موضوع الاسبوع ادخل وش وش يتكلم عنه وخل عنك تبقيق العيون
قضيتنا اليوم والي سمحلي اخوي خوباج العزيز اني اكتبه عنه هو عن الانسان الحساس .
اولا الحساس هو الانسان صاحب الشعور المرهف الانسان الي ياخذ الكلمه ويحسب لها مليون حساب وانسان ممكن يزعل منك وانت ماتدري له وعلى ويش وفي الاخير تكتشف انه زعل من حاجه بسيطه بعينك بس كبيره بعينه , والحساس من اكثر الناس تعلقا باحبابه واصحابه ومن اكثر الناس مداراه على مشاعرهم ويمكنه يغثك بكلمة زعلت على الطالعه والنازله يعني مثلا يقولك ما ابي اروح اليوم معاكم يتصل عليك بعد ربع ساعه ويقولك زعلت تبي ترد طبعا لا والله مازعلت بيرد عليك الا زعلت(يوه وش يبي ذا:! ) تبي ولا اقولكم ابخلي ردة الفعل عليكم
طبعا الانسان الحساس موهب انسان غلطان ولا انسان ماشي بدرب غلط لان هذا طبعه وكما تعلمون الطبع يغلب التطبع ولاكن للعلم الانسان الحساس انسان رومنسي وهو من اكثر الناس عرضه لامراض مثل الضغط والسكري والقلب نتيجة الانفعالات والوسوسه الزايده ويمكن تصل بعض الاحيان لدرجة الانفصام بالشخصيه او الجنون.
هذا موضوعنا وارجوكم افيدونا بما عندكم
ملاحظه: انا من الناس الحساسين(موهب الحشاشين الله لايبلانا لاتفهمون غلط ابوقحص شيشه وتخب) والحمد لله قدرة اخفف من الحساسيه في الفتره الاخيره والحمد لله بديت ارتاح شوي من حرقة الاعصاب وعلى قولة المثل الكوري كونق بنق نامو دانو كانو سونا بينا كينا تونه تاني تينا بنقه سونا نيمي نام (يعني طنش تعش تنتعش)
