هذا يكــــــــــــفي....

قبل لأدخل في الموضوع احب ابين اني اتعامل مع ظاهرة بدت تنتشر فأرجو ان لا يزعل احد من الكلام او ياخذه بشكل شخصي
بدت من فترة ظهور موجة (من احق باللقب) ... ويقلب الموضوع تحدي ... واحد يهين والثاني يسأل ... وفي النهاية يقب الموضوع ولا ينتهي.
خلونا نخلص من هالموضوع هالحين ...معليش امشو معي خطوة خطوة
اول ما الواحد يبي يسجل في المنتدى ...له حرية اختيار الاسم ... يعني كل واحد يسمي نفسه الي يبيه...
طيب في ناس ماخذين هالموضوع جد اكثر وشايفين ان (اللقب) لازم واحد يأخذه عن جدارة... فقامت التحديات ...
طيب لو بنسوي مسابقة والي يفوز فيها يأخذ اللقب؟؟؟
بتكون المنافسة على اي اساس؟؟
1) عدد الالعاب الي خلصها؟ ما أظن عشاني ما اظن انه مجال منافسة وانما مجال تحقيق ارقام قياسية تدخل في موسوعة جينيس ...
طيب تخيلوا اننا نبي نخلي التحدي يكون على لعبة وحدة بس ... مرة ثانية على اي اساس بيكون التحدي؟؟
2) المعرفة بالقصة؟؟ ما اظن احد لعب rpg وما يعرف القصة
3) الى يخلصها اول؟؟ ما تسير عشان كذا اكون فوت احداث فرعية واسرار وادوات اضافيةو و و و ....غيرها...وممكن يكون الواحد بطئ في القراءة.
4) الي يأخذ كل الادوات ويعرف اسرار اللعبة؟؟ طيب كذا نكون اهملنا القتال والقصة وخلينا الموضوع كأننا قاعدين نلعب لعبة مغامرات.
5) القتال؟؟ هذي عاد مستحيلة..
تدرون ليش؟؟ عشان في ناس تعتبر الحرافة في انك تخلص من المعركة بسرعة.. غيرهم يشوفون الحرافة انك تخلص من الرئيس وانت ضعيف ... غيرهم يشوف ان الهجوم من اول لحظة احسن ... الثانيين يقولون تأمين الدفاعات أحسن...وغيرهم وغيرهم ...
يعني لكل واحد رأيه واسلوبه وما احد يقدر يقوله انك غلطان ..

يعني في النهاية ما نقدر نقيم مثل هالتحدي فيبقى اللقب مجرد تسمية ... والي يصر على انه يقيم تحدي فأشوف انه قاعد يظلم هالالعاب ... لأنه بالطريقة ذي قاعد يحد من مجال هالنوع من الالعاب الي جمعت عناصر كثيرة وكانت سبب في انتشارها حول العالم واتساع جمهورها.

لا تعليق يرفع لاهمية الموضوع :)

والله كلام حلو ورهيب بعد .

وبعدين هذولي دوخونا قلبوها هواش بزارين (أنا الامبراطور لا أنا لا أنا أقولك وجع أنا طخ طيخ ) وأخر شئ (وا وا ماما وا وا ).

هذولي مايستحون على وجيهم حتى أول فيه ناس أقرأ مواضيعهم ومحترمهم يوم دريت الا هم داخلين في الهواش مثل البزارين .

حتى المنتدى أنعفس بسببهم.

أنا إسمي جاء كمجرد إسم وليس لقب أعتز فيه

حكمت المحكمه بعد سماع اقوال الشاهده ( يونا ) بالاعدام للدب زيزو شنقا وبالسجن المؤبد لتايدوس امبراطور RBG .......رفعت الجلسه .
هه هه هه هه هه هه هه هه هه هه هه هه هه ( شباب لا تصدقون تراني امزح )

كلامي في هذه المسابقة:
أن لا ناقة لي فيها ولا جمل