الزبيريه العجيبه

الزبيريــــة العجيبــــــــــــة.....
رؤس الاقلاااام:-

1-منفوحــة...((حي قديم 17 بيت طين و2 عمارة مسلح))
2-البليلااااا....((تشبة القريض بس لينة))
3-الزبيرية...((رح لسوق الزل واسئل عنهاا))
4-مزنة...((اسم حرمة))
5-آآآآة...((صوت طلع من قلبي عند عتبة بابي))

القصــــــة:-
هذي سالفتي خذوهاا ايام منفوحـة الله لايعيدهاا كانت ايام طفرة ((يعني قحط)) واذا صار معي وقتهاا خمسة ريال رحت للبقالة وفكيتهاا على ريالات واوزعهن في المخابي كلهن ((انواع العقد)) ولعنت خيري الدنياا وطقم الملاابس الي علي ((صروال السنة وفنيلتي العلااقي)) كل ثلااث سنين اغيرهن ((يعني انواع الاستهلااك صايرة كنهاا شفافة تقدر تشوف حلم ديودي واضحة من فوق الفنيلة)) ودلو عيال الحارة ما يماشوني وابو سارة النذل كسب من مقصف مدرستهم خمسين ريال وكبر راسة وصار كنة من اعياان منفوحة ((المدرسة اول السنة تدفع 20 ريال للمقصف وتاخذ اخر السنة 50 ريال)) وشراا لة كيسة بليلااا وقام يبيع جنب بابهم لعيال الحارة وانا رايح جااي قدامة ابية يباشر علي وزبيريتي متبقرة ((أي متخفسة)) مع ماطاات الرجل ((مكان دايم يدخل فية المسامير)) والنذل ما عبرني واذا وازيتة رفع صووتة وقال بليلاااااااااا ويناظرني بطرف عين.. والله ويضيق صدري واتحطم واتسلف من البقالة الي جنبناا غرشة ببسي أم نصف وابوبز على عتبتهاا اشرب ((لازم تخلص القارورة عندة)) والله ويوقف مرسدس ((فياقراا)) وينزل منة واحد جثة ((أي ضخم)) ويمسك مكرفون يدوي وقاال ((يا اهل منفوحة نرجو منكم التجمع اماام مسجد بندر الواقع بشارع منفوحة العام وذالك للضرورة يوم الخميس بعد صلاااة العصر)) والله واطمر وامسك السواق وقلت يا خوووك وش السالفة بتعدموون احد؟؟؟ قال لا السالفة وانا اخووك هذي وحدة مليونيرة اسمهاا مزنة وعندهاا فلووس الدنياا وبلااط قصرهاا من الطغااء من ذهب بس المسيكينة عنست ومحد بغاهااا ((شيفة والشيفة املح)) ومعهاا زبيرية وتقول الي بتطلع مقاس رجلة ابتزوجة ويملك املااكي قلت قل والله ؟؟ قال والله وقال دعلووج ورني رجلك !! والله وارفع رجلي وقال افصخ كنادرك يا الغالي ((أي الجزمة)) قلت ما علي كنادر هذي رجليني كذاا انا الحين حافي!! قعد يتئمل ثلث ساعة ويدور الاصابع حقت رجلي ((عااد متساوية مع مشط الرجل من كثر تسحيب الرجلين با الشوارع)) قال اقوول خلك عند امك الله يصلحك.. وارجع للبيت وماهمتني كلمتة وكل الطريق هواجيس وارقاء للسطح ماتعشيت وخذ تبطح على كل جنوبي وهواجيس ((اتخيل اني اسووق المرسدس واتخيل وشلوون ابقهر ابو ساارة وابفتح محل كبير ابيع بليلااا في الحارة واقهرة واتخيل اني اشتري 7 صراويل سنة ومن الفسق البس كل ساعة واحد ((يلعن أم التفكير)) واقووم واقنع امي با الموضوع وقالت امي ((ياوليدي وش لك بها العالم تراك بتضيع وخلك معناا على القشطة والطحينية واحمد ربك ثوبن مهوب ثوبك لاتلبسة)) وقمت واقنعتهاا وقلت شوفي اذا الله وفق لكم مني اركب لكم نجفة في السطح تسهرون عليهاا واقتنعت امي ((امحق قناعة)) واقووم اوعد في اخواني واحد اقولة انجح واشتري لك سيكل والثاني ابشتري لك اتاري واقووم واتسلف من عيال الحارة كلهم والكل اقولة ابرجع لك فلوسك يوم الخميس ((واثق)) والله ويجي يوم الخميس ونطمر اناا واهلي في المازداا وشارع منفوحة قدام المسجد واصف طابور مع العالم ((تقول عند مخبز)) وبالفعل جاء دوري وتسقط الزبيرية وتقوم تولع الوان ((يعني فزت)) والله والعالم تباارك والي يقول لاتنساني يا دعلووج والي يقول لايكبر راسك عليناا ويركبوني في السياارة ويطيرون بي للقصر حق الزوجة المصونة مزنة ((طالع شكلي وانا راكب معهم كني واحد متعطلة سيارتة وراكب مع عائلة ومستحي)) ويوم وصلناا وندخل مع بوابة ذااك القصر الي ماتشووف اعلاااة والثرياا كبر بيتناا وخدم وحشم وفجئـــة طلعت وحدة شهقت شهقة من هول ما شفت ((عجوز سودا شعرهاا عرادة ومصدي من كثر الموية طولهاا متر وفيهاا ريحة كنهاا ثلااجة منفصل فيشهاا ثلااثة ايام ووجههاا وقفاهاا نفس الشي وبالعكس قفاهاا احلى لانة بدون ملاامح)) والله وارجع خطوة ابي اهون.. واتذكر ابوسارة وقلت في نفسي ((يادعلووج هذي وحدة مصفية كلهاا اسبوع وتموت اقبل يابن الحلااال ووكل ربك)) والله وابتسم في وجهها وابتسمت وياليتهاا ما ابتسمت ((طلع من اثمهاا خفاش)) والله واوكل الله وانام ذيك الليلة ((اشين ليلة بعمري الله يرحم ايام الحلوم في باسكال)) ويوم جت الساعة 9 ولا هاالشيفة تنغزني وتقول قم!! واطمر وقلت عمى تطلعين بعد في النهاار يا القردة؟؟ ذبت ابتسامة حيااء ((احسبهاا صاحت ملاامحهاا ماتدري وش تبي)) قالت قم بنروح !! قلت وين؟؟؟ قالت قريب اناا ابرمم القصر يا عمري ((أي عمر جعلس الموت)) وكانت تقصد انهاا بتزين القصر قلت حراام عليك جديد ومايحتاج ترميم..قالت لا لا انا كل سنة متعودة ارممة واطلع ماش قلبي ما ارتااح لها السالفة وانزل ومااش مالقيت الخدم وشغل الليل كلة راح ونطلع براا واقوول وين الفياقراا؟؟ قالت موديتة للصيانة يا عمري والقاا ددسن موديل صفر واشووف فية سبعة حونشية ((أي اشين ماخلق ربي)) راكبين كل واحد يقول انا اكبر من الثاني مااش وخفت وقلت وين يا مزونتي؟؟((أي مزنة بس ادلعهاا مازال عندي امل)) قالت صندق مالك مكاان في الغمارة قلت لية ياقلبي خليناا نتمشى رجلية ((احسبهاا بتمشيني في القصر)) ذبت ابتسامة وقالت اركب حيااتي ((حامت كبدي بس مع ابتسامتهاا شف ضرس ذهب في خشتهاا وقلت اكيد من زود النعمة مركبتة)) واركب والى الداخل المحدود ((يعني ما اردا من منفوحة الا الدخل)) ونروح لبيت هناك الله يحلل بيتناا الي بمنفوحة طلع بيتناا قصر عندة ويذبوني اناا ومزنتي عندة ويقولون لهاا الحونشية بصوت عالي اذا احتجتي شي يا وخية او ضيق صدرك احد دقي عليناا بيجر ((كلهم على بيجر واحد ومشفرينة)) ويمشون وندخل البيت وحطيناا اغراضناا وجلستني قدامهاا وقالت اسمع ياولد النااس احناا وخلااص تزوجناا ولازم ترضى با الامر الواقع وخذ السالفة اناا اخوي يشتغل با القصر الي شفتة وعنست وبلش فيني وماجاني خطااب عشاني قصيرة ((بزعمهاا الباقي مافية شي)) والله وندبر ها الخطة المسكوبة وتزوجتك بهاا والا انااااا هذاا بيتي وهذي حياتي.. والله وتدور بي الدنياا واطيح مغمى علي وتجي بتعطيني نفس صناعي ((ماصدقت على الله)) والله واطمر كني قطو مرجوم على جدار وقلت وخري مافيني الا العافية يا القردة يا الشيفة يا القذرة ((طلعت الي في قلبي كلة)) وقلت زين يا الوصخة اشبعي ببيتك وقلت بااي اناا ماشي.. قالت توكل على الله راس مالة ربع رياال!! والله واقعد افكر وش ربع ريال وسئلتهاا وش تقصدين ؟؟ قالت بيجر على اخواني بربع ريال قلت تعوذي من ابليس يا بنت الحلاال تراك فاهمة غلط اناا قصدي ابروح اجيب ملاابسي(( اية وش يدريكم ماشفتو الي شفت)) قالت اية اشوى اجل وانت طالع حاسب مكتب العقار وعطة الايجار شفة في ارخر الشاارع ولا انت زوجن ببلاااش؟؟؟ طلعت اصيح كني بزر مصموخ بكف متحطم ضااع مستقبلي واقول آآآآآآة في نفسي ان رحت عنهاا دقت بيجر!!! وان رحت للحارة فرشوني الدياانة!! وان رحت لهلي قالو وين النجفــة!! والله واستسلم للامر الواقع وجاني منهاا ولد يشبهاا با الشين وماخذ المصالة من ابووة وانا الحين اكتب لكم القصة من سطح بيتهاا الله ياخذهااا في الداخل المحدود ((لا والموية منقطعة من اسبووع يعني ريحتهاا زادت خيااس))

ملااحظــــــة :-
ارض بقردك لايجيك اقرد منة !!!! ((سلموني على قايل ها المثل))

تحياتي