قصة مكاوية ومن الحين اقلكم(منقوووووووول)

قــصــه مـكـاويــه

يـقـلكم يا محـافـيظ السلامه هادا وااااد يـبـيع حلاوه طحينيه قدام الدحديره اللي قدام بيتهم المهم صاحبنا هادا كل يوم يتمرقع مع البـنـيته اللي رايحه واللي جيه حقون الحاره

المهم مره وهوه يتمجغ مع واحده بنت كانت احلى بنات الحاره ( فتووو) المهم بدأ هوه يـتمرقع معاها ويديها كلام من اللي هووه ( يا حلو يا لدو يا لبنيه يا هريسه ) المهم والبنت ما ادتـلو وجه

راح أخينا انقهر وركب راسه الف جني وجني وكل يوم يتمرقع ويتمجغ معاها مافي فايده المهم الولد هادا بياع الطحينيه حب فتوووووو

وتاني يوم وهيه معديه من قدامه إلا يوقف قدامها ويقلها يا فتووو عورتي قـلبي بحبك وانا جي اقلك انه نيتي سليمه وابغا أتزوج ,, أيش قلتي ؟؟
وقفت فتووو وقالتله هو هادا اللي ناقص اتزوج واحد حق حلاوه طبعا يحقلها فتووو ابوها العم سراااج لي شنه ورنه في الحاره كلها وكل واحد يضربله الف حساب يقوم يجي واحد سفروت زي هادا يبغى يتزوجها المهم

المهم الولد هادا انقهر قام فكر في فكره بنت كلب وراح لعم سرااااج بس ما طلب يدها راح وقله ابغا استلف منك فلووس وارجعلك هيه بعد شهرين

المهم ويأخد الفلوس من هنا وفتحله دكان صغير يبيع في لدو ولبنيه وهريسه ومفروكه وكل انواع الحلويات اللي تجيب السكر المهم ويكسب ويفتح كزا محل

المهم ويرجع لعم سراااج ويردله فلوسه ويقله ابغا اتزوج بنتك طبعا الوااد هادا سار من اكبر تجار الحلويات في البلد قام عم سراااج وافق وقام راح لفتوووو يسألها رايها

قالت فتووو تبغا تشوفه وبس يا حبيبي عينك ما تشوف إلا النور اول ما شافته قالتله ياواااد يا بكاش بطلك بهلله انتا بياع حلاوه طحينيه سرت تاجر ياهم الزمان قلها اللي سار وقلها الواحد مو بحلاوته الواحد بفتاكته
قامت ضحكت فتووو ضحكه من تحت لتحت ووافقت من كلام الوااااد حقناوعشوا في تبات ونبات وخلفوا صبيا وبنات يلاااا عاد قفلوا الكومبيوتر واللمبات وناموا انتهت الحكايه

--------------------------------------------------------------------------------
يالها من رومنسييييييية
:6 :6

اشبها الرومانسيه حقتهم

مو عاجبتك ولا ايش جالس تمد لسانك الطويل هذا:D :D

انا شايف انها عاجباني:D
مررررررة

تدري أنا من أهل مكة بس والله حبيت القصة لأني ساكن قريب من حلويات أبو نار يمكن هو إللي تزوج فتو :! :! :! وفتح المحل ?: ?: لأنه مشهور في مكة كلها

اقتباس:

الرسالة الأصلية كتبت بواسطة SECREM2002
تدري أنا من أهل مكة بس والله حبيت القصة لأني ساكن قريب من حلويات أبو نار يمكن هو إللي تزوج فتو :! :! :! وفتح المحل ?: ?: لأنه مشهور في مكة كلها

هههههههههههههه:D

حلوه "حلويات أبو نار":p :p

أيش قصدك من أبو نار ;-) ;-) ;-)