-
ياللي زعلت أزعل ولا ني مراضيك .. اشرب كدر ماي البحر كانه أرضاك
لاتحسب اني عقب صدك بداريك .. بعز نفسي عنك مدراك مدراك
اربع سنين وانا متحمل تغليك .. راضي بتعذيبك لجل قلب أغلاك
وخليتني واليوم والله لخليك .. وأدوس قلبي لينه يقول خلاك
قبل توريني الحسايف بوريك .. ليمن قال فلان هانك ووراك
كانك تحداني فانا اقبل تحديك .. وانسى الغرام اللي مضى واتحداك
ماني بقايل لك عسى الله يهنيك .. الله يحرمك كل ماكان هناك
عسى العمى ياخاين العهد يعميك .. فوق الغرور اللي عن الماضي اعماك
وعساك ماتسمع قريب يناديك .. حيثك تجاهه صوت محروم ناداك
وعسى الشلل يعوق رجل تمشيك .. لينك تندم ليش غيرت ممشاك
وعسى حياتك بس فرحه لشانيك .. يلقا بها الفرصه عدوك ويشناك
وعسى الليال اللي تجيني بطاريك .. يصبح عليها الصبح وتموت طرياك
وعسى المنام وكل راحه اتجافيك .. آمين حتى اللي تمناه يجفاك
وعساك ماتفرح وتكثر بلاويك .. وأمك تشق الجيب من عظم بلواك
ولا مت ، جعلك في جهنم اتصاليك .. نار الجحيم ونار دنياك تصلاك
الله يكره فيك حتى دوانيك .. غشاش خاين من من الناس داناك
هذي النهاية روح والله يجازيك .. امسك ويومك عن هوى الغد يجزاك
broken_heart1ksa@hotmail.com
-
-
صح لسانك وخشمك وأذنك وخشتك وكل شي
أمزح
-
-
حلوه مره
ومعنى خشتك يعني وجهك
-
-
صح ابدنك arcanine
صح ابدنك وخشمك وخشتك (وجهك) وخذ راحتك في المزح
مشكور اخوي HBK وهذا من ذوقك
-
ارجوك سامحه علشاني هالمرة ليش بتقاطعة
((ياللي زعلت أزعل ولا ني مراضيك ))
-
صح لسان الشاعر .. الشاعر طلال السعيد...
ولسان القايل.....
والسموحة:) :)
-
صح ابدنك اخوي Uncharted وياليت لو عندك قصايد حلوة لشاعر طلال السعيد ترسلها لي
-
ماعليك زود عزيزي ..
عندي كم شريط .. حاضر من عيوني آآآمر..
..
والقصايد بطرشهن في أقرب فرصة..
وصح لسانك والله على القصيده الحلوة.
-
