لا تبخلون علي بنصيحتكم

هاي
أنا ان شاء الله هالايام بشتري الجيم كيوب
فرحت المحل لقيت جيم كيوب نظام امريكي سعرها 750 درهم بدون يد تحكم
فابي أعرف هل هالنظام زين ولا فيه أحسن منه؟
وبشتري لعبتين معاها فبشو تنصحوني من الالعاب؟وهل نزلت زيلدا ولا لا؟
وآسفة على الاطالة

إمم عن سعر الجهاز مادري

بس عن الألعاب

أنصحج في Resident Evil و Super Smash bro.;-)

أعتقد السعر مناسب جدا ..... وبالنسبة للألعاب فإن سوبر سماش بتكون خيار أكيد ...

بالنسبة للخيار الثاني انترنال داركنس أو ريسدنت ايفل ....

أما اذا ما كان لك رغبة في ألعاب الرعب فإن بكمن مناسبة جدا ;-)

مشكورين على الرد بس ما قلتولي زيلدا نزلت ولا لا؟

بنسبه لزيلدا لا مانزل والسعر 750 أعتقد غالي أشوي

زيلدا باقي عليها كثييير ... فبراير 2003 :-)

أوكي مشكوووووووووووووورين وما قصرتوا يعني لازم اصبر لين ما تنزل لعبة ار بي جي اعتقد اني بشتري سماش بروس وريزدنت ايفل

750 نظام أمريكي بس ؟؟

في دبي ملتي سيستم 850 بدون ميموري ولعبة

يعني الملتي أحسن;) ;)

اقتباس:

---

الرسالة الأصلية كتبت بواسطة Super-Mario
750 نظام أمريكي بس ؟؟

في دبي ملتي سيستم 850 بدون ميموري ولعبة

يعني الملتي أحسن;) ;)

---

لا الملتي فيه قطع محليه الصنع ....
احنا بالشرقيه جاء عندنا من زمان اول مانزل الكيوب وكان سعره رخيص مره لكن انخدعوا فيه البعض ....لكن انكشف امره وانا اكثر من محل يبيعه مخبرني هذا شخصيا ....
واكيد الي شريته مما معه ضمان ايضا ....
لان مستحيل يكون معه ضمان وهو محيوس من الداخل ....
انا جيت عندكم دبي في بدايه هذه العطله وشفت هذا النظام
واستغربت ببدايه الامر من الراعي لانه كان متحمس وهو يخبرني عنه
ويطق في الكلكليتر على باله مسوي لي خفض ....
عطيته كم كلمه ومشيت ....ومامعه ضمان وهذا الي قوى شكوكي ....
على العموم لااحد ياخذ الملتي سيستم مثل ماخبرتكم ...

وعلى العموم اخت ار بي جي جيرل ... مؤخرا حدثت مقابله ثلاثيه بين شيجيرو بين شيجيرو و Yamauchi و ايواتا تكلموا فيها عن عده امور واهمها العاب سكوير للننتندو ....
ووضح من المقابله ان هنالك بهض العاب سكوير سوف تاتي على ننتندو لكن إلا الان مافي تاكيد رسمي ....
ان شاء الله المزيد من العاب الار بي جي راح تتوفر على الكيوب قريب ...
واحب اوضح ان لعبه زيلدا ليست لعبه الار بي جي بل لعبه مغامرات رائعه ....



اذا بغيتي العاب خذي سوبر سماش ميلي اذا كان عندك اصدقاء تلعبين معهم يعني لازم يكون عندك اكثر من يد تحكم ...
واللعبه الثانيه انصحك بــ ماريو وبتنزل النسخه الامريكيه بعد 12 يوم ...
واذا ماتقدرين تصبرين عندك رزدنت ايفل .... ثم اترنال داركنيس بس رزدنت افضل بالنسبه لي ....



وان شاء الله اكون افدتك ...
وشكرا ...

أنا يوم اشتريت الكيوب اشتريت معاه سوبر سماش وسونيك ادفنتشر 2 ... وبصراحة كانوا رهيبين واستمتعت فيهم ... وإذا كنتي تحبين الألعاب الاستراتيجية اشتري بيكمن .... وطبعا رزدنت ايفل إذا كنتي تبغين لعبة رعب ...

لكن سوبر سماش خليها أساسية يعني لازم تكون احدى اللعبتين :) ..

وأنا اعتقد انه لو تشترين ملتي سيستم يكون أحسن ... لأن يمكن بيوم من الأيام تبغين تشترين لعبة يابانية ... أو لعبة ما راح تنزل إلا اصدار ياباني ... فراح تقدرين تلعبين فيها ..

وانا اشتريت ملتي سيستم وما أعاني من أي مشاكل معه للحين ..

اقتباس:

---

الرسالة الأصلية كتبت بواسطة megaman
أنا يوم اشتريت الكيوب اشتريت معاه سوبر سماش وسونيك ادفنتشر 2 ... وبصراحة كانوا رهيبين واستمتعت فيهم ... وإذا كنتي تحبين الألعاب الاستراتيجية اشتري بيكمن .... وطبعا رزدنت ايفل إذا كنتي تبغين لعبة رعب ...

لكن سوبر سماش خليها أساسية يعني لازم تكون احدى اللعبتين :) ..

وأنا اعتقد انه لو تشترين ملتي سيستم يكون أحسن ... لأن يمكن بيوم من الأيام تبغين تشترين لعبة يابانية ... أو لعبة ما راح تنزل إلا اصدار ياباني ... فراح تقدرين تلعبين فيها ..

وانا اشتريت ملتي سيستم وما أعاني من أي مشاكل معه للحين ..

---

انا بعد اشتريت ملتي

واشتريت مرة لعبة يابانية وهي

Virtua Striker 3 وكانت من احلى الألعاب لكن


لأسبوع واحد فقط ;)

إذا أنت تبين ألعاب جماعية ( يعني 4 لاعبين ) / سوبر سماش و wwe wrstlemania x8 < تراهي مصارعة > و سيجا سوكر سلام

تبين ألعاب ( إختي حبتها ) / سونيك أدفنتشر 2 باتل و لويجي مانشين ( لكن هذي أقصر لعبة نزلت على كل أجهزة الدنيا )

ألعاب رعب / ريزدنت ايفل ( لكن اللعبة قصيرة بالحيل يعني تقول حرام أصرف عليها 280 ريال !!! ) و إيترنال داركنس - تعجبني أكثر لكن فيه فرق في الرسوم- !!!

ألعاب السعابيل تطلع من رسومها / ستار وورز ( يعني بس تشوفين الرسوم وترى اللعبة صعبة )

ألعاب أهل المنتدى دايما يمدحونها بعدين تتطلع سخيفة ( وللأسف أنا شريتها )/ بكمين

ألعاب تسمعين كل الناس شروها لكن هي سخيفة / ويف ريس بلو ستورم
ويمكن لعبة يونيفرسال ستوديو تعجبك


أتمنى إني وفقت في الشرح

وشكرًا

هاي
مشكورين على الردود وان شاء الله اشتريها بأقرب وقت :)