سعيدان :الو السلام عليكم الاخ زاحف القاسم برنامج الاتجاه المعاكس?!؟.
رولا: عفوا اخ سعيدان معك رولا على الهوا
سعيدان: آسف آسف انا غلطان معليش
رولا: شو عم بتؤل ؟؟! ياعيب الشوم عليك ياسعديتي... هالحين مطلعة سري لكم والتنوره مابقى الا شوي وافصخها علشان تتصلون يالمشفح ...وفي الاخير تقول غلطان في الرقم
سعيدان: بما انس جبتي طاري السر انا عندي كم سؤال اخت رولا ممكن اناديس ام سر
رولا: تفضل اسال زي مابدك
سعيدان: اقول هالسر اللي كنه رمية ساكتون في طعس رمل،.. بلاستيك والا صدقي ؟؟... وكانه صدقي ليش مافيه شعر؟؟ ومن اللي قاطع سرس ؟؟...انا اشهد انه حريف (السر عندنا كنه زبيديه واليين شفته ماتصدق انه سر الا اللين حلف راعيه )(قضينا من الركب وبدينا في السر
رولا: لالا حبيبي دا طبيعي... لو سمحت يامخرج اعمل زوم على السر خل سعيدان يتاكد بعدين ياسعيدان ماعندنا الا حلالك مئدم (تامر عليه
سعيدان: مايامر عليس عدو ياام سر (مداعبه صرت امون) وبعدين ابسالس سؤال صحيح انت قبل 3سنوات خذتي ملكة جمال لبنان وكانس ماخذتها ياهالسلقه.... يعني كانس ازين وحده في لبنان اقول اثر الطرطنقي ماعنده سالفه والله يخلي لنا بنياتنا (قال من ازينكم يااهل لبنان قال هالشيفه
رولا:الو الو الو سعيدان سعيدان معليش ناخذ اتصال ثاني الخط انئطع
&&&&&&&&&&&&&&&&&&&&&&
سعيدان: الو السلام عليكم برنامج الاتجاه المعاكس
داوود : اشبك ياسعيدان معك زاحف داوود من القنات الرياضيه في ال ار تي
سعيدان: طيب اخ زاحف داوود انا غلطان في الرقم وبعدين انا ماعندي المشفره اللي تكلمون فيها هالحين بس مادري وشلون طحت فيكم وش قاعدين تسوون
داوود : احنا قاعدين نحلل مبارات الاتحاد والهلال عندك سؤال اخ سعيدان
سعيدان: انا ابسال مدني رحيمي بالنسبه لشخصية اذنين الفيل اللي تسويها من جدك انت كذا والا تستهبل وعندي سؤال للوحش وش رايك في نادي الاتحاد
داوود : انا الوحش ابجاوبك عن نادي الاتحاد انا بصراحه اقول ان اي فريق حواري احسن منه لكن الدنيا حظوظ
سعيدان: طيب كبتن الوحش انت عارف ان اصحاب المحطه هادي اتحاديين
داوود : انت اأصدك نادي الاتحاد السعودي ماتؤل كدا يراجل من اول
شوف انا من لما كنت في اللفه واول كلمه نطئتها هي الاتحاد
الاتحاد دا افضل نادي عربي وبصراحه اؤلها ان نادي الاتحاد
الحظ اللي وضعه عندكم في السعوديه والمكان الطبيعي له في
ايطاليا مع الانديه الكبار (الفلوس تحسي
الو الو الو اخ سعيدان اكيد الخط انقطع
&&&&&&&&&&&&&&&&
سعيدان: الو السلام عليكم الاخ زاحف القاسم
المطيويع: عفوا اخ سعيدان معك سليمان المطيويع (برنامج كل الرياضه
سعيدان: انا آسف اخ سليمان بس تراني اخ سليمان مااسمع صوتك ممكن تسكر الرادو اللي عندك
المطيويع: عفوا اخ سعيدان هذا الاستاذ عبدالرحمن الدهام
سعيدان: طيب قلب احجاره اللين اخلص مكلمك
المطيويع: طيب عندك سؤال اخ سعيدان للأستاذ عبدالرحمن الدهام
سعيدان: ايه عندي سؤاليين الاول : الاستاذ عبدالرحمن لك عدة مناصب هي مابين مراقب فني وامين وسكرتير ومسؤل في الاحتراف وفي لجنة الحكام ووووووو امام مسجد الرئاسه ولكن الخبر اللي ماصدقته ان الدهام في المجاهدين ؟؟؟
الثاني: هل صحيح ان فيه 7 اخوان لك في رعاية الشباب وكلهم يشبهونك؟
المطيويع: الو الو الو اخ سعيدان اكيد انقطع الخط
&&&&&&&&&&&&&&
سعيدان: الو السلام عليكم الاخ زاحف القاسم؟؟
تاج السر: داير شنو يازل معك تاج السر احمد عثمان احمد عبدالله في برنامج(زولاتنا والركب السود
سعيدان: حتى انتم بعد آسف انا غلطان في الرقم
تاج السر: يعني شنو آسف سايق عليك النبي يازول ماتسكر السماعه
وارجوك ماتكورك معانا وبعدين ايش رايك في الموظوع اللي
دايرين نتكلم عنه ارجوك ماتخط ساكت وارجوك يازول وبعدين
قول لينا ايش رايك في تلفزيونا؟؟
سعيدان: ايو يااخ تاج السر بالنسبه لموضوع الركب ملينا منه
امارايي في برامجكم
ـ مالها داعي
ـ بصراحه انا مااطق على السودان الا اللين صرت مال من اللي عندي وودي اصرفه
ـ مو حرام عليكم صرف كهرب بدون فايده؟؟
المباريات عندكم : اللين جت المبارات ماتشوف شي من الغبره يعني هالاعبين من تبدى المبارات اللين تنتهي وغبرتهم ثايره واللي قاهرني ان الجماهير مره يوقفون مره يصفقون مره يصايحون وانا فاق خشتي ما ادري عن شي . لا والمعلق منفعل ويصايح يعني متابع للمبارات انا عندي اقتراح ليش المعلق علشان نتابع معه المبارات مايعلمنا مثل الرادو يقول الكوره في المربع ثلاثه وتنتقل للمربع اربعه علشان نتابع المبارات
ـ برنامج مواهب على الطريق (ليش ماوقف لهم احد يمكن واقفين في الليل)المهم . بصراحه مواهب واختراعات مالها داعي الا كانكم تقدمونها تستهبلون ماادري ؟؟!؟. والا فيه احد يكرم ويحط له حفل وجوايز ويقابل الريس علشانه شال جلاس السيكل اللي ورى وحط بداله كرتون ولزقه بشطرطونا (ياروحي ياالاختراع
&&&&&&&&&&&&&&&&&&
سعيدان: السلام عليكم الاخ زاحف القاسم؟؟
علي: ماتقول ياقعره معك علي احمد (برنامق مايطلبه المستعمون
سعيدان: ياعزيزي انا غلطان في الرقم بس ابسالك هذا تلفزيون والا رادو؟؟
علي : هذا تلفزيون مابك ماتكوزرش هذا البرنامق على الهوا تسترجي اي اغنيه
سعيدان: وين مصطول عنكم بس وبعدين انا اطلب اغنية قديمه مره ومعجبتني هي الزيدي محفر الطين شالو به الشياطين
علي: طيب اخ سعيدان المخرق قدهو يسمعك وانشاء الله مانخسرش طلبك
سعيدان: اقول ترى الدنيا غلطات والواحد لازم يتعلم من غلطاته ويتاكدمن الرقم قبل مايتصل ومع السلامه
&&&&&&&&&&&&&&&&&&&
سعيدان: الو السلام عليكم الاخ زاحف القاسم؟؟
الالوسي: عفوا اخ سعيدان معك حمديه احمد في برنامج كوابيس
والنهرضه معانا النصاب الكبير ( الالوسي
ابوبرغش: انا داق عليكم غلط لكن هذا مايمنع اني اقول الكابوس اللي انا شفته في ليلة من الليالي يومني كنت رايح بسيارتي ومادريت الا قدامي تفتيش وانا في درج سيارتي فلم ماله داعي كاتب عليه مبارات سدوس وريال مدريد 3\0لريال مدريد المهم وقفني التفتيش والكلام هذا في مدخل الخرج ونفضو سيارتي اليين لقو ذا الفلم وجى لمي العسكري وهو ماسك الفلم بيده وانا خايف اتنافظ رحت فيها وش بينفعني الفلم هالحين به عز الله اللي رحت فيها . المهم وقف جنبي وقال هالحين سدوس لاعبه مع ريال مدريد قلت له ايه قال وانهزموا قلت ايه قال الله يعل ذا ال ار تي معاد قمنا نتابع المباريات ومعاد نعرف من اللي بيلعب عقب هالتشفير .بصراحه يوم قال الكلام هذا فرحت وقمت ادعي لصالح كامل اول مره ادعي لها القناة وقال العسكري يالحبيب عندك شغل والا لا قلت له لا قال تكفى حول معنى هنا عندنا في مركزنا فيديو خل نشوف المبارات المهم تجمعو العسكر كلهم علي ووافقت بعد اللحاح وحولت عندهم وقعدنا في مجلس عندهم فيه فيديو ونادو الضابط وكل العسكر حتى المساجين والموقفين جابوهم وانا عرقان افكر في الكفوف والا السجن ماعني وعنه قال الضابط يالله يالشيخ شغل الشريط المهم رحت لم الفديو بحط فيه الشريط وانا ادعي ان الارض تنشق وتبلعني يارب يارب يارب والله الورطه عبدك وبين يديك راجيك انك تفكه من هالورطه ومادريت الا انا مدخل الشريط في الفديو يوم حطيته قالو شغله ياله قلت لازم ارجعه من اول بصراحه هالشريط زيد انقطع الف مره وملزق عليه الف شطرطون وقلت اكيد زي العادةاللين رجعته بينقطع وكلها ثانيه الا والشريط راجع من اوله ان لله وانا اليه راجعون مهيب عادته . المهم صار ظابطهم مناهل الخرج ويشجع نادي الشعله وانتم عارفين التنافس اللي بين الشعله وسدوس . المهم قال الظابط شغل المبارات خل نتفرح ونبصط علىهزيمة نادي سدوس . المهم شغلته والدنيا تلف بي ماادري ويني فيه لكن ربك ستر طلعت المبارات لريال مدريد وسدوس فعلا الحمد لله رب العالمين بس المصيبه ان سدوس هي اللي فازت 3\0 ويوم انتهت المبارات التفت علي الظابط وقال نكدت علينا الله ينكد عليك يالكذاب هماك تقول ريال مدريد الفايز ب3\ 0وخذ ياكفوف من الظابط يوم تعب قامو العسكر كلهم يكفخون فيني المهم مادريت الا والساعه ترن قم صلاة الفجر
وش تفسير هالكابوس؟؟؟
الالوسي قبل ماافسر لك هالكابوس ابسالك وش اسم ام جيرانكم؟؟
سعيدان: مدري بس اسمع ابو جيرانا يناديها الدبشه
الالوسي: تفسير حلمك ان خالد الدحيدح بيطاقون عليه سدوس والشعله وانت اللي بتسجله في سدوس وبيلقاك واحد من مشجعي الشعله وبيكفخك
سعيدان: والله انك تروع مدامك تعرف خالد الدحيدح يالله مع السلامه
&&&&&&&&&&&&&&&&&&&&&&&&&
سعيدان: ؟؟الو السلام عليكم زاحف القاسم
زاحف القاسم: نعم نعم اهلا وسهلا اخ سعيدان وينك وين ايامك نعم
معك زاحف القاسم
سعيدان: طيب مع السلامة
