الهكر اذا ماكان مثل عبدالله الفريّح ماهو هكر
هذا الكلام منقول من شخص عزيز وغالي وأسمة /عبدالعزيز الخالدي مشغّل مقاسم مدينة الملك عبدالعزيز
بالمنطقه الشماليه
وتري جميع الحقوق محفوظة
الكلام على لسان الاخوا الغاااااااااالي
اللي قفل مدينة الملك عبدالعزيز اسبوع وحنا نتفرج ماقدرنا على شي
اي والله
تصدقون وتامنون بالله
انا اقولكم كيف بدت السالفه؟؟؟
كان مستلم واحد من اخويانا ... وكان المقسم يتعرّض لضرب وموجات
اتصل علينا وبلّغنا وبلغ المسؤول عن المقسم
ورحنا ... وبدينا بشغلنا بس ماقدرنا نحدد الآي بي
ويبدو انه متصل عن طريق اقمار اصطناعيه
المهم هاك اليوم وقفت على هالشي
بعدها بثلاث ايام جو مهندسين من الرياض ... على اساس يعاقبونا عن
التقصير بالعمل مع اننا ماقصرنا لأن هذي أمانة بس ماكان بيدنا شي
وعملوا اجتماع كلينا به تهزئ :غضب: :غضب: :غضب:
وطلعت انا للبيت وماداومت بعدها بيوم
جاني اتصال بعد يومين
يقولون المقسم يجيه ظرب
وتواجدنا كلنا والمهندسين اللي من الرياض موجودين
اللي عاملين فيها فاهين
وصار نفس الكلام اللي قبله
رحت ابي اعمل هلتد للنظام على شان مايتم الإختراق
قالو لا ماراح يقدر يخترق قلت ياناس الرجال اخترق وخلص
بس خلونا نلحق المقسم قبل يعلّق
ورفضو وطبعا فيه ناس مسؤولين عني ومااقدر اخالف رايهم
المهم كلها خمس دقايق الا علّقت مقاسمنا
وطلعت رسالة الإختراق تم الإختراق من قبل
عبدالله الفريّح
وظل هالإختراق مدة اسبوع
وتصدق الرجال طلع من طيبه ومن حاله ماعملو ولا شي
أنا حنا سالته
س1/طيب وش يعني يقدر يسوي؟؟؟
جـ1/اللي سوا هذي يقدر يسوي كل شي
هذي الاجابة سكتتني والله ما قدرت اتكلم بعدها
س2/وليش يسوي هذا الشي
جـ2/ماعندي اي فكره
س3/طيب الكلام هذا بتاريخ كم او يعني بالتحديد؟؟؟؟
جـ3/قبل ثلاث اسابيع من اليوم
:cool: :cool: :cool: :cool: :cool:
وش رايك إلحين
الهكر اذا ماكان مثل عبدالله الفريّح ماهو هكر
وتري جميع الحقوق محفوظة
عند الرغبة في النشر يرجي كتابة من أين نقلت ومن الكاتب وعلى لسان من
:-) :-) :-) :-) :-)
