-
السلام عليكم ورحمة الله وبركاته
يا اخوان وش فيكم قلبتو على البوكيمون مره وحده كنه هو اللي احتل فلسطين وكنه هو السبب في تخلف العرب وكنه هو سبب كل المصايب اللي في الدنيا !!!!!!
والله انه الاطفال كانو بخير قبل لا تصدر هذي الفتوى وقبل لا تطلع هالمنشورات اللي ما نعرف من وين مصدرها .
يعني هالمفتي خلاص حل كل المشاكل اللي نعاني منها وطهر الاراضي العربيه من كل الفساد الموجود فيها ومالقا وماضل قدامه غير البوكيمون عشان يحرمه !!!!!
الاطفال كانو يشوفون البوكيمون ويلعبون بالعابه في منتها البراءه وبعد ما طلعت الفتوى وظهرة هالمنشورات(وين مصدرها ومن اللي المسؤول عنها ؟؟) سمعت الاطفال يتكلمون بكلام غريب مثل : ( الله بخيل _ لا اله الا محمد _ اعبد القمر ) !!!!!!
اتقو الله في اطفالكم يا جماعه وخافو ربكم اذا كان البوكيمون حرام مثل ما قلتو حرموه ومنعوه من التلفزيون والسوق بس لا تعلمو الاطفال اشاياء ما ندري وش عاقبتها .
ووينكم عن مؤسسة( ديزني ) اللي جاهرة بيهوديتها ومجدة تاريخ اليهود وثبتت اقدامهم على ارض فلسطين وينكم عنها يوم تنزل فلم ( برنس اوف ايجبت - امير مصر ) وهو فلم عن قصة النبي موسى مع اليهود اللي ظهر فيه اليهود كانهم هم من بنا الاهرامات وظهر فيه النبي موسى كثير الاخطاء وهم اللي يوجهونه ويصححون اخطاءه !!!! وينكم عن المشهد اللي فيه يدور حوار بالصوت والصوره بين النبي موسى والله سبحانه وتعالى ( استغر الله العظيم ).
ناهيك عن المشاهد الخليعه والمجاهره بالقمار في افلام الاطفال المقدمه من ديزني اللي نستانس ونحن نشوفهم يشاهدونها ؟؟؟
ولا عشان هالشركه فيه امراء واثرياء عرب مساهمين فيها غضيتو الطرف عنها ؟؟؟
واذا كان القمار وايد معور قلوبكم في البوكيمون وينكم عن الشركات العربيه اللي التقامر علني وتنشر اعلاناتها عن القمار في التلفزيون وفي الجرايد في اماكن الاعلانات اللي في الشوارع ومن هالشركات ( ستي لاين - وامارات كول - وبحرين كول - وقطر كول .........الخ الخ الخ ). هذا غير البرامج اللي تبث لليل مع نهار . ( ولا المفتي كان مشغول بحكاية البوكيمون وبس )!!!!!
ستهدو بالله وراجعو نفسكم يا جماعه وراح تعرفو انه في الف خطر وخطر يهددنا اكثر من البوكي مون والمصيبه انه معظم هذه الاخطار تطلع من داخل الدول العربيه .
واسف للاطاله
-
بالنسبة للبوكمون حرمت لاسباب عديدة بامكانك تسأل اي شيخ عنها وهو اعلم منك ومني ...قال تعالى
(وسئلو اهل الذكر ان كنتم لاتعلمون )
وبالنسبة لعلاقة البوكيمون بفلسطين ..يااخي كل الافات الي نشوفها ومنها البوكيمون هي المسببة بثبوط العرب عن حرب اسرائيل ..ليس كلهم طبعا ..
اما بالنسبة للحاجات التي اخطر منها فقد تكون موجودة لكن ليس كل شيء يمكن السيطرة عليه .. فالدش مثلا صدر المنع عنه بالسعودية لكن مع التهريب تغاضو عنه ضعفا للاسف ..فانظر الى مساوؤ التغاضي عنه ..دخل علينا الرقمي العاهر الداعر ...
فيجب علينا ان نربي اخواننا الصغار على حب الله والاخلاق الحميدة بجلب كل ماينفعهم كمسلسلات محمد الفاتح والاشبال ورحلة الخلود وغيرها كثير ..ليس مسلسلات تعري وفحش ..الاولاد لابسين بنطلونات ساترة والبنات لابسات قصير ..
يااخي انظر في منتدى البوكيمون اذا احدهم اعلن عن صورة قذرة كيف يتهافتون عليه طلبا لصورة ....
فاجتاث المرض من جذوره افضل من تفاقمه ...
لكنك انت للاسف لاتدافع عن البوكيمون لمافيه من فوائد انت تدافع عنه لما في غيره من مساوء يعني تتحجج بمساوء الغير ..وهذا اكبر خطأ يفعله الانسان ...
-
الى الاخ رونالد
يا حبيبي انا وجهة في موضوعي سؤال محدد ابي الرد عليه !
ليش المشايخ افتو بتحريم البوكيمون وما افتوى بتحريم اللي اخطر منه واللي انته اذا قريت المضوع راح تعرفه ............ هاه ليش ؟؟؟
واللي على قولة المثل (( ماقدر على ال............. يتشطر على البردعه ))
وبعدين انته لو قريت المضوع راح تعرف اني مش ضد تحريمه بس ضد انهم يبدؤون بتوافه الامور ويغضون الطرف عن ماهو اخطر خصوصا البلاوي اللي قاعده تطلع من عندنا ( اقصد من الدول العربيه ).
هاجو وماجو مره وحده وحرمو البوكيمون وطلعو منشورات علمت اطفالنا اشياء يعجز لساني عن النطق بها . طيب على ايش هذا كله ؟؟؟؟
قالو يهودي ! نسو انه البضايع اليهوديه مغرقه الاسواق العربيه
قالو قمار ! نسو ( او تناسو ) انه القمار مغرق قنواتنا العربيه .
ياخي انا مو مقهور من تحريم البوكيمون انا مقهور من المفتي اللي سكت عن ماهو اعظم وطلع حرته في البوكيمون !!!!!!!
عجيبه والله عجيبه
-
الصراحة معك حق ...
و الظاهر انك نسيت الانترنت و مواقعها
-
في غيرها شوف الكوكا كولا (لا محمد لا مكه ) ما حرموه
السفن أب (الله) ماحرموها
ديزني (قالو نسوي كره زجاجيه على شكل الكعبه ونضم الرسول عليه السلام إلى عائلة ديزني)
أما بوكيمون مافي شي هو ح رموه عشلنه حلال
هذا الإستنتاج بعد كل هذا الكلام
-
ههههههههههههههههههههه
يا شبا يا شباب كل الي قلتوه حرم وتحريما مشدددا لكنه لم يلاقي الانتشار الواسع الي لاقاه تحريم البوكيمون لانه على وقتها كلن ينتظر هو يحرم ولا لا ولك مشدود لهذا الخبر لان مرض البوكيمون قدر يستفحل في مجتكعنا استفحال خطير وبفتره زمنيه قصيره جدا ليس كافلام ديزني وعلى فكره لا محمد لا مكه على الكولا حرمت والدليل انكم تعرفونها فممكن تقولونلي كيف ليست محرمه اذا انت يالانسان العادي تدري انها حرام ابغى توضيح هالحاجه بس لمل مسالة ديزني الي تحاجون بها فافلام شركة ديزني حرام تحريم بائن واذا كان من هالحاجات ما حرم من مشايخنا لعدم وجود اشخاص ينقلون لهم هذه الاخبار لعدم اهميتها فمستحيل على عالم دين يشوف افلام ديزني ههههههه لكن افلام ديزني حرمت وابغى افهم بس ليش تحبون البوكيمون لهالدرجه يعني لهالدرجه وصل استفحال مرض البوكيمون فينا :؟ ايه على فكره حرم البوكيمون لما يحمل من افكار هدامه وتشجيعه للقمار والانانيه ونظرية التطور الي نشرتها بين الاطفال ونرجع للديزني فقد تغاضت وزارة الاعلام عنه زي الكولا والسفن أب لعدم اهميته (او الواسطه)مع اني ارشح السبب الثاني اكثر لان السالفه مهمه ولا ايش :؟
-
يا اخ اي مان
ممكن تجيبلي اسم شيخ واحد حرم واصدر فتوى افلام او العاب ديزني ؟
او جيبلي اسم شيخ واحد افتى بتحريم هذي المشروبات الغازيه او القمار اللي منتشر في الدول العربيه ؟
نحن نريد نستند الى ادله ( مش كلام وبس ).
-
يا حبيب العلماء أدرى مني ومنك في اللي يضر في المجتمع واحمد ربك ان فيه ناس تهمهم مصلحتك ، بعدين يكفي انها مترفه للمال ، أجل تصل الدرجه ان الواحد يدفع 6000 دولار علشان يشتري بطاقات البوكيمون النادره أي ترف هذا ، طبعا هذا غير القمار الحين المجتمع قاعد يحارب القمار بين الكبار في امور متعدده ، وفي النهايه يزيد الطين بله ويكملونها البزران
وبعدين كلامك عن بعض أفلام ديزني المنحطه اصلا هالأفلام منعت في البلاد قبل ما تصدر
وانت ما شفت بعينك كيف الأطفال مفتونين بهالشخصيات لدرجة ان الواحد فيهم يتوقع أن العالم ما راح يعيش بدون بوكيمون وأعتقد انك قريت عن الطفلين اللي في تركيا وكيف صار لهم عاهات مستديمه بسبب البوكيمون وهو انهم طلعوا فوق سطح بيتهم بزعمهم انهم بيطيرون مثل هالشخصيات السخيفه وقفزوا من فوق وكان هذا سبب قوي لمنع البوكيمون في تلك البلاد ، بعدين كلامك عن ان الأطفال يقولون ألفاظ تهين الرب (تعالى الله ) هذا إن دل فإنما يدل على التربيه السيئه اللي تجعل هالطفل يصل في حبه لهذه الشخصيات لدرجة إهانته لدينه
وانا أعرف صديق يمتلك محل ألعب فيديو يقول ان فيه أطفال يقامرون عند الأسواق حتى يصل المبلغ إلى 2000 ريال ، يعني لو ان هالطفل بدال ما يدفع هالمبلغ ما كان افضل له أن هالمبلغ يكون بين يدي طفل فلسطيني يواجه الموت والجوع كل يوم وانت قاعد بين اهلك بكل اطمئنان وتضيع وقتك في هالتفاهه إذا كان كلامك عن أنها سبب ضياع فلسطين
وفي النهايه يا عزيزي العلماء هم ادرى بما ينفع المسلمين وما يضرهم وانت لست بموضع الشخص الذي يصدر أحكامه ورأيه عن هؤلاء وكلامك عن أثرياء العرب وغيرهم يقول الرسول صلى الله عليه وسلم ( من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان )
يعني في نظرك إما اننا نترك الشر او نمسحه كله يعني الواحد ما يطلع بأقل الخسائر
-
وش دخل تركيا ( بلد العلامنيه - بلد الا حجاب ) في موضوعنا ترا اذا منعة البوكيمون فالسبب هو الحادثه اللي صارت للطفلين يعني السبب ماهو ديني .
وبعدين من قالك اني تكلمت عن بعض افلام ديزني انا تكلمت عن كل افلام هالمؤسسه اللي اعتبرها يهوديه بكل المعايير واللي 45 % من نسبة ارباحها تعود الى رجال اعمال يهود منهم 20 % داخل اسراءيل .
وبعض الافلام اللي منعة منعتها الرقابه ( يعني وزارة الاعلام ) لكن ماتجرء اي مفتي او اي شيخ بتحريم اي شي يخص مؤسسة ديزني .
اما عن فلسطين وانها محتاجه فيكفي انه مجموع التبرعات اللي طلعت من الامارات والسعوديه بسسسسسس وصلة لما يناهز ال450 مليون دولار هذا غير المواد الغذاءيه وغير التبرعات اللي جات من الدول الثانيه .
يا حبيبنا فلسطين محتاجه لرجال اكثر من ماهي محتاجه لفلوس على قولتك (محتاجه رجل دين يعلن الجهاد لكل مقتدر مش يحرم البوكيمون وغيره ).
وبعدين اذا الاطفال يتعلمو القمار من البوكيمون روح شوف الشباب الكبار كيف يقامرون علنا مع الشركات اللي تنزل ارقام تلفوناتها في الجرايد والتلفزيونات تحت شعار ( بمكالمة تلفون اربح مليون ) وينه هالمفتي عن هالشركات هذي !!!!
ورجع اقولك انا مش ضد تحريم البوكيمون بس انا اشوف انها شغله تضحك انك تمنع البوكيمون الياباني بينما فيه الف بوكيمون عربي لازم نخاف منه .
-
و الله أنا معك يا R.B.G مليون %
يعنى ليش المشايخ مثلا" ما حرموا لعبة
مورتال كومبات يللي هي عبارة
عن تجسيد للأسطورة اليونانية الإلياذا
و التي تدعي بأن لكل شيء إلاه خاص به
و هذا نراه جليا" في مورتال كومبات
يعني رايدن إلاه الرعد و فوجين إلاه الريح ......... إلخ
و بعدين ( و مع كل إحترامي للمشايخ الصادقين ) لم يعد
كلام جميع المشايخ أهلا" للثقة إنتو ما سمعتو إن أحد المشايخ
( لن أذكر إسمه ) حلل الربا ؟؟؟؟؟؟؟؟؟
و بعدين والله في أشياء أهم من هاذي التفاهة
يعني خلاص فلسطين رجعت للمسلمين
والجولان إتحرر و زالت إسرائيل عن الوجود ........... إلخ
و الله يا ناس في سوالف أهم من سخافة البوكيمون ................
و شكرا"
-
يا أخ ار بي جي أنت تقول أن المشايخ ما أصدروا فتوى على شركات القمار والله كلا م غريب من متى تصدر فتاوى عل الأمور التي فيها نص صريح من القران
قال تعالى :(يا أيها الذين امنوا انما الخمر والميسر و الأنصاب والأزلام رجس من عمل الشيطان فاجتنبوه لعلكم تفلحون)
وبعدين مين قالك أنها مسألة تافهة الاف الريالات تذهب يومياً بسبب بطاقات نادرة
وبعدين البوكيمون يعلق قلوب الأطفال بغير الله ولما يكبرون راح تتم العلاقة وبعاذا يكون القلب بعيد عن الله...........
للتواصل عبر المسنجرtalal757@hotmail.com
-
والله ان امركم عجيب نقول تيس يقولون احلبوه ؟؟؟
يا جماعة اصلا القمار الله محرمه بجميع اشكاله و الرسول عليه الصلاة و السلام قال فيما معناه ان اهون الربا(القمار) -مهما صغر نوعه- لهو اشد من 100 زنية !!!يعني لو تزني 100 مرة اخف من انك تقامر او ترابي !!!
و بعدين يجي واحد و يقول ديزني !!! لعلمك اذا كنت من السعودية ديزني الكل يعرف انها محرمة و والت ديزني يهودي بن يهودي و معروف ان منتجات شركته اليهودية حرام و كذلك في منشورات قديمة تحرمه !!!
امااللي يقول ان مورتال كومبات حرام الحين مورتال كومبات له كروت ؟؟؟ هل هو منتشر بين الاطفال زي البوكمون؟؟؟
و بعدين اللي تقول عنه انه شيخ و احل الربا فهذا اصلا ما يستاهل انك تقول عليه شيخ لانه احل ما حرم الله يعني كافر !!!
-
-
الى الاخ طلال والاخ عماد
طيب نحن كلنا نعرف انه القمار محرم وله نص شرعي في القران بس اللي استغرب منه !!!!!!
انه السبب الاساسي لتحريم البوكيمون هو القمار !!!!! مع انه النص واضح والالدليل واضح .
يعني اذا هم حرمو البوكيمون بسبب القمار ( كسبب رئيسي ) خلهم يحرمون باقي
شركات القمار لنفس السبب .
ويا اخ عماد انا لما اتكلم اتكلم بلسان عربي مو بلسان سعودي او مصري او قطري ( فاهم علي ) ولما انته عارف انه مؤسسة ديزني مؤسسه يهوديه بحته اسال نفسك ليش ما قام العلماء وحرموها وعملو بلبله عليها زي البوكيمون ( اعدو االاول للعرب ).
ورد اقول في للمره الالف انا مو ضد تحريم البوكيمون بس فتحو عينكم وراح تلقون اشياء اخطر بكثيييييييييييييييييييير من البوكيمون وللحين محد تجرء ومنعها او حرمها .
-
بس شركات القمار معترفة بالقمار أما البوكيمون اذا ما أصدروا فيه فتوى يطلعون لك ناس يقولون لعبة أطفال ايش القمار فيها
وبعدين البوكيمون انتشرت بطريقة مخيفة خلت الناس يتحركون ولو ماوضعوا حد للبوكيمون كان الأطفال أدمنوا القمار والأطفال بيكبرون وبيصيرون رجال الأمة و خوش رجال الي مدمنين القمار وين راح يجي عز المسلمين؟?:
لا تنسى أن ديزني نزلت فيه فتوى لاكن ما انتشرت زي البوكيمون لأنه أخطر ولا تنسى أن ديزني لها عشرات السنوات و البوكيمون سنتين (عند العرب)لاكن الحين البوكيمون أشهر.................والسلام
