مرحبا :)
راح أدخل بالموضوع على طول :(
أنا في فاينل فانتسي 5 وصلت لما بديت أتحكم في السفينة البحرية في خريطة العالم علشان لازم نوصل لمكان كرستالة الأرض قبل أن تتحطم و بذلك يعود اكس ديث للحياة .. لأنها آخر الكرستلات الأربعة المتبقية !!
المشكلة أني ما أعرف وين لازم أروح و وين ألقلى مكان كرستالة الأرض .. و المصيبة أن ما عندي للحين خريطة العالم :": :": :":
فقولوا لي وين أروووح و شنو أعمل :"
معك السفينة الطائرة :أفكر:
بأسألك ايش سويت بالضبط...
هل غرقت السفينة وأخذت الشكوبو الطائر...
وبعدها حصلت على السفينة الطائرة...
وإلا لسه...
إذا حصلت على السفينة الطائرة، اذهب لمدينة أثرية جنوب صحراء الرمال المتحركة...
تقابل فيها الملك ( شبح الملك ) بعدين بتسقط في حفرة تدخلك مدينة متاطورة، وإذا نجحت في الخروج من المدينة المتطورة، ستطير المدينة في الفضاء وستجد نفسك في العالم الخارجي...
ارجع للجزيرة على شكل هلال... وانزل فوق مربع الحديد المقابل للجزيرة...
المهم تقابل سيد ويطور سفينتك اركب السفينة وطير بها وكل ما عليك تضغط أحد الأزرار (الزر اللي تضغطه لانزال السفينة) ويجيك سهم تختار منه فوق أو تحت...
اختار فوق وترتفع السفينة للأعلى وبتواجه السفينة الطائرة...
وبعدين بعد تفجير كل مدافعها تدخل داخلها وتحصل وحش ( لا تستخدم السحر ضده) أنصحك تخلي الفريق كلهم Monk وتهزمه ضربا بالأيادي...
وتتحطم الجوهرة ...
حاول تفهم كلامي وقل لي إذا في شيء ما فهمته...
أنا منهي الخامس من بداية العطلة يعني ناسي أشياء وملخبط أشياء...
شوف حسونه أنا شنو عملت و شنو صار لي :
بالأول صار حادث انفقد فيه سيد و ظنوا الأبطال أنه مات .. فراحوا للمكتبه و هناك وجدوا حفيد سيد الي اسمه ( Mid ) و الملقوفه فارس قالت له أن جده مفقود و مو عرفانين اذا كان حي و لا ميت .. هني انجن ميد و زعل فطلع من المكتبه و هو يركض و مصدوم .. المهم بعدين خرجت من المكتبه و رحت للأعلى ثم الى اليمين و دخلت مدينة النار .. صعدت لمقهى للدور الثاني و لقيت سيد قاعد و هو متحطم .. فجأة دخل حفيده ميد و بده يضربه و قال عنه أنه عجوز أحمق لأنه أرعبه .
المهم طلعنا من المدينة و كان في قبالها على الشاطئ سفينه .. ركبنا فيها و قال سيد للأبطال أن ينزلوا لتحت و يرتاحوا علما يجهزوا السفينه .. قمنا و نزلنا تحت و هناك صار جالوف يتذكر أن عنده حفيده .. و أنه مو من هذا العالم .. و أنه من 300 سنة أتى الى الأرض مع ثلاث آخرين و حبسوا اكس ديث .. و اكس ديث هذا ماراح يطلع الا اذا تحطمت الكرستالات الأربعه .. و الحين تحطمت ثلاث كرستالات و باقس وحده فقط و هي كرستالة الأرض .. و لازم يوصلوا اهناك بسرعة قبل لا تتحطم هي الأخرى .
بعدين باليوم الثاني استيقضوا من النوم و صعدوا للسطح و راح سيد مع حفيده خارج السفينه و تركوا الأبطال يقودوا السفينه .. و هني صرت أنا أتحكم في السفينه في خريطةى العالم .. و الحين أنا ما أعرف لوين اروح و شنو أعمل و اشلون أوصل لكرستالة الأرض :" :"
هذه القصة من الطأطأ ... الى السلام عليكم .. و يعطيك العافية حبيبي حسون :)
هي شوي تلخبط بس استلم مني:
تأخذ السفينة شرقا إلى جزيرة الهلال Crescent Island
هذي الجزيرة موقعها بعيد ويمكن تلخبط إلين تحصلها...
وهذي الخريطة:
http://www.rpgclassics.com/shrines/s...ps/ff5map1.jpg
تشوف الجزيرة على شكل هلال هذي لازم تروح لها...
وعندي لك سؤال:
حصلت على شيفا؟!
مشكووووووور حسونه على المساعده و الخريطة .. يعطييييك العافييية :0) :0) :0)
أما شيفا اي حصلتها .. في قلعة Worus ":" .. الا قولي أنا ليش للحين ما عندي خريطة للعالم في اللعبة ?:
تبغى الخريطه انا اقولك وينها انت شفت في البدايه تروحون سفينة القراصنه المتحطمه دور هناك حتلقى هناك طاوله وفوقها ورقه اضغط عليها وبس وانت بره اضغط مربع وبتطلعلك الخريطه
يلا سلام
شوف يمكن ما أخذتها...اقتباس:
الرسالة الأصلية كتبت بواسطة M7MOOOD
مشكووووووور حسونه على المساعده و الخريطة .. يعطييييك العافييية :0) :0) :0)
أما شيفا اي حصلتها .. في قلعة Worus ":" .. الا قولي أنا ليش للحين ما عندي خريطة للعالم في اللعبة ?:
بس انت على أي جهاز قاعد تلعبها...
لأنها واحد من الزرين X أو Y ---- مثلث أو مربع...
واذا كنت تلعبها على الكمبيوتر اضغط Delete...
على العموم أنا أول مرة استخدمت الخريطة (ما في داعي أقول لك عشان ما تخرب القصة) يعني اعتقد إنك ما تحصل عليها إلا هناك...
على فكرة حاول يكون ليفلك 20 أو أكثر لأن في مشاكل جايتك قدام :) ...
شكرا لكم جميعا على الردود .. يعطيكم العافية انشاءالله .. و أنا قاعد ألعب اللعبة علا البلاي ستيشن 1 :)
اقتباس:
الرسالة الأصلية كتبت بواسطة star dragon
تبغى الخريطه انا اقولك وينها انت شفت في البدايه تروحون سفينة القراصنه المتحطمه دور هناك حتلقى هناك طاوله وفوقها ورقه اضغط عليها وبس وانت بره اضغط مربع وبتطلعلك الخريطه
يلا سلام
ماشاء الله ذاكرة قوية حتى أنا نسيتها...:)
أقول .. أنا الحين أخذت الشكوبو الطائر بالتو من الغابة الموجودة في الجزيرة على شكل هلال .. شنو أعمل الحين و وين أروح .. و شلون أنزل من على ظهر الشكوبو علما بأني ألعب على البلاي ستيشن 1 :":
معقولة يا محمود ترجع الأيام الننتندو انت ما قلت انك معاك ps2
انا تبت من ff6
وما راح ألعبة ثاني مرة
توبة
اقتباس:
الرسالة الأصلية كتبت بواسطة LU BU
معقولة يا محمود ترجع الأيام الننتندو انت ما قلت انك معاك ps2
انا تبت من ff6
وما راح ألعبة ثاني مرة
توبة
و هذه شنو فيها ؟
عادي .. أنا جودة أو ردائة الرسوم لا تهمني .. بل تهمني المتعه و التسلية الي راح أحصل عليها عندما ألعاب الألعاب .. فأنا أشتري الألعاب علشان أستمتع بها .. مو علشان رسومها ?: