عرض للطباعة
السلاااااااام ..
انا رجعت .. امم اذا تتذكروني اصلا :) شاركت مرتين و بعدين قطعت فترة ..
عموما اذكركم بروحي انا عبير بنت خالة اورنج روود .. ( يعني عندها واسطة):6
و اليوم بنشر بعض من رسومي الملونة على الفوتوشوب طبعا اللي مستحيل ترقى لمستواكم لكنها محاولات بسيطة و اتنمى تعجبكم ..
و هذي رسمة ثانية ..
..:-)
wow coool
I like it>>> she's saying cause she want to see more
yeah plz
Mai
mai >>
مشكورة على التشجيع واكيد بيكون في اكثر واكثر الايام الجاية :)
thanx :)
رسومات رائعة جدا اخت عبير
ماشاء الله عليج
رجعتي وبقوة ونشاط
تلوينك فظيع
وتحبين تستخدمين الابيض كثيرا
الرسمة الاولى من اروع مايكون... الحركة واللبس والتظليل و(زلزولة:الدبة الناطة) وال... هممم؟؟؟
احم... والغريب انك لونتي الحزام باللون البني مع ان الرسمه مافيها حزام.. ههههه بس هم حلوة طالعة.
ورسمة الشلال رهيبة خاصة انك احترفتي رسوم روميكو
واستخدامك للشلال كخلفية فكرة مبدعة
وستايل الرسمة الثالثة عجيب.. حركة خطوط جميلة جدا:) كانها رسمة اعلان او كليب ارت:)
المزيد يا اختي من الرسوم المدهشة... هذه اللبؤة من تلك اللبؤة الثانية هههههههه:0)
شاهين ..
مشكور على ملاحظاتك .. و ماشالله عليك لاحظت الحزام :) ..
انا صراحه لونته بالغلط بني .. و عجبني فخليته :) حركة يزعم :):6
انشالله تشوف رسوم جديدة لاني راجعة ومشتطة ترا انتو تحملوا .. و اذا شفت مني شي غلط او عندك اي ملاحظة يا ريت تقولي...
لبؤات :) حلوة منك الحين في وحده بتتشقق علينا :) ( خلودو مب انتي شفيج معصبة )
:6
هاي عبير اشلوونش
رسوماتش حلووووووه
بس انا عاجني تلوينش اكثر تلوينش رهيب فظيعه احس انش تتفنين فيه
واااو... عبير الورد ...
الرسمات عجيبه وحلوه ... كل وحده باسلوب مختلف..
و التلوين حلو.. خصوصا في الرسمه الاخيره غير شكل طالعه..:D
عبووووووووووووووور
اخيرا عرضتي رسومج اللي لاعت جبودنا منها واحنا نجوفج تلونين فيهم... :6
هههههههههههههه بس حلوين...
بس في اول رسمة غير عن سالفة الحزام احس ان اليد قصيرة بالنسبة لطول الجسم....
بس الثالثة روووووووووعة...
لما قلتي لي عنها ما نخيلتها بتطلع جذي...
يللا حطي الباقي...
وينهم؟؟؟؟ :غضب:
wildkitty ..
شكرا على تشجيعج و الحمدلله ان الرسوم عجبتج .. التلوين والله انا احاول اني اتحسن فيه .. يعني يبيلي بعد و منكم نستفيد :)
cute nuriko .
مشكورة على كلامج و انشالله تشوفين الاحسن :) هذي بس بداية الله يستر :)
و اما انتي يا orang >>
لي معاج كلام ثاني بس مب جدام الناس :6
بس انتي اهم شي لا تحنين و بحط رسومي وحده وحده اوف منج حنانة ..:غضب:
أهلا عبير الورد :) !!
ما شاء الله, والله الرسومات في قمة الروعة !!! :)
خاصة الأولى :D
وأن شاء الله تكونين عضو فعّال بالمنتدى ;) ...
لأني كأني أول مره أشوف هالاسم :D
... وأنتظر المزيد من فنّك المتميز فعلا!!
وبالتوفيق :-)
هلا برجعتك عبير ...وبرجعت رسماتك الحلوه;-)
ويلكم باك عبير الورد و اكيد معروفه :D ((الي اعرفه عنج انج بنت خالت خلود ... بس للاسف ما سبق و شفت رسومج )) :أفكر:
و الحيييين واااااااااااااااو شفناهم :D
مااااااااا شاااااااااء الله حركات و تفنن :D هههههههه باين انج بنت بروفيشناله ((المؤنث من بروفيشنال)) بالفوتوشوب ووينج ووين التعلم مننا ?:
الاولى نفس ما قالت خلود الايدين يمكن فيهم شوية قصر ... شويه حبتين بس :D اما الرسمه على التلوين على كلو رووووووووعه ;)
الثاااااااانيه :واو: .......... >>>لاااااااااا تعليق فكره جدييييييييده و عجيبه ... مخيلتك وااااااااسعه :o
الثاااااااالثه هذي احس انها بوووووستر :D من جد عجيييييييبه ;)
و keeeeeeeeep it always like that ... :D
و يلااااا بعد بعد نبي :o
REFLEX..
هلا فيك اخوي ومشكور على الملاحظة واكيد في رسوم جديدة جاية بالطريج :)
مو مشكلة ان كان ما تذكرني المهم من اليوم ورايح ما تنسى :D
TM 13 ..
هلا فيج حبوبة .. انتي رهيبة وانا عن نفسي معجبة وايد برسمج واحب اتعرف عليج شخصيا .. :-)
TIDUS-2007
مشكور على الترحيب و انشالله تكون رسومي عجبتك ..
الفوتوشوب والله احنا علمنا روحنا عليه بروحنا ... فيعني شوي شوي ومع الممارسة والاستخدام نتحسن فيه .. :) دعواتك عاد :) ...
:0)