مواقف طريفه حدثت ليوسف الثنيان
اولا احب اقول لكم هذا الموضوع مو انا اللى كاتبة انما انا الموضوع انا ناقلة من موقع لانى شفت الموضوع اعجبنى قلت خلينى اضعة فى هذا المنتدى
وعلى فكرة انا نصرواى لااحد يفكر انى منزل هذا الموضوع علشانى هلالي
==========================================
مواقف طريفة ليوسف الثنيان
يوسف الثنيان له صديق قريب غلى قلبه أسمه إبراهيم القصيمي (إداري
نادي الرياض السابق ) إبراهيم يحب أبو يعقوب حبا جما.. قام الأستاذ
الحكير بوضع إبراهيم القصيمي ضمن الجهاز الإداري لنادي الرياض .. وفي
أحد مباريات الهلال والرياض مررت كرة ماكره للثنيان فأحرز منهاهدفا
جميلا فأنطلق يجري بأتجاه إحتياطي الرياض وبالضبط في أتجاه القصيمي
ولم يكذب إبراهيم خبرا.إذ قفز فرحا وأحتضن الثنيان ومن يومهاوإبراهيم
القصيمي خارج نادي الرياض
___________________________________________________________________________________
المعروف عن الثنيان عدم مقدرته على حغظ أسماء زملائه اللآعبين بسهوله
وفي البدايه ظن زملائه أنه كان ( يستهبل ) لكن مع مرور الوقت أقتنع
اللآعبون بأن هذه المسأله حقيقيه ولا تقبل الشك .. حتى أثناء
المباريات عندما يريد الكره يضطر أن ينادي زميله بغير أسمه ولم يصدف
أن تمر المباراة دون أن بنادي يوسف نصف زملائه بأسماء من بنات أفكاره
والمعروف عن النمر الآسيوي أنه إذا تضايق ولم يتذكر أسم اللآعب ناداه
بأسم (( أبو عبدالمجيد )
____________________________________________________________________________________
هذا الموقف وقعت مع لاعب نصراوي لإول مره يلعب أساسيا.. ومن سوء حظه أن
مدربه كلفه بمراقبة الثنيان ( وأنتم تعرفون حوسة أي واحديكلف بمراقبة
يوسف الثنيان )المهم حاول هذا اللآعب بشتى الطرق القانونيه
واللآقانونيه الحد من خطورة النمر لكن بلا فائده وأخذ يتفلت منه يوسف
كما الشعر من العجين والجماهير تزداد هياجا.. حاول يوسف أن يهديء من
روع اللآعب ونصحه بعدم إستخدام الخشونه ..لكن لافائده
وفي أحد المرات تجاوز الثنيان هذا اللآعب بحركه ماهره لا تخطرعلى البال
مما سبب سقوط اللآعب فقام يوسف بتمرير الكره للآعب هلالي آخر وعاد إلى
اللآعب وهو ساقط على الأرض فقال له أقول أخوي الظاهر إنك أول مره
تشوف الثنيان على الطبيع
__________________________________________________________________________________
يوسف يكره محاضرات المدربين ويكره أن يعسكر وخصوصا إذا كان المعسكر
في مدينة الرياض لأن ( الأهل جنب النادي ) ويوسف لم يقتنع تماما بمسألة
الإنضباط المفروض بل يجب أن ينضبط اللآعب من شعوره الداخلي وقناعته.
المهم الذي حصل أن أبو يعقوب أستغل إنشغال النادي بمحاضره المدرب
فتسلل هارباإلى منزله .. ولكن القدر لم يمهله .. ولم يتمكن من
الإبتعاد عن جدران النادي وبينما هو في طريقه إلى البيت إذا بأحد
المتهورين يصدم سيارته فأضطر يوسف للعوده إلى زملائه اللآعبين لطلب
الإسعاف ... سلامتك ( من الآه
___________________________________________________________________________________
كان في مباراة بين الهلال والنصر وفي ذيك المباراة ابدع يوسف ايما ابداع ( مثل عوايده) مما اجبر التلفزيون على اجراء لقاء معه بعد المباراة وساله المذيع وش كانت اوامر المدرب؟؟ والظاهر ان يوسف كان مسرّح قاعد يلخبط كلام ودخل المذيع في متاهات ويوم ركز شوي بالكلام اللي يقوله قال للمذيع بعفوية : كيف الحال؟
__________________________________________________________________________________
حضرت أحد التمارين انا وقريب لي وعندما صلينا كان قريبي يصلي بجنب الثنيان يوم سلم الامام:
ألتفت الثنيان على قريبي وقال له:
أحلى صلى بجنب الثنيان
__________________________________________________________________________________
في أحد مباريات الهلال ضد التعاون كان الظهير الأيسر للتعاون متحمس
مررررررررررة وفي احدى الكور الثنيانية الشهيرة قام الثنيان بتجاوز اللاعب زي السلام عليكم ، وأخينا بالله الظهير الأيسر انسدح على الأرض ورفض القيام.
تدرون ليش
أنشق سرواله
__________________________________________________________________________________
موقف اخر : في أحد مباريات المنتخب المهمة والمهمة جدا وحاسمة في نفس الوقت وللأسف انهزم المنتخب واللاعبين متضايقين لأخر درجوة ومو طليقين يكلمهم أحد ويوسف معروف عنه أنه بنسى كل شئ بعد المباراة المهم أبو يعقوب طالع من الملعب ولا عللى باله وصدفة يلاقي قدامة المسيكين خالد مسعد وهو جالس يصيح وبسرعة بديهته المعروفة يوسف مسك راس مسعد وقاله : ياخي قم حنا السعوديين ما صحنا تصيح أنت
__________________________________________________________________________________
في احدى معسكرات المنتخب ( منذ مبطئ) كتب يوسف لوحة على باب غرفته يقول فيها ممنوع دخول العبيد .. جاه احمد جميل وقال له : ما يصير يا ابو يعقوب الكلام الي انت كاتبه واحنا كلنا عبيد لله .. حس ابو يعقوب ان ابو جميل زعل .. وطبعا يوسف حساااااس قام شال الوحة وحط بدالها
ممنوع دخول العبيد الا احمد جميل
___________________________________________________________________________________
في احدى معسكرات المنتخب كان فهد الهريفي من الملتزمين في تلك الفترة .. وكان يحرص على انه ( يصحي ) المعسكر كله لصلات الفجر .. وفي احدى المرات اتى الهريفي عشان ( يقوم) ابو يعقوب .. ويوسف اظاهر انه ما نام الا متاخر .. فلما بداء فهد يقوم الشباب للصلاة .. ووصل الى ابو يعقوب .. وابو يعقوب مطنش.. وفهد مصر على انه يقوم .. قام ابو يعقوب وقاله يافهد ما بزيناك وانت ....!!! نبزاك وانت مطوع
___________________________________________________________________________________
واحد من الشباب يحلفلي انه شايف ابو يعقوب بالفياقرا حقته المهم لحقه وكانت الساعة 8 الصبح ووقف جمبه ماسكتهم الاشارة المهم انه اشر لأبو يعقوب يعني افتح القزازه . ابو يعقوب فتح القزازه وسلام عليكم عليكم السلام كيف الحال مشتاقين لك ومن هالامور ..
الشاهد يحلف خويي ان يوسف كان لابس فنيله اديداس زرقاء وكانت الورقة حقت السعر لا لحين ملزقة على كتفه .......
__________________________________________________________________________________
وهذا موقف ثاني اذكره لي ابويعقوب. بعد التأهل لكاس العالم 98 في الباص المخصص لنقل المنتخب كان التلفزيون يقوم باستطلاع اراء لاعبي المنتخب عن هذا الانجاز ولمين يهدون هذا الانجاز. المهم كل الاعيبه اهدو الانجاز للحكومه الرشيده وللجمهور السعودي الين ما جا الدور لزليخه سعيد قال اهدي الانجاز لأمي. بعدها جا دور ابويعقوب وسألوه لمين تهدي الأنجاز فقال ابويعقوب اهديه لأم سعيد العويران looool !!! منسسسسم والله ابويعقوب.
__________________________________________________________________________________
مره في أحدتمارين الهلال ويومهاكان سعود الحماد الله يذكره بالخير هو هداف الفريق وكان سعودمايعرف يلعب الكوره برجله , كل كوره تجيه يلعبها براسه ... وفي الأستراحه بعد التمرين قال يوسف لسعود ......
سعود.... ورى ما تلبس براسك جزمه
___________________________________________________________________________________
في تصفيات مربع غرب اسيا والي اقيمت في لبنان..
كان تذكرون الملعب الي اقيمت علي التصفيات كان سيء جدا وكله حفر
وحالته حاله وزراعته الله بالخير ... عاد بعد حدى المباريات سأل احد المراسلين ابو يعقوب عن رايه بالملعب ؟
قال ابو يعقوب الصراحه انااول مره اشوف ملعب مزروع نعناع !!!!!!
____________________________________________________________________________________
كان يجي لبيتنا اخصائي العلاج الطبيعي للمنتخب يسوي علاجات طبيعيه لأخوي المهم قاعد يقصلنا عن ابو يعقوب يقول انه مره انكسر في التمارين وودوه لغرفة العلاج الطبيعي وساله الاخصائي قال وش تبي قال ابو يعقوب ابي خبزه فيها جبن وبيض
___________________________________________________________________________________
كانت فيه مباراة الهلال والنصر وكانت هجمه للهلال ولاعب من لاعيبة النصر يقول لاحمد جهوي امسك الثنيان وقال ابو يعقوب الله واكبر اول تسمعون فيه والحين تمسكونه.
___________________________________________________________________________________
مرة في أحد معسكرات المنتخب في الرياض كان
يوسف في غرفة وحدة مع وليد الطرير
(إن لم تخوني الذاكرة) وكان وليد نايم
ويوسف صاحي .... المهم إن يوسف يبي يطلع
من المعسكر وما سكه معه أنه يأخذ سيارة
وليد الطرير(بالرغم من أن سيارته موجوده
في المواقف ويقدر يروح عليها )
المهم إن يوسف لقى مفتاح سيارة وليد في
الغرفة ..... يوسف أخذ المفتاح وركب سيارة
وليد وراح برى المعسكر!!!!!!!
المهم بعد فترة صحى وليد من النوم
(ويوسف برى المعسكر ومعه سيارة وليد )
وليد بعد ما صحى راح للمواقف يبي سيارته
ما لقاها؟؟؟؟؟
راح للإستقبال يسأل عن سيارته اللي ما يدري وينها
......... المهم
الاعبين عارفين وين السيارة وشافوا وليد (رايح فيها
ومختبص ) قالوا لوليد:: السيارة مع يوسف الثنيان
وطلع فيها برى المعسكر................
وليد الطرير وصلت درجة حرارته 180درجه من القهر
والسبب(ليش يوسف يأخذ السيارة وسيارته موجودة)؟؟؟
وبعد الحركه اللي سواها يوسف في وليد .......
لازم وليد يردها له (توقعوا وش سوى وليد؟؟؟؟)
راح لسيارة يوسف ونسم كفرات السيارة كلها عقاب
ليوسف!!!!!!!!!!! والاعبين متجمعين حول (وليد وسيارة يوسف)
وجالسين يضحكون بقوة
وبينما هم على هالوضع المضحك جاء (يوسف لمواقف المعسكر
على سيارة وليد طبعا)
ولقى كل الاعبين متجمعين عند سيارته .... راح يبي يشوف
وش القصة؟؟؟؟؟؟؟
( طالع في الاعبين يضحكون وطالع في وليد الطرير مقهور
ومعصب وطالع في سيارته لقى الكفرات منسمات على الآخر)
طبعا يوسف برمج الوضع في مخه واكتشف القصه كلها
بنظرات فقط!!!!!
قال وليد الطرير وهو معصب:::::
ليش تأخذ سيارتي يا يوسف؟؟؟؟؟
قال يوسف (بذكاء وسرعة بديهه شديدين): لقيت كفرات
سيارتي منسمات جيت أخذت سيارتك(هاهاها )
ثم أخذ جميع الاعبين في الضحك الشديد جدا من ضمنهم
وليد ويوسف .....هاهاهاهاهاهاهاهاهاها
وهذا دليل على ذكاء يوسف وسرعة بديهته
