أيام المراهقة الله يا زين ايام المراهقه...ياربييييهليتها ترجع.....ليتني اعشق بالريوس وارجعها وليه هايلكس على غفله ايام المراهقه وسنينها والذكرى اللي ما تنمحي ابد...تبقى بالذاكره الين يشيب الواحد وهو يذكرها ويذكر مواقفها ويمكن يتذكرها لما يجيه عيال...كخخخخخ واللي ما يجيه عيال وشلون يتذكرها يا مصرقع؟...عادي اللي ما يجيه عيال ربنا يتولاه كخخخخخ وماله داعي يتذكرها... المراهقه ثلاثة انواع.....مراهقه هاديه ومراهقه متوسطه ومراهقه شيطانيه انا كنت مراهق من النوع المتوسط يا كثر ما نخطي ونخمل لكن ما احد يكتشف شئ منورانا...الوالد الله يطول بعمره ما غير يمدح ويقول ولدي وسنايدي وطير شلوى يحسب اني عاقل وانا من جنبها....والله لو يدري وش كنا نسوي تسان ما كان يقول الا يا سمرمدي يا داج يا خبل يا قاطع الجاده....كخخخخخخخ ووالدتي الله يطول بعمرها كانت تقول له لاتمدحه كثير هذا عقرب طين يقرص ولا يبين ...وكانت تشك فيني وتتدري ان العقاله بصوب ووليدها بصوب ثاني... لما دخلت الثانويه احسب ان التتن مرجله ومتطلب اجباري في مادة الحياة(وين قاعد في تسجيل الجامعه وتسجل ماده اختياريه )..كان لي رفيق داج وساقط في ثالث ثانوي سبع سنين وكان يقولي انت ورى ما تدخن يا مصرقع كنت اقوله اصبر شوي لين يبدى يخط الشنب ههههههه واسقط لي كم سنه علشان اصير عربجي هههههه...وطبعا اقدميه..كنت ما اسمع الا عبدالله السالم..وسالم الحويل...وحمد الطيار...وبدر الغريب هههههه يا زينهم ويا زين فنهم ...ولا ما احس اني رجال الين اجي متاخر الحصه الاولى تدرون ليه علشان ما اصف في الطابور لانه في نظر العرابجه ما يصف فيه الا الجحلط...اما حنا فلازم يرزعونا ثلاث حصص يعني حتى لو حنا حاظرين ....مثل قلتها لاني ابطق اللثمه وابن امه من المدرسين يقرب لمي ههههه لاني ابشخر.... بدات اطالب بالسياره وانواع الجحود من الوالد..يالطيب يالحبيب ابي سياره....وهو يقول انقلع عن وجهي والله لو تشم اصابع رجلك ما عطيتك اياها.....يقول انت توك بزر.....ابوك يالولد انا بزر....اييييه ارتكب جريمه كبرى في حق مراهق ههههههه...هين دواك عندي....اروح افشش كفرات سيارته ولا اروح واكتب على جدار البيت برشاش اسود كخخخخخخخخخ...علشان ما يقول عني بزر كخخخخخخخخخ جت الساعه اللي خلت مراهقة هالعربجي تنقلب وتصير مراهقه رومنسيه ايه رومنسيه وحالمه كنت امشي على رجولي رايح للمدرسه (ليه احد قايل لك تمشي على يديك ) وطبعا متسكب وطاق بنت البكار عند اهل الشرقيه يسمونها الشرينبوا ..والنعال تكرمون زبيريه من النوع الممتاز حق الهواش مجرد ما تضرب فيها احد بيودونه للانعاش ويمكن يعيش ...ولا ومن زود الوسامه فاتح الصدر اللي الحبوب متقاطه مع الجبهه علشان يملونها...والحبوب اللي في الجبهه عندي تقول للحبوب اللي في صدري وحشتوني وحشتوني وجيت اسال اسال واظن اني على بالك كخخخخخخخ....وطبعا الكتب على يدي مافيهم ولا كتاب صاحي الجلد حقتهم كنت امزع من الكتب وانقش فيها سنوني كخخخخخخخ...بس وحياتكم كنت وسيم من غير حرف الواو ... المهم الجحلوطي خويي عطاني ركبه هذا اللي خلاني امشي...المهم وانا ماشي وعقب ما طقيتها مسافه كعابي...مريت من عند اك البنت المملوحه اللي تنتظر الباص...وانا مار سمعت ضحكتها الساحره ضحكت الاعجاب فيني ( صدقتك مرة بالحيل )...والتفت عليها وحطيت يدي على شنبي وقعدت العب فيه وانا احرك حواجبي علشان اوريها ان نظرت مصرقع من امامك والحب من خلفك (اخس يالذيب)...المهم سحرتني وقعدت قبالها اسوي نفسي ان كتبي طايحه وانا قاعد القطها..واعطيها اك الابتسامه الساحره طبعا ضروسي في ذاك الوقت كانوا يلعبون كوره وحده ورى ووحده قدام ..وما كنت اشوف الا سنان يا سنان لانه يشبهني اطخم بس ضروسه رايحتا فيها ...وانا اتميلح الا خويي الجحلوطي يطنب لي هرن وطبعا يطنب يعني يضرب لي بوري علشان يعلمن انه وصل وان مشوار مسيرتي المظفره قد انتهى وانا قاعد ادعي عليه واقول الله لايوفقك يالخبل وش جابك في هالوقت خلني اكمل تميلح قدام البنت ومن لحظتها ودعت العربجه الى غير رجعه وبدات رومنسياتي هههههه ركبت مع الخبل خويي وكنا نسميه ابو ركبه لان ركبته طويله وكان من طولها يطلعها مع فتحت الكرسيدا كخخخخخخخخخ قال لي وش عندك مطيح كتبت وواقف قدام البنت التفت عليها وانا اصمخه بكتاب الاحياء لانه كان اثقلهم وقلت وش ماخرك يا السمرمدي قال لي راحت علي نومه.....حسيت في ذيك اللحظه ان مافيه الا خويي الخبل اعلمه بان قلبي بدا ينبض كخخخخخخخ قلت له يا ولد ان حبيت هالبنيه وميت معاها وابكلمها باي طريقه يعني اني اشكي له همومي التفت علي وقال طيب وش اسوي لك...وان اصبخه بكتاب الرياضيات على جبهته قلت يالخبل انت خويي وانا اشكي لك همومي.....قلت له وش اسوي قال خلنا نروح للمدرسه وانا اصبخه بكل الكتب اللي معي وامسك شماغه ونقعد نتباقس بالسياره ولا وعينا الا وحنا راكبين الرصيف كخخخخخخخخخ رحنا للمدرسه ولا عرفت انتبه لاحد وحسيت اني طول وقتي مسرح..ولا قدرت اكل فسحتي ولا قدرت اشرب ماء ولا قدرت ادخن كخخخخخخخخخ طلعنا من المدرسه انا والخبل خويي ولما شفته مروق قلت له وش اسوي ابي اكلم البنت....قال لي مالك الا هيفاء قصدي مالك الا ترقمها...قلت له وشلون قال ابعلمك من بكرا لامرينا من عندها الصبح.....قلت طيب ورحت للبيت وانا مهموم وتعبان وحالتي حاله لاني خرجت من مرحله ودخلت مرحله ههههههه...لاني اصبت بكابوس الحب وضربني في اعماق اعماق قلبي واصبح قلبي ينزف من الوريد الى الوريد (ابوك يالحب)... وجاء الصباح وانتظرته وقلبي احساسه يقول صوتي خلي اليوم ما ظن اسمعه الا هذا خويي ابو ركبه مدحدر علي ركبت معه...وقلت هاه وش الخطه ههههه لقيته الخبل مشتري قصدير وقال لي اكتب لها رقمك ولفه بقصديره واحذفه عليها كخخخخخخخخ الله يرج ذا الراس انا ابي اعطيها رقمي ولا ابسوي محشي علشان تجيب لي قصدير قال لي ما عليك واكتب رقمي والفه في قصديره الين غدت زي الكوره ونمر من عند حبيبتي وانا اطلع راسي مع السياره واحذفه بقوة الا البنت سمعت صرختها بيني وبينكم انا لفيته في قصدير لين صار تقل طابوقه ولما حذفت القصديره جت في جبهتها كخخخخخخخخخخخخ الظاهر اني فلعتها كخخخخخخ ماش جاء الباص وركبت ويدها على جبهتها ولا خذت الرقم...رجعنا وخذينا رقمنا....وفشلت المحاوله الاولى.....قال لي مالك الا تتشجع وتروح تعطيها الرقم بيدها قلت لالالا ما اقدر قال لي انت كنت عربجي سابق وحبيب الان ولازم تستخدم شجاعتك بانك توصل رقمك لحبيبتك وكلمه منه وكلمه مني وافقت جاء اليوم الثاني ونزلني قبل بيتهم بمسافه قليله واجيك وانا طاير واول ما وصلت عندها وانا الرقم بيدي الا امها المدرسه طالعه وشافتني وصرخت وفصخت الكعب وانا احط رجولي بس الكعب طبعا كان سابقني...ورحت لااقرب مستوصف وخمس غرز في صلاهمة راسي وانا اندب حظي ماش مافيه فايده قال لي ابو ركبه ماعليك لاتياس وانا اخوك كخخخخخخخخخ جاء اليوم الثالث وسفطنا الكرسيدا قريب من بيتهم وسوينا اننا متعطلين ومناك قاعدين نخز ونكحل عيوننا كخخخخخخ اثر العالم كلها تعرف قصتنا وما درينا الا با اك الشباب اللي جايين من الخلف ومعهم:- اللي معه طابوقه....واللي معه ليور واللي معه عفريته واللي معه قطعة رخامه واللي معه عجرء ودارت معركه ضروس استخدمت فيها جميع الاسلحة الخفيفه ةالثقيله وانتهت بالدماء كخخخخخخ احلى مافيه ابو ركبه فلعوا راسه هههههه وطبعا سوينا النون وما يعلمون فيهم لكن الكثره تغلب الشجاعه.....وانسحبنا بسرعه بعد ان فلعونا وفلعناهم وضربونا وضربناهم....والبنت تتفرج علينا حسبي الله عليك وعلى قلبي اللي ما جره الا ابتسامه....وعاهدة نفسي ان انساها واتركها..تدرون ليه لاني ماني ناقص فلعات لما اشوف الشباب اللي قاصين فيرزاتشي اصاب بالحسره لاني ما اقدر اقص زيهم لان راسي كله فلعات ومضاريب تقول خريطة كندا.... وطبعا تركتها وانا قلبي ينزف الما وحسره ولكن للحديث بقيه مع الحب.....والمراهقه المتوسطه على فكره انا ما ادري وشلون اهلنا كانوا مستحملين شوفة وجيهنا يوم حنا مراهقين واللي بيصدق كلامي يروح يشوف صورته في بطاقة الاحوال المدنيه تقول راعي غنم مضيعا غنمه ويدور عليه كخخخخخخخ الله يحوم تسبودنا على اك الوجيه كخخخخخخخخخخخخ شوفوا صورتي ايام العربجه كخخخخخخخخخ
