ما يناسبك ايتها الفتاة من الاتي ؟؟؟

والله بالعادة انا مانب راعي قص ولصق لكن وش اسوي لقيت هالموضوع بايميلي قلت يارجال خلن اشارك فيه يمكن يجوز للاعضاء .

اكيد كلكم قريتوا موضوع كيف تختار زوجتك ,والحين جا دورنا ...بنااااات ابعلمكن كيف تختارن رجالكن
:خليكم معي
خابرين انتم اهل نجد ما يطلعون عن عيالينهم (قهرر من ملحهم عاد )ـ

عيال الزلفي :الزلفي وما ادراك ما الزلفي لووول , والله ما ودي ابدى فيها (وش انتي يالزلفي حتى يبدى بك) بس وش اسوي فيها شي ما ينسكت عليه ,ـ
بنااات لا تقربون عيال الزلفي واااو مرة ينرفزون مايرون الحرمة شي عادينها شي مايستغني عنه بس على غير سنع مثل السيارة ولا عاد تفكيرهم قديم شوي .ـ
--------------------------------------------------------------------------------

عيال سدير(مادريتا,ياحدين ): جاني الضحك وانا اكتب عيال سدير لووول (ياملحهم) صراحة فيهم طيبة بزياادة تصل لحد السذاجة احيانا ,ماعندهم اهتمامات مستقبلية بس مررة حبوبين وراعين سواليف وخصوصا السوالف النسائية بس فيهم لقافة زايدة تقل حريم ..اللي تبي رجال تدبره على كيفها لا تتعداهم , بس عاد لا تنسين تسمكيرنه وترتبينه ـ
--------------------------------------------------------------------------------

عيال القصيم (بووه , وراوه ) : يمه خفت وانا اكتب اخاف يطبون علي يوحشوون ,خابرين انتم عاد يهود نجد (التعصب الزايد لبعضهم ),عيالهم عندهم قوة زايدة وحب سيطرة على المرأه تعجب البنات لانها فيها رجولة تحسسك بإنوثتك يا انسة , مشكلتهم يرون انفسهم احسن الناس ويستهترون بغيرهم ,طموحين بزيادة وهذا شي واضح بدليل اغلب المناصب ماسكينها ,فيهم ذهانة زايدة تتحور احيانا لنجاسة ... اذا كنتي تبين رجل يعتمد عليه وتفتخرين فيه بس تحملي السلطة عليك لاتتعدين القصيمي بس انهم يهود مايبون عناصر دخيلة ياتكونين قصيمية يامالك في القصيمي نصيب ..قهر (تحب واحد قصيمي ) لوووول
--------------------------------------------------------------------------------

عيال الدرعية وخواتها (العيينه وما العيينه)(انوم ,إنا ) اذا انتي يهمك المظهر قبل الجوهر هذا الاختيار الصحيح عيالهم مافيهم شي شين بس مهنا ذاك الزود غالبا سطحيين , افكارهم سخيفة احيانا , علاقاتهم بالجنس الاخر باردة لاهين بأشياء ثانية (ظنك وشو هالاشياء الثانية ) كل شي فيهم شابص كنهم مرشوشين بمريتو حتى اصواتهم !! اذا انتي منتي مهتمه بحياتك الزوجية بس تبين واحد تورينه صديقاتك لا تتعدينهم
--------------------------------------------------------------------------------

عيال الوشم(منحب,بصرك): متغدي ولا شارب لبينه , تنام عندي ولا المسجد ابرد ؟!! اذا انتي تبين واحد لسانه زين ويوسع الصدر ويخليك اميره في الاوهام بس الواقع ولا شي !! ذولا هم ... بس فيهم شي مره حلو جلستهم ما تنمل عليهم اسلوب بسيط جذاب بس العيب اللي ما يحتمل انك تطلع روحهم ولا تطلع منهم ريال
--------------------------------------------------------------------------------

عيال حايل (يابعد حيي) ماش اهل شمر يملون عينك مع انهم بدوان يمكن هذا اللي مخليهم رجال واهل كرم ,يحبون البنيات مافيهم عيب واضح الا كان شهابة البدو , اذا انتي تبين واحد يناظر وجهك بس مو المناظر اللي تبينه لاتتعدينهم


بناااااات ما تلاحظون ان مافيه احد نعرس عليه ...ياربيييييه وش نسوي ,,وش رايكم نحول على الحجاز اصرف (بس اهلي ما يرضون ) قهر والله انهم مفروضين علينا فررررض