عربجي يحاور ابو الطيب المتنبي
رأيت فيما يرى " الصاحي اللي شارب دلة قهوة " أني التقيت شخصية اعتقد أني أعرفها .. كانت شخصية رجل عشت معه كثيراً ضحكت منه وضحكت عليه ... أخذني قسراً إلى عالم الدهشة ، دهشة الإبداع .. كنت أحاول مقاومته ما استطعت حين ينجرف بفكري نحو الهاوية ..فأتركه دون أن يتركني الإنطباع والإندهاش لروعته ودون أن تغادرني القناعة بأنه الأفضل والأقوى !!
رأيته في زمان لا أحبه ... ولا أظنه يحبني !
سمعته يطرق باب زماني ففتحت له أبواب عقلي .. ورايته كما تخيلته قبل أن أراه .. ساخر من كل شيء .. عصبي الطبع ، حاد المزاج !!
أصدقكم القول كان يشبهني كثيراً .. رغم أني لا أشبهه !!
ولأنكم قد تشبهون تلك اللحظة التي التقيته فيها ، أحببت أن تعرفوا تفاصيل بعض ما دار بيني وبينه .. لقد كان لقاءً صعباً .. حتى في لغة الحوار ... كان يستفزني بشعره ... ولم أجد ما أستفزه به سوى لهجتي العامية ... ولعلي وصلت بها الى شيء مما أريده !!
فإليكم أحبتي بعضاً من حديثنا :
-------------------------
- أهلاً وسهلاً ... من انت تراني ما عرفتك
- الخيل والليل والبيداء تعرفني .... والسيف والرمح والقرطاس والقلم
- طيب ليش معصب أنا لاني بخيل ولاني بليل .. والا لاتكون شايفني قرطاس انت ووجهك !!
- أنا الذي نظر الأعمى إلى أدبي .... وأسمعت كلماتي من به صمم
- مين ابو حسين ؟؟ ياهلا والله ومسهلا
- يا أخي أنا أبو الطيب ولست أبا حسين
- أبو الطيب.. ابو حسين... ما تفرق حياك الله .. الله اللي جابك لان عندي كم موضوع ودي آخذ رأيك فيه وتراني داخلن على الله ثم عليك ان تخلي عنك العصبية علشان نقدر نتفاهم .. قل تم
- لك ما تريد (وده يقول تم.. بس يعني اني)
- أول شي طال عمرك ماكنك ميت ؟ وش جابك ؟
- كم قد قُتلت وكم قد مُتُّ عندكم .... ثم انتفضت فزال القبر والكفن
- الله يكفينا شرك ! المهم يا بو الطيب يقولون انك كنت شاعر بمرتبة طرّار وانتهازي في كثير من الاحيان وتراني اقول منت بالبعيد
- ولا أقيم على مالٍ أذّل به ... ولا ألذّ بما عرضي به دَرِنُ
- ما جاوبتني .. يعني يا ابو الطيب ما اقتنعت في اجابتك sorry
- ومن جاهلٍ بي وهو يجهل جهله .... ويجهل علمي أنه بي جـــاهل
تحقّر عندي هــمتي كل مطلب .... ويقصر في عيني المدى المتطاول
- اتفقنا ان العصبية ما لها داعي ! لكن انت الله يهديك صعب !!
اللي قصدناه الله يحفظك هو مدى تأثير مثل هذه الأقاويل عليكم
- أنام ملء جفوني عن شواردها .... ويسهر الخلق جرّاها ويختصم
- سنايدي والله يا بو حسين قصدي يابو الطيب !!!
طيب يوم انك شرفتنا في زمننا ـ الله يحييك والزمان زمانك ـ ودنا ناخذ رايك في بعض الأمور ...
يعني مثلاً وش رايك فينا ؟؟
- أرى أناساً ومحصولي على غنم .... وذكر جود ومحصولي على الكلم
- ما كنك بديت تغلط ؟ عموماً خذ راحتك بس يا ليت تقول ليش ما احنا عاجبينك ؟
- رأيتكم لا يصونُ العرض جاركم .... ولا يدر على مرعاكم اللبن
جزاء كل قريب مـــنكم ملل .... وحظ كل محب منكم ضغن
وتغضبون على من نال رفدكم .... حتى يعاقبه التنغيص والمنن
- الا على فكرة ، وش رايك في اسرائيل ؟
- عليه السلام
- ياخوي النبوة قاطعة قلبك ما قصدي اللي في بالك ..
لكن على طاري النبوة يالبكاش .. نبي مره وحده .. ما تحس انها نصبة تدل على انك غبي ؟
- لن أجيبك شعراً فقد تعمدت استفزازي .
يا هذا.. أنا رجل واضح لا أحب أن أسمي الأشياء بغير أسمائها .. فأنتم في هذا الزمان لديكم حكام وملوك تقولون عنهم أنهم لا يخطئون ...كلامهم حكمة ..وسكوتهم رحمة .. لا ينطقون عن الهوى ... اقرأ ما تكتبونه كتأريخ لحياتهم ... انكم وضعتوهم في مرتبة أعلى من الأنبياء وإن لم تقولوا ذلك صراحة .. الفرق بيني وبينكم أني أمتلكت القدرة والجرأة على القول بأني نبي !!
- يعني وش كنت تبي تحديداً ... يعني طموحك وين وداك ؟
- أريد من زمني ذا أن يبلغني .... ما ليس يبلغه من نفسه الزمنُ
- أقنعتني بالسبب ولكن الفكرة ماتقنع أحد ... عموماً خلنا نرجع الى هذا العصر . .. ما قلتلي وش رايك في اسرائيل ( طبعاً وضحت له من هي اسرائيل ... يعني سويت أب ديت لمخه )
- الى كم ذا التخلف والتواني .... وكم هذا التمادي في التمادي
- هذا اللي قدرك ربي عليه ؟ يا خوي ما قدرنا فيهم معهم امريكا ان كان سمعت بها
- إن السلاح جميع الناس تحمله ....وليس كل ذوات المخلب السبع
- ياخوي امريكا دولة صديقه ولا ودنا نزعلها
- ومن نكد الدنيا على الحر ان يرى .... عدوٌ له ما من صداقته بد
- صادق والله بس وش نسوي ؟
- ومن العداوة ما ينالك نفعه .... ومن الصداقة ما يضر ويؤلم
- تراني ما فهمت ( وفي اثناء الحديث كان وزير الخارجية الأمريكي في مؤتمر صحفي وتخيلت أن ضيفي ينظر اليه وكأنه يعرفه .. فاستغليت الفرصه وقلت يا بوالطيب شف اللحية الغانمة اللي يتكلم من قادة امريكا اللي كلمتك عنها ... وش رايك فيه ؟)
- فلا ترج الخير عند امرئ .... مرت يد النخاس في رأسه
وإن عراك الشك في نفسه ... بحاله فانظر إلى جنســه
- يا خوي أنت عنصري !!!
- العبد ليس لــحرّ صالح بأخ .... لو أنه في ثياب الحر مولود
لا تشترِ العبد إلا والعصا معه .... إن العبيد لأنجاس ٌ مناكــيد
- يا اخي انت بعنصريتك هذي طلعتنا برى الموضوع .. يعني وش اللي نقول للإسرائليين في مفاوضات السلام ؟
- ألا ليست الحاجات إلا نفوسكم .... وليس لنا إلا السيوف وسائل
- الظاهر انك تبي تنكبنا ... نقول امريكا لو درت انا نفكر بطريقتك هذي ماراح ترضى عنّا وهي صراحة ما قصرت معنا في حرب الخليج ولا ودنا نزعلها !! ولا تسألني وشهي حرب الخليج لاني ماني بقايل
-إذا استشفيت من داءٍ بداءٍ .... فأَقتَلُ ما أعلّكَ ما شفاكا
- الحمد لله ان اللي يفكر مثلك ما هم بكثير والا كان رحنا فيها
- يهون علينا أن تصاب جسومنا ... وتسلم اعراض لنا وعقول
- انت تتكلم بثقه لانك ما تدري بصعوبة الموقف
- لولا المشقة ساد الناس كلهمُ .... الجود يفقر والإقدام قتّالُ
- بس ما فيه دليل واضح ان امريكا ضدنا
- وليس يصح في الأفهام شئ .... إذا احتاج النهار إلى دليل
- سؤال طال عمرك ... في هذه البلاد اللي اسمها السعودية وش العيوب اللي تشوف ؟
- ولم أر في عيوب الناس شيئاً .... كنقص القادرين على الكمال
- يعني وش نسوي تحديداً
فلا مجد في الدنيا لمن قل ماله .... ولا مال في الدنيا لمن قل مجده
- ما فهمت اش تقصد لكن ترى ما نقصر ... نعطي كل الدول اللي نعرف واللي مانعرف ... بس يا خوي عيو يحبونّا
- إذا الجود لم يرزق خلاصاً من الأذى .... فلا الحمد مكسوباً ولا المال باقيا
وللنفس أخــــلاق تدل على الفتى .... أكان سخاءً ما أتى أم تساخيــا
- عطنا الزبده ... ابرز شي لاحظته وشهو ؟
_ أرى المسلمين مع المشركين أما لعجز وإما رهب
- طيب وش رايك في اللي سوته امريكا في أفغانستان ؟
- وإذا ما خلا الجبان بأرض .... طلب الطعن وحده والنزالا
- سمعت الكلام عن الحملة الأمريكية على الإسلام وعلى السعوديين ؟
ومن يك ذا فم مريض .... يجد مرّاً به الماء الزلالا
بس يقولون ان المسلمين ارهابيين وقلال شيمة
- إذا ساء فعل المرء ساءت ظنونه .... وصدّق ما يعتاده من توّهمِ
- طيب خلنا من السياسة تراني مليت ... اكيد تبغانى اسمعك قصيدة خذ عندك :
أيتها السماء زرقاء العينين
هل تذكرين ؟
ذلك الرصيف ... الذي تبعنا يوما ما
يعيد إلينا خطواتنا التي تركناها
بعد أول لقاء
ترى .. كم رصيف يحمل خطواتنا المنسية
- أقول على شحم ( شانت الاخلاق )
- يا بو الطيب هد أعصابك ليش ما عجبك الشعر ؟ تر اللي يكتبونه ناس لهم وضعهم ومحترمين يعني ما فيه داعي تغلط عليهم
- تصفو الحياة لجاهلٍ أو غافل ... عما مضى فيها وما يتوقع
- يا خوي ترى اللي مثلك ما عاد لهم سوق اليوم
- ذو العقل يشقى في النعيم بعقله .... وأخو الجهالة في الشقاوة ينعم
- يعني بالعربي ومن الآخر ..وش يحتاج شعراء هذا العصر عشان يعجبوك ؟
- فقر الجهول بلا قلب إلى أدب ... فقر الحمار بلا رأس إلى رسن
- الظاهر انه ما يعجبك شي
- ليس التعلل بالآمال من أربي .... ولا القناعة بالإقلال من شيمي
- طيب يابو الطيب في زمنكم ..أكيد كنت مسجل في الساخر ؟؟ وش كان يوزرك ؟؟
- قد كان كل حجاب دون رؤيتها .... فما قنعت لها يا أرض بالحجب
- لا حول ولا قوة الا بالله حتى في عهدك كانو يحجبون الساخر ؟
أنا صراحة يا بو الطيب ـ وعلى طاري الحجب ـ ودي اطلع من الساخر ... المنتديات أكثر من الهم على القلب ... وودي بمنتدى ما يقفلونه في وجيهنا
- من ركب الثور بعد الجواد .... أنكر أضلافه والغبب
- على كل حال شرفتنا والله يحييك ومثل ما قلنا لك الزمان زمانك
- بم التعلل لا أهل ولا وطن .... ولا نديم ولا كأس ولا وطن
- تدري انك صايع ؟؟!! أنا آسف بس هذي الكلمة اللي جت على بالي
- لا خيل عندك تهديها ولا مال .... فليسعد النطق إن لم تسعد الحال
- ابشر ... أنا اللي صايع بس لا تزعل الله يهديك
- ومن جهلت نفسه قدره .... راى غيره منه ما لا يرى
- الله يسلمك ... ولو ان شكلها سبة بس مقبوله
- كم تطلبون لنا عيباً فيعجـــزكم ... ويكره الله ما تأتــون والكرمُ
ما أبعد العيب والنقصان من شرفي ... أنا الثريا وذان الشيب والهرم
- طيب قبل ما تضف وجهك ودنا تعطينا رايك في زمننا بشكل عام
- قبحاً لوجهك يا زمان فإنه .... وجه له من كل قبحٍ برقعُ
- طيب ... وانا أكيد انك ارتحت معي ... لا تستحي قل اللي في خاطرك .. أكيد ذكرتك بأحبابك وندمائك
أما الأحبة فالبيداء دونهم .... فليت دونك بيداً دونها بيدُ
- انا عارف انك منتهي عشان كذا ما برد عليك .. لكن من حقي اعرف وش اللي مضايقك تحديداً
- شر البلاد مكان لا صديق به .... وشر ما يكسب الإنسان ما يصم
وشر ما قنصته راحتي قنصٌ .... شهب البزاة سوآء فيه والرخم
وبعد أن قال بيته الأخير غادرني .. أو غادرته لا يهم ... ما يهم أنه خرج من زماني ... ربما إلى زمن آخر ....
لا أنكر أني سمعته يردد وهو في طريقه خارج الزمن :
- غثاثة عيشي أن تغث كرامتي .... وليس بغثيث أن تغث المآكل
منقول للأسف
