ماذا تحتاج اذا بغيت اتطعس
السلام عليكم ورحمة الله وبركاته :-
كيف الحال اخواني وانا سراحة راح اكتب هذا الموضوع لأكي تنبسط با التطعيس
وترجع والسيارة سليمة. متطلبات التطعيس تحتاج منك :-
1- اتخفف هواء الكفر على حسب نوعية الكفر فأذا كان الكفر من نوع شاهين تخلي الهواء 15 اما اذا كان بالون 15 اما دنلوب فأفضل شي
انك تحطة 10 او 5 اذا بغيت تطلع طعوس يعني ما تروح تطلع الطعس
من يسار ليمين ولا راح يتضرر الكفر وراح اتغيره وانت ابغنى عن ذالك
2-تشبك الدبل من يوم تدخل النفود على شان ما تغرس السيارة ولا
تدعس بنزين بقوه اذا كانت الأرض متساوية يعني قاع
وعلى فكرة اشبك الدبل الخفيف لأ، الثقيل ما تطقة الى في الحالات
الصعبة يعني اذا كانت السيارة امغرزه للدفرنس او متعلقه
3-اذا بغيت تطلع طلعة طويلة وسيارتك من انوع القديم وما سكه في راسك انك تطلع وش اتسوي افضل حل انك تجي مسرع بس لاتعدى
السرعة 60 وخل القير بوضع اثنين على شان اذا لاحظت ان العزم بدا يقل
تقدر ترده الى نمرة واحد وتطلع الطلعة من يسار او يمين لأنك اذا جيت من قدام راح تدخل وجهية السيارة وراح تتكسر المراوح او يتضرر الرديتر
تعال وانت مسرع وحاول بقدر المستطاع انك تصعد الطلعة شطف واذا
لاحظت ان العزم بدا ينزل حاول انك تنزل السيارة من فوق الى تحت
شوي شوي وبعدين اصعد فوق وراح تطلع الطلعة اما اذا تعلقت السيارة
وعجزت اتطلعة حط الدبل با الثقيل والقير على الريوس ونزلة لآن السيارة
ما راح تصعد فوق ابد
4-اذا بغيت تطلع طعس طويل واخر الطعس من فوق نزلة قوية مرة وانت
لازم تكون مسرع وذا نزلة ابسرعة راح تضرب وجه السيارة ويمكن تنقلب
افضل حل انك اذا صعدت الطلعة وانت مسرع بعدين جيت تبي تنزل قبل
الوصول ارفع رجلك عن البنزين بسرعة وانتبة تلمس الفرامل لأنك اذا
ضغطه راح تنزل السيارة من قدام يعني راح تنزل وجهية السيارة
5- كيف اتطعس على طعس طويل من فوق يعني على راس الطعس
الطريقه انك تجي من يمين الطعس وتصعده لاكن انتبة خل القير على
نمرة واحد وانت على راس الطعس امش مع الطعس ومسك الطارة ولف
يمين يسار لا كن على مهل مهو يعني تلف يسار يمين والطعس مستقيم
لا اذا كان مايل واذا حبيت انك تنزل من الطعس والطعس طويل انزل من
عند يسار افضل لك لأن الدفرنس يمين وعلى شان تكون نزلتك مضمونه
وانت نازل خل الكفر الي قدام على اليسار ينزل اول شي بعدين بشويش
انزل وخل الكفر الي ورا يسار ينزل بعدين انزل بشويش لاكن انتبه خل النمره مثل ما قلت على واحد ولا تهدي ابد
الا اذا بغيت تنزل شف للضغط حق السيارة وخلة على 4 وراح تنزل سليم
لاكن لازم تطبق كل الي قلت لك بحرص لأنك لو نسيت شي او هديت
راح تنقلب على طول
الأعطال الي دايم يقع فيها اي واحد يطعس :-
1- اذا تعطل عليك الكفر ولا معك ما طور او عفريته وش راح اتسوي
امش على الكفر لأنه ما راح يضره النفود بعكس المناطق الثانية
لاكن وانت تمشي علية حاول انك ماتخلي على الكفر حمل يعني لاتخلي
السيارة مايلة علية لأنه يمكن يطلع الكفر عن الجنط واذا وصلت لم ارض
قاسية هد على السيارة لأنه يمكن يتضرر الكفر او الجنط ولا تزيد سرعتك
عن 20 يعني تحمل ان تأخر
اما اذا تعطل عليك الكفر وسط النفود ماراح ترتفع العفريته لأنه راح تنزل تحت لأنك في نفود وافضل حل
انك تضحي بسجاد السيارة الي قدام الي تحط علي الرجلين حط
وحد فوق وحده وراح ترتفع السيارة على طول هذا اذا كانت السارة دفرنس
اما اذا كانت فريول صدقن ما راح ترتفع ابد الا اذا كانت العفريته من النوع
الي في البناشر الكبيرة لأن الفريول اذا ارتفع الشاصي راح ينزل الكفر
تحت يعني تضيع وقت وافضل شي انك تشتري العفريته الي من نوع حقت
البناشر لاكن شكل صغير وحطة على الشاصي الي ور الكفر على طول
2-اذا انكسرت عليك المروحة وش راح اتسوي وارتفعت الحرارة على طول
افتح السيارة من عند قدام وطفه ابسررعة وخلة طافيه حوالي الساعة
وعب السيارة ماء على طول لاكن اذا بغيت اتعبي لازم اتشغل السيارة
ولا راح يخبط راس المكينة على طول ا ول ماتعبي وتخلص حاول انك اتخلي القير على وضع ثلاثة ولا يصير الضغط فوق 3.5 على شان ماتحتمي
المكينة واذا مسكت الخط تأكد قبل يمكن تصير السيور متقطعة وذا كانت
متقطعة الله يعينك لأن الطرنبه حقت الماء ما راح تشتغل حتى لو كانت المروحة موجودة
امنا اذا كانت اسيور سليمة اهم شي انك اتعدى الــ80 لأن جميع السيارة
اذا تعدت الـ80 تفصل المروحة تماتيك وراح تشوف الحرارة على C وصدقن
انا امجرب الحركة هذي لأنه مجربه ومضمونه
ارجوا ان لااكون قد اطلت عليكم بهذا الموضوع
THE-NIGHT
