-
ما أعرف من فين أبدأ لكن حبيت أحكيكم قصة عجبتكم عجبتكم وإذا ما عجبتكم عادي وما أبغى منكم إلا القراءة وأعتبروها (فشة خلق)-على قول اللبنانيين- اسمعوها واحكموا:
كنت انتظر وأعد الأيام بفارغ الصبر يوم وراء يوم ومنتظر يوم 16 أبريل (يوم معرض كومدكس في السعودية) والمهم جاء اليوم اللي كنت منتظره -يوم المعرض- وللأسف تأخرت يومها رحته الساعة 7 المغرب -موعد إغلاقه- وطبعا ما قدرت أدخل لأنه كان مقفول فدلنا مشرف الأمن على مكان البيع التابع للمعرض (ويا ريتني ما رحت) المهم وصلنا عند بوابة دخول مكان البيع ولقيت حراج كبير أو حلقة خضار كمبيوترية او حلقة خرفان تقنية نقوا واختاروا رجال ينادي (على عشرة على عشرة 3 برامج بعشرة) والثاني يصرخ ويقول اللي يتدرب عندنا يأخذ جهاز الانترنت والثالث :"اللي يتدرب عندنا يكسب سيارة كابريس" .
والمكان ما ينطاق مزحوم على آخره والناس هنا..وهنا يييييه شي ما يوصف ..حمدت ربي إني خرجت منه.
رحت ثاني يوم بس الساعة 5 العصر ولقيت المعرض مفتوح والناس ملتفين عليه من الخارج بس دخلت مع أبوي وأخواني وصلنا عند البوابة جاء الأمن قال هذا صغير (قصده على أخوي الصغير) وقال علي هذا طالب ما يصير يدخل المهم أبوي عنده بطاقة رجال أعمال دخل وكلم واحد يعرفه وتركنا في الخارج جاء رجال أعطاني بطاقة وأعطى أخوي بطاقة فيها أسماء غير أسماءنا والوظائف اللي عند أخوي مكتوب فيها طالب واللي عندي مكتوب فيها مشرف أمن في شركة أرامكو (مع أني أصغر من كذه بكثير) جاء عند الأمن واتركهم يدخلوا ودخلنا فرحت وتوي داخل جاء واحد بريطاني ووحدة بريطانية وقالت للرجال اللي معانا: لا نستطيع أن ندخلهم لأنهم صغار فأشرت على أخوي وقالت:هذا طفل وأشرت علي وقالت:هذا طالب وقتها صرت مقهور حتى ما قدرت انطق ولا كلمة وقالت بكل برود أوقف هناك على جنب وكأني جالس أطلب منها صدقة وتقول:هذا لرجال الأعمال وبس..المهم أبوي كلم واحد ثاني وهو مشرف الأمن قال :ايش اللي يثبت إن هذا (اللي هو أنا) عمره 18 سنة هات بطاقة الأحوال -لأنهم ما يدخلون أقل من 18 سنة- أبوي قال له:انت تشتغل في الجوازات..فمشرف الأمن سكت وقفل فمه أول ما سمع كلام أبوي وفي النهاية ما دخلت ومشيت وصرت معصب يومتها..
وبالصدفة وانا جالس أقرا في مجلة بي سي ماجازين لقيتهم كاتبين إنهم حيدخلون الطلاب في آخر يوم من أيام المعرض وطلبت من أبوي إننا نروح ورحت في آخر يوم كان وقتها الظهر ووصلت للبوابة لقيت نفس مشرف الأمن سأل أبوي ثاني قال وش يثبن إن هذا عمره 18 سنة وقتها خرجت في وجهه البطاقة التابعة للمعرض وقال لي ادخل ووقتها فرحت...
فائدة هذا الموضوع والزبدة منه هو ليه دايما يخصصون مثل هذه المعارض لرجال الأعمال وبس وحنا ننظلم وما ندخل هل هم مختلفين عننا ولا ملائكة وحنا شياطين..
وإن شاء الله حأكتب أهم مشاهداتي في المعرض في موضوع خاص فيه..
مع محبتي,,,
رايــــــق
-
صحيح ظلم يا اخ raayg لكن تراهم يبون مصلحتهم الشخصيه ومستحيل يبعدون مصلحتهم الشخصيه عشاني وعشانك لازم يكون ارباح فهم يسوون المعرض اول شي لرجال الاعمال على قولتك وما يدخلون الطلاب معهم عشان رجال الاعمال ما ينزعجون وياخذون راحتهم فهمت علي يعني يبغون رجال الاعمال الي راح يستثمرون عندهم ما يزعجهم اي شي عشان ما يفقدون تركيزهم ;)
-
-
والله إنك صدقت يا E:MAN هم يبغوون بس مصلحتهم وغيرهم لا..
ومسوين ضجة إعلامية واللي يشوفه يحسبه معرض ولا كل المعارض والمشكلة إن هذا المعرض عالمي ما يسوونه إلا في أمريكا والقاهرة وأكيد في أمريكا ما عندهم شيء اسمه هذا طالب وهذا رجل أعمال عندهم كله واحد..
وتعرف مين هم رجال الأعمال اللي في المعرض؟؟هنود وبعضهم أجانب وبعضهم من جنسيات عربية...والله حالة
مع محبتي,,,
رايـــــق
-
أنا يالقهر ما أمداني أروح ... و السبة اختباراتي اللي ما ترحم .... للمعلومية أنا طالب علوم حاسب من الرياض ....
الغريبة ان الكلية ما قدمت أي تسهيلات للي يبي يسافر ...
