ولا يمكن تبكي إنسان
أنا أمّي ما تبكيني .. ولا تتمنى آهاتي
يا يمّـه صح ما متي؟ .. وصح الموت تو ماحان؟
إذا متى أنا بعدك أبقضي وين ساعاتي..؟
يا يمّـه قومي يا يمّـه .. وقولي الموت لا ما كان
أنا جيتم وأنا ناوي أببدي فيك جناتي
تركتيني ومتي ليـه؟؟ تركتيني وأنا غرقان؟
ولا مسموح يا وليدي!! .. ولا تلعنك لعناتي!!
أنا الجاني .. وأنا المجني .. وأنا المخطي .. وأنا الندمان
وأنا بإيدي رميتك إيه .. وبعثرت أهم ملفاتي
وجيت من الهنا مفلس .. وقلبي من الضنا خسران
تركتيني على ناري أعدد فيك زلاتي
ولاني مرضيٍ ربي .. ولاني تابع الشيطان
أنا بعدك ترى مابين نهاياتي وبداياتي
يا يمّـه منتهي جيتك وكلي مرتجي غفران
المهم هذه القصيده الهدف منها انه يذكر كل واحد هل اوفى امه حقها ولا لا ....وهل امه راضيه عنه ولا لا ....
اساله كثيره تجعلك هذه القصيده تطرحها على نفسك ....
واعتقد انه اي واحد لما يقرها راح يبكي ...ولو ما كان بدمعاته راح يبكي
بدمة
اللهم ارحمهم كما ربياني صغيرا
وغفر لنا زلاتنا...واسائتنا لهم....وجعل امهتنا راضياتٍ عنا...مسامحاتٍ لنا...قابلاتٍ اعتذارنا....متجاوزاتٍ عن اخطاءنا... أمين أمين أمين
اختكم
الروووح
