ملحط مع فرقة سامري

هذي القصه يحكيها لكم ملحط مستنزل

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــ

ليلة سامري في حضرت زواج واحد من الجماعة .. وبداء السامري وبصراحة أعجبت بالطق والرقص وقررت أني ارقص في أي مناسبة أو طق سامري قادم .. وجاءت الفرصة عندما جاءني زميل اسمه مبارك <<< أكيد مبارك .. واحد بيروح لسامري وش تبي يصير اسمه بعد .. لؤي يعني ؟؟؟!!!!
المهم كلمني مبارك وقال ابمرك الليلة فيه لعب سامري يحبه قلبك .. قلت ترى انا ودي ارقص زيران وش المطلوب .. قال مبارك : المطلوب خاتم فصه اسود كبير .وعقال متين مشبك .. وحط في مخباك كسرتين عود اصلي .. وطلع براطمك قدام شوي وبس .. ولين أعجبتك أي أغنيه قم ارقص .. قلت اوكي . ورحنا للسامري .. وبداء الطق واللعب وكل قام يرقص ويدور .. وأنا مطلع براطمي قدام حسب التعليمات .. وجاءت اللحظة الحاسمة .. واصرخ في محلي .. امبررررررررررررر – وااااااااو – هييييييييييييه .. والله ويبعدون عني اللي جنبي .. يحسبون الدعوى صدق .. وأقوم ارقص والصراحة ما ني اعرف مثلهم ..وحست ابو نظامهم .. مرات ارقص مصري ، على حبه ونصف .. ومر دبكه سوريه .. ومر انطط رقص زيود ههههههه المهم اني ما قدرت الحق عليهم .. واثناء الرقص مرت الأحداث التاليه
1-كان علي كنادر ..ووطيت إصبع واحد من اللي يطقون الطيران ولحقني ودحجني في ظهري
وقال فتح عيونك عساك العماء .. قلت له وأنا ارقص : اوكي
2) لمحت واحد مشبك يديه .. واجيه اضرب يديه .. قلت بصوت مرتفع ((( لالالالا تشبّك ))) انا افكره من كبره واقف ,, اثره كان جالس .. ما دريت الا انا ارتفع ,, لين دليت اشوف الناس وكني اطل من الفيصليه .. اثر الرجال رفعني بيد وحده ورماني في وسط اللي يلعبون .. وقمت وتنفضت وبديت ارقص مره ثانيه بس على جنب .. كني صارور مبخوخ بفليت . واواصل الرقص
3) فيه واحد جنبي فيه زيران على مستوى .. اخذ من المدخن جمر وحطها في فمه وطلعها كسرة عود كمبودي .. قربت منه وقلت : انا معي عود اصلي .. وش رايك تاكل انت الجمر وانا اطلع لك عود .. قال انا ما تفارق عني دخلت الجمر في عيونك .
4- رحت لواحد جالس وصرخت عليه : امبررررر .. قم تسبّح .. قال طيب .. وقام وجاب سطل مليان ماء وسبحني به قدام الله وخلقه .. كل قام يضحك .. بعدها حسيت ان زيراني تهزءت كثير .. قلت اجل لازم احط النهايه .. واشيل بجسمي فوق اخبط به . واطيح . وجاني زعيم السامري .. وقال وش غناتك حتى نسريك .. الصراحه هذي ما حسبت حسابها ..
قلت : هااااااه ..
قال غناتك ويش هي .
قلت : الصراحه غناتي المفضله ..( اروح لمين ) لام كلثوم .
يوم والله بدت مناخره تشكل في الانفتاح والانغلاق . من الحمق كنها جناحين فراشه ..قال انت تبي ( تروح لمين ) اجل اصبر .. والله وحط رجله في مكان ما .. وهو الين منطقه في ظهري وارجفني ذيك الرجفه اللي ما ادري وشلون طمرت ها الناس اللي تتفرج وقال اوريك وين ( تروح لمين ) ولا وقفت الا في بيتنا .. وها الحين ودي اسألكم يا جماعه .
اروح لمين ؟؟؟؟؟؟؟؟؟؟؟؟؟ ههههههههههههههههههههههههه