عرض للطباعة
ياجماعة اللعبة هذي حيرتني شوي انا الحين في الحزيرة الثانية lucre island بس واجهتني مشكلة هي اني لما ابغى اروح ادور على البيت الي في المستنقع احصل جايبراش ثاني :! عند البوابة وفجأة تفتح البوابة وتجي دائرة ويدخلوا فيها :! مع العلم اني معاي الساعة ومعاي الخريطة (اخذتها من عند الي يعرف كل شي بخشمه :0) وعارف كيف اروح وعارف الطريق لكن هذا جايبرش الثاني ما ادري وش قصته وبعد مايدخلوا في الدائرة ارجع من بداية المستنقع :( ارجوكم لاتبخلوا علي بس لاحد يحط لي حل كامل لاني ابغى احل اللعبة بمجهودي وشكرا
افااااا معقول ماحد يقدر يساعدني ?:
للرفع والنصب والجزم والجر :o :o :(
بسيط
راح تدخل في المستقبل والماضي
انت احفظ الاسئلة والاجوبة والمحادثة كلها
بعدها كمل طريقك وبجيلك واحد (اللي هو انت من قبل) وانت بتكون اللي كنت تتحدث معه
طبق اللي صار من قبل عشان يفتح لك البوابة وكمل الطريق :p
اخوي مجنون البي سي
اذا تقدر تعطيني وصلة اللعبة حتى لو كانت ديمو
اكون شاكرلك
اخي كاسر الالعاب شكررررررا ويعطيك الف عافية راح اسوي الي قلت لي عليه وان شاء الله يضبط كل شي :0) ;-)
الاخ عاشق 6 والله للأسف ماعندي وصلة للديمو ولا للعبة كاملة احسن لك اشتريها ترا حلوووووووووة مررررررررررررة :)
لووووووووووووووووووول
اخوي ADWARD
التسجيل بالموقع هذا يحتاج فيزا كارد.
في اعضاء ما يقدرون
وانا ادري انك تقدر اتشفوه لأني انا وياك مسجلين.
اخوك
عاشق (J)
شوف اخوي
انا ابشتريها بس على ضمانتك
انت قلت حلوه
وانا ابي اجرب وما راح اكون خسران الا كم دينار :D
اخوك
عاشق (J)
شوف اذا انت تحب العاب الالغاز تراها حلووووة وانصحك فيها لكن لو ماتحب الالغاز لاتشتريها ;-) وتورطني :0)
يالله عاد تراكمك حمستونا باللعبة ممكن اسمها بالانجليزي;-) وذي اللعبة RPG (تراني ماداني النوع ذا ) والا لعبة الغاز عادية؟؟
وشكرااااا ;-)
اسمها بالانجليزي هو escape from monky island :0)
لعبة الغاز ومحادثة مبنية على هيئة كارتونية بالغاز صعبة ومضحكة
تستحق الشراء (إذا تعرف انجليزي شوي طبعا) لانها الغاز الغاز مو لعبة ياهال خصوصا اخر مرحلة وهي جزيرة القرود
ادخل هنا
www.milegend.com
اللعبة قديمة ولها تاريخ زي ميتل جير :p لكن من زمان ما اصدروا جزء. وهذا اول جزء ثلاثي الابعاد والرسوم للخلفيات رائعة اما الشخصيات تعتمد على كارت الجرافيكس ... واللعبة لعبة قراصنة :6
كما يصرخ البطل دائما حينما يعرف نفسه على شخص:
I AM GUYBRASH THREEBWOOD , mighty pirate
وهو اصلا مخرف وراح تشوف من طريقة خيارات المحادثة مع الاشخاص
على فكرة
اللعبة مافيها شيء اسمه خسارة او GAME OVER
ماتقدر تموت باللعبة
**نصيحة: للي يعصبون بسرعة لاياخذ اللعبة ترى ان وقفت عند مهمة ولاعرفت كيف تسويها مالك الا الطوف تضرب راسك فيه
والله اتعقدت الحين انا مشيت شوي رحت للبيت الي في الجزيرة وحطيت الحرامي ذاك في الفخ وحطوه في السجن وجبت خشم الحرامي :0) من البنك لكن الى الحين الشرطي ماهو مقتنع انه ذاك الحرامي وش اسوي صراحة اتعقدت واخر شي اخذته علبة من البنك وحطيت فيها سمكة ولاعرفت اش اسوي على فكرة هذاك العجوز الي اسمه اوزي اذا بخيت العطر على الحيوانات الي عنده يطردني وكمان ما اقدر افوز عليه في الاهانات ال insults هل هذا السبب في رايك اني متعقد وهل لازم افوز عليه ارجو الرد بسررررررررررررررررررعة قبل لاتجي المدارس وننقطع :(:(:(:(:(:(
رفع ونصب وجر :cool: