شطور ووحشتيني 0000 في البحرين مواقف ؟

طلعنا مع ابوي للبحرين مره من المرات
كان وقتها اعمارنا 18 شطور 17 وحشتيني
اخوان مابينا في العمر الا 11 شهر
تعرفون ابونا توه طاف في الزواج جاب شطور ولحقه بوحشتيني على طول مطفوق يحسب العرس عيال وبس.
لفينا بعيد عن الموضوع نتكلم وش صار لنا في البحرين .
اول ما وصلنا للبحرين سكنا في الفندق ونزلنا وخلينا ابوي يرتاح في الفندق نزلنا لقهوه تعرفون مراهقين وكنا ذاك الوقت نبي شيشه ووحشتيني فيه جرأه اكثر من شطور جلسنا في القهوه جاء راعي الطلبات وقاله وحشتيني واحد معسل بحريني
قاله مافيه انتا صغير طبعا تحطم وحشتيني في الرياض ما يسئلونه عن العمر ولا شي وشوي النظام مشددين عليه في البحرين
ابتسم في هذه اللحظه شطور ابتسامه الغرور والكبرياء وجاء يبي يتكلم ويطلب شيشه على انه الكبير مسوي فيها قاله حتى انتا صغير قبل ما يتكلم شطور تتدارك الموقف وقال لا انا ابي واحد عصير منجا يعني التصريفه على طول جاهزه .
يوم ظلمت الدنيا مسوين في بر وين ظلمت الدنيا يعني يوم جاء الليل رحنا ساحه التزلج وما ادراك ما ساحه التزلج صارت افلام هنديه واكشن وكوميديه الناس بطلت تتزلج وطايحين يضحكون علينا حنا وجيهنا اول ما جينا في الثياب رايحين لساحه التزلج فصخنا الثياب وفي سراويل السنه والجزمه وانتم في كرامه حقت التزلج طويله الى نص الساق تخيلوا الاشكال ركزوا معي من فوق لتحت
طواقي بيض + فنايل داخليه ومن زين الامور علاقي بعد + سراويل سنه مشقوقه مع الركب = ؟؟؟؟
وش تتوقعون يساوي
يساوي عينات مهبل من مراهقين السعوديه
شطور خواف ووحشتيني تبيخص وقال ابعد انا اعلمك
شطور بينه وبين نفسه يقول (والله امحق وشلون تعرف وانت على رمل ما تزلجت ) المهم اقتنع شطور رضى ولا ما رضى اقتنع وبس ويمسك يدين وحشتيني ويبون يتزلجون مافيه احد ما ضفوه في طريقهم للسور المقابل للمكان الي نزلوا منه
الي اذكره انه السور فيه علامه ببسي بعد ما صحينا لقيينها في جبهت وحشتيني وشطور برطمه انتفخ وغطى على خشمه تعرفون خشمه صغير تغطى بسرعه.
رجعنا للبيت معنا ادويه وربطات كلها فيكس وجيزال ومن طقتهم عشان الاصابات رحنا للفندق وقابلتنا وحده وتتكلم انجليزي ورد عليها وحشتيني وهذا الحوار الي دار بينهم خلونا نشوفه
الانجليزيه :what happen with both of you(ماذا حدث لكما )
وحشتيني الخبير انقليزي :i am 17 old(يحسبها تسئله عن عمره يعني انها معجبه قال عمري سبع طعش)
الانجليزيه:what u r donig hear?(وش عندكم فيذا مسويه من اهل الرياض)
وحشتيني الخبير الانقليزي:we want to have eat 2 pepsi (وحش يحسبها تقوله وش تبون قالها حنا نبغى ناكل اثنين ببسي ركزوا على ناكل )
هذا وجابت لنا ابوي بعد ما صفقتنا لانها ما فهمت وش نبي او حنا ما فهمنا مدري بس واحد منا ما فهم
وطلعنا للغرفه حلف ابوي قال ما عاد والله تطبونها

ومن بعدها اللتفت علينا ابوي وقال لو اني مشيتها بوس ما تحسون انه احسن بس مطفوق اني جبتكم