أنا مقبل على الزواج أريد نصائح و إرشادات !!!!!

انا بصراحة مقبل على الزواج ابغى نصائح و ارشادات

لذا ارجوا منكم المساعدة

واتمنى التوفيق

بسم الله الرحمن الرحيم
الف مبروك الف الف الف بمناسبة زواجك اخوي كوكو فلوس.
وتمنيات من اخوك ان يوفقك ويبارك لك باذنه تعالي.
أما بالنسبة لطلبك بخصوص ارشادات مادري وش نوع الارشادات الي تبيها.
عموما فيه موقع اسمه www.qassimy.com
وبعدين اعزمنا على عرسك.

مع اطيب التمنيات لك بالتوفيق

أولا: الله يبارك لك ويوفقك. أما بالنسبة للنصائح فما عليك من أحد. دبر أمورك بنفسك. وترى كثرة النصايح بتضرك. أهم شئ تعرف ما لك من تحقوق وما عليك من حقوق وواجبات تجاه زوجتك وإنشاء الله تزين أمورك. أما موضوع الدخلة فخله على التساهيل كل شي بيجي في وقته بس لا تفكر في الموضوع كثير. ترى كثرة الاسئلة والنصائح عن هذا الموضوع تضر أكثر من إنها تفيد. والله الموفق.

السلام عليك يا اخي ...

اولا: الف الف الف مبروك على الزفاف مقدما ...

ثانيا: مثل ما قالولك اخوانك وانا معاهم ... كثرة الاسئلة تضر أكثر

من إنها تنفع ...

ثالثا: اذا كنت تبي تستفسر عن أي معلومة عن ليلة الدخلة فسير

لهذا الموقع: http://www.6s.8m.com موقع متخصص :D

وانشاء الله تلاقي كل الأجوبة على استفساراتك ... ;-)


ويالله ... لا تنسى العزيمة ... :6

مع تحيات ...
أخوكم ...
رعبوب

اولا الف الف مبروك ثانيا انصحك بتقوى الله في نفسك وفي زوجتك وحسن علاقاتك مع اهلها والله يوفقك

السلام عليكم و رحمة الله و بركاته........

أنا عضوه يديده في منتداكم.......

أتمنى إنكم تسمحون لي أنضم لأسرتكم السعيده ........

بمساهماتي و مشاركاتي.........

أما بالنسبه للأخ كوكوفلوس ........

فألف ألف مبروك على الزواج .......

و الله يتمم لك بخير .......

و الله يجمعك مع زوجتك بالمحبه و الألفه ........

و عندي لك بعض النصايح اللي إن شاء الله تفيدك في حياتك........

1-عيش مع زوجتك بما يرضي الله و رسوله

2-وفر لها الحب و الحنان اللي تبيه ، لأنها إذا ما حصلت ها الشي عندك ،

راح تدور عليه فمكان ثاني ، انت نفسك ما تتمناه لها ، و كثير من الزوجات

سوو أشياء وايد غلط و كان السبب فيها من الزوج

3- افهم زوجتك و افهم نفسيتها و شو اللي محتاجتنه عشان ترضيها و

تخلي حياتك معاها سعيده

4- خلي قلبك دايما معاها و حس فيها و بالكلام اللي تبي تقوله قبل ما

تتكلم ، عشان أهي تحس فيك و بمشاكلك و بمشاعرك في كل الأوقات

5- حسسها أنها كل حياتك و إنك من دونها ما تسوى شي ، عشان إهي

تعاملك بالمثل و تحسسك إنك كل حياتها

6- حاول تخلي الود بينها و بين أهلك موصول ما ينقطع ، تدري بشو ؟؟

بإنك دايما توديها بيت أهلك معاك ، ودايما تكلم عنها بالخير جدامهم عشان

ما يكرهونها و تكون دايما معاهم زوجة الإبن المحبوبه ، و مهما حصل بينك

و بين زوجتك لا تخبرهم لأن أهل الزوج ما يحبون إن زوجة ولدهم تزعله أو

تكدر خاطره في أي شي ولا تنتقدها جدامهم لأن هذا تسفيه بحق الزوجه

جدام أهل زوجها ، و نفس الشي تسويه مع زوجتك حتى ما تتأجج نار

العداوه بين الزوجه و أهل زوجهاو يكون الزوج أهو السبب في كل هذه

المشاكل لأن المرتاح الوحيد فها الشي أهو الزوج ، لأنه راح يكون محتار ما

بين زوجته و أمه يرضي منو و الا منو

7- لا تفشي أسرار حياتك الزوجيه مع أي أحد لأنهم ما راح يفيدونك بشي

بالعكس راح يضحكون عليك ، و في حديث عن الرسول الكريم فيما معناه

إن اللي يفشي أسراره الزوجيه لربيعه كأن هذا الريال زاني مع زوجة

ربيعه اللي يخبره عنها ، ونفس الشي مع الزوجه اللي تفشي أسرارها

حق ربيعتها ، كأن ربيعتها زانيه مع زوجها

8- دايما تكون الحياه بين الزوجين أول الزواج مشاكل ، لأن الزوج ما يعرف

عن زوجته أي شي ، و رمستهم في التلفون قبل الزواج ما يبين لهم

حقيقة بعضهم لكن الحياة بعد الزواج بتعرف كل واحد على الثاني ، و

عشان تشي لازم يصبر عليها شويه ، ما يقول هذه ما تعرف شي في

الحياه الزوجيه

9- الريال بعد ما يتزوج لازم يراعي إن صارت عنده مسؤوليات كثيره

من الأكل و الشرب و المعاشره الزوجيه وغيرها ، و ما لازم يتخلى عنها

و يخليها تعتمد على أهلها ، لأن أهلها زوجوها حق ريال يعرف يتصرف فكل

شي ما زوجوها حق واحد ما يعرف كوعه من بوعه

10-لا تسمع كلام أي حد يحرضك على بيتك و زوجتك لأن اللي يناسبك ما

يناسب غيرك ، وفي ناس يموتون من الغيظ إذا شافوا ريال سعيد مع

زوجته فما ما لازم تعطيهم الفرصه عشان يشمتون فيك و بزوجتك

11- المرأه دايما رومانسيه و تتوقع من زوجها يكون مثلها و يسمعها كلام

حب كل يوم طول الوقت

و الله يوفقكم للخير و المحبه