أبي مساعده ضرورية في بعض ألعاب الآر بي جي .. الله يخليكم دخلوا و ساعدوني
هاااااي :D
هذه طلبات المساعدة مالتي :
كرونو كروس : أنا الحين وصلت بعد ما تبارى سيرجي و كيد و كورشوكا مع ليونكس .. و بعد المعركة حدثت بعض الأحداث انتهت بتحول سيرجي الى ليونكس ... و تحول ليونكس الى سيرجي ... و بعدين اغمي على سيرجي و وصل لعالم غريب تعرف من خلاله على المرأة العجوز القصيرة اللي لونها أخضر .. و انضم معانا هيرل المهرج .. و رحنا لعالم سيرجي الحقيقي .. و هناك ما أعرف شنو أعمل و شنو أسوي و وين أروح .. فممكن المساعدة ؟
فاينل فانتسي 6 : أنا الحين وصلت بعد ما أخذت جميع الاسبير اللي كانوا موجودين و محتجزين في مدينة الامبراطورية ... و هناك بعد ما أخذتهم كلهم طلع لنا كيفكا المجنون و اتهم سيليز بالخيانة .. و صارت بعض الأحداث انتهت باختفاء سيليز و هروب الأبطال الى خارج المدينة و ركبوا السفينة الطائرة و رجعوا لمدينة زوزو .. و هناك تيرا استعادة وعيها و تذكرت أنها نصف اسبير و نصف انسان .. و لهذا السبب تستطيع أن تستعمل السحر و لهذا السبب تسعى ورائها الامبراطورية ... و بعد ما استعادت وعيها ركبنا السفينة الطائرة و توجهنا للمدينة اللي بدأت اللعبة بها .. و دخلنا بيت فيه ثلاث رجال .. و بعد حوار طويل بينهم انتهى بقرار أن يطلبوا المساعدة من الاسبير للوقوف معهم في حربهم ضد الامبراطورية .. و مافي أحد يقدر يطلب من الاسبير هذا الطلب الا سيليز و ذلك لأنها نصف انسانه و نصف اسبير .. فتوافق سيليز و يهمون الأبطال للذهاب الى عالم الاسبير ... و طلعوا من البيت .. و أنا الحين قاعد أحلق بالسفينة الطائرة يمين شمال ما أعرف وين أروح و شنو أعمل ... فالله يخليكم ساعدوني بليز :(
فاينل فانتسي 5 :
أنا الحين وصلت لما الطيار سيد يتعرض لحادث في المعمل و يختفي .. و هني يروحون الأبطال لمكتبة كبيرة كلها كتب و حصلنا هناك على افريت .. و هناك وجدنا حفيد الطيار سيد .. هني الملقوفه فارس الهبله قالت للولد أن جده سيد تعرض لحادث و محد يدري اذا كان عايش و لا لأ .. فيزعل الولد و يطلع من المكتبه و محد يعرف وين هو متجه و رايح .. فممكن المساعدة و تقولولي الحين شنو أعمل و لوين أروح .. و شكرا .
ليجند أوف دراجون :
أنا للحين و صارلي تقريبا عام كامل متعلق في الدسك الرابع و تحديدا في المدينة المخيسة مدينة الآلات .. أنا هناك قاتلت ثلاث أشرار عند درج .. و بعد القتال صعدت و كملت طريقي و وصلت لغرفة وجدت فيه والد دارت .. و دار حديث بينهم انتهى بهروب أبو دارت .. و الحين أنا ابي أطلع من المدينة المخيسة .. بس المشكلة ما أعرف شلووووووووون :غضب:
كلمت الروبوتات كلهم و أخذت الأرقام منهم .. و لما أروح للقطاع الرئيسي و أعطيهم الرقم يقولون لي روح للقطاع الصناعي .. و لما أروح للقطع الصناعي يقولون لي روح للقطاع الثالث .. و لما أروح للقطاع الثالث يقولي ارجع للقطاع الرئيسي .. و لما أرجع للقطاع الرئيسي و أعطيهم الرقم يقولون لي روح للقطاع الصناعي .. و لما أروح للقطع الصناعي يقولون لي روح للقطاع الثالث .. و لما أروح للقطاع الثالث يقولي ارجع للقطاع الرئيسي .. و هذه حالتي .. و الله أني مليت و طقت جبدي و كرهت شركة سوني و اليوم اللي انتجت فيه هاللعبة و اليوم اللي شريت فيه هاللعبة :غضب:
فيا نااااااس .. قولولي شلووووووووون أطلع من هالمدينة المخيسة ... و الله رااااااح أنتحر لأني يأست من الخروج من هالمدينة .. فالله يخليكم قولوا لي شنو هو الرقم اللي يخليني أطلع من هالمدينة .. شلون أطلع منها .. بليييييييييز :" :"
Threads of Fate : هاللعبة اذا ما تعرفونها هذه صورة لبطلة اللعبة http://image.com.com/gamespot/images..._screen005.jpg و هي من انتاج شركة سكوير سوفت ... و هي قمة بالروعة .. المهم خل ادخل لكم بالسالفة :
أنا الحين قاعد ألعب بمينت ... و وصلت لما اختطف البريما دول ... و رحت لبرج علشان أنقذه .. و وصلت لطابق فيه لغز صارلي سنة للحين ما أعرف أحله :" :"
و هو لغز في خمس غرف يم بعض .. كل غرفه فيها ثلاث صحون يم بعض اذا أشعلت النار في وحده منهم .. تنفتح النار في الصحن الثاني في الغرفة الثانية ... أو تنطفي النار في الصحن الآخر في الغرفة الأخرى .. و ما أعرف شنو هو الترتيب اللي لازم أعمله علشان أحل هاللغز .. و أنا صارلي الحين سنة كااااااملة أحاول أحل هاللغز بس ما أقدر ... فياريت لو تقولون لي حل هاللغز ... أو تعطوني الحل الكامل لهاللعبة سواء بالعربي أو الانجليزي .. ما يمهش .. المهم بس أحل هاللغز و أكمل هاللعبة الرائعة .. بليييييييييز الله يخليكم ساعودني بهاللعبة :" :"
و هذه مساعدات أحتاجها لبعض ألعاب الآر بي جي اللي قاعد ألعبها الحين .. و الدفعة الثانية راح أ‘طيكم ياها اذا خلصت هالألعاب .
و شكرا جزيلا مقدما للي راح يساعدني .. شكرا :)
باي باي ;)
