FF7 : Official Arabian Walkthrough !

قال تعالى :
بسم الله الرحمن الرحيم
{ اللّهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ }
صدق الله العلي العظيم

بسم الله .. أفتتح موضوعي هذا .. موضوع الحل الكامل لفاينل فانتسي 7 ... و ان شاء الله من اليوم .. لي اجل غير مسمى :D راح أكتب الموضوع .. و ان شاء الله اخلصة بأسرع وقت.. عشان الكل يستفيد من الموضوع قدر الامكان .. و أتمنى أن الموضوع يعجبكم .. خاصة أن كل تعبي راح أصبة عليه .. :) .. وما راح أخلي شي حق مواضيع ثانية .. ":"

واللي له رأي او كلام ودة يوجهه لي شخصيا مثل : انتقادات ، إفادات ، أخطاء في الموضوع بأحد مضامينة .. فأتمنى أنه يي يسألني على الخاص .. مشان الموضوع راح ياخذ مجرى ثاني مغاير..

والحين نبدي .. Final Fantasy 7 : Official Arabian Walkthrough .. :)

http://members.lycos.co.uk/neocid/FF7a/first2.jpg

سلام ! .. ;)

الله يوفقك .. :)

ببس لو أنك مخلي العنوان عربي كان على الأقل ينطبق مع الموضوع :0)

سيكون القسم الأول لبعض التعليمات البسيطة في اللعبة .. فإذا كنت أنت لاعب مبتدئ في اللعبة فيفضل أنك تقرى هذي التعلميات البسيطة اللي ان شاء الله تفيدك باللعب .. و أيضا باللعبة نفسها فيه مكانين تقدر تتعلم من أشياء بسيطة .. و المكانين هم : غرفة التدريب في Sector 7 و مدينة Junon البحرية ! .. و إليكم التفاصيل ..

تعليمات عامة :
1- حاول أنك تحفظ اللعب قدر الإمكان لأنك لن تعرف ما الذي يخفتي في الحركة الثانية من اللعب ! ..

2- تكلم مع الناس كذى مرة .. بعض الشخصيات سيتغير مجمول حديثها عن المرة الأولى .. وقد تفيدك هذي الشخصيات في أمور كثيرة باللعبة !

3- عند حصولك على أيه مركبة .. تأكد من أنك ستتركها في مكان يسهل عليك الرجوك إليه و إلا .. ستفقد طريقك و المركبة معا! :D

4- ركوب الشوكوبو هي طريقة سهلة و ممتعة للتنقل حول العالم بسرعة .. و هو دائما الاختيار الأفضل .. !

5- القتال عند انتقالك من مكان إلى آخر هو فرصة جيدة لكي تزيد من طاقات فريقك و أنت تزيد من حجم مخباة الشخصيات ( فلوس ) :D


الأدوات :
1- أحمل ما تقدر عليه من Potions ، Ethers و Phoenix Down .. هذه الأدوات قد تساعد كثيرا حين تقاتل .. خاصة عند نفاذ طاقة السحر من عندك .. :)

2- معظم الحالات في اللعبة ( Status Effects ) مثل الدواخ أو التسمم .. قد تزول بعد انتهاء القتال .. ولك يجب عليك أن تحمل قدر الإمكان من هذه الأدوات .. خاصة النوع الذي يداوي هذه الحالات .. ولذلك .. لا تخسر مالك فيه شراء الكثير من الأدوية و بعد ذلك لن تستفيد منها ! ..

3- أبحث عن ادوات نادرة من Power Source و Guard Source لكي تعطي الشخصيات نوع من الطاقة ودفع .. و كل Source يزيد شخصية واحدة نقطة واحدة من حسب نوع المسحوق المستعمل ( Source ) ..!

4- ستلاحظ أن الكثير من الماتيريا ليس لها فائدة .. ولكنك قد تستفيد منهم في أوقات أخرى .. فلذلك .. لا تستعجل تبيع الأدوات .. بل انتظر .. فقد تفيدك هذي الأدوات الغريبة في اشياء أخرى !


يتبع ........ :)

اقوول انت بكم شريت المجلة ؟؟؟؟

بالتوفيق انشاء الله :0)

والله يعطيك 1560 عافية :cool:
ويخليك ربي ":"

واكد3000 :

مشكور على الرد أخوي واكد .. بس كان بودي أني أكتب العنوان عربي .. لكني قلت لو أكتبه انجليزي بيكون مختلف عن باجي المواضيع العربية و الواحد يقدر يلاحظة بسرعة ! .. :D

وحياك الله ! .. ;)

واحد حلو :

حياك الله .. لو ما أجذب عليك .. 3 دنانير.. :D

SUPER_SAIYAN :

ياهلااااااااااااااا خيو سايان .. :p

مشكور على ردك .. صراحة توقعت أنك راح تكون من أوائل المهنئين .. ( حشى عرس .. :p ) .. الله يعافيك خيو ..

و حياك الله بكل وقت ! .. ;)

ماني بادي بالشخصيات لأن الكل يعرفها .. لني فضلت أن البداية تكون عن شاشة التحكم :
شاشة التحكم :

http://members.lycos.co.uk/neocid/FF7a/a02.jpg

الله يسلمكم .. هذي الصورة تبين الشاشة الرئيسية لمن تضغط ( مثلث ) أثناء اللعب .. و القائمة بفسرها لكم الحين .. :
1- اسم الشخصية

2- ليفيل الشخصية ( LEVEL ) .. و يعبر هذا الرقم عن مستوى الطاقة الذي وصلت إليه الشخصية ! ..

3- HP .. و يعبر هذا الرقم عن طاقة الشخصية !

4- MP .. و هذا الرقم أيضا يعبر عن الطاقة السحرية لدى الشخصية ! ..

5- هذا العداد الطويل يعبر عن عدد النقاط EXP المهارات التي سيحصل عليها الشخصية بعد القتال .. وكل ما قاتلت الشخصية .. كل ما حصلت على EXP أكثر .. و كلما زاد مستوى الشخصية أكثر ..

6- و هذا العداد يرمز على الLIMIT لدى الشخصية .. فحين تتلقى الشخصية عدة ضربات ..فعداد الليميت سيمتلئ .. و لمن يمتلئ بشكل كامل راح تقول الشخصية بالقيام بحركتها السرية أثناء القتال ..

7- Items .. و هذا القسم هو القسم الخاص بالادوات التي تحصل عليها و المفاتيح أيضا ..

8- Magic .. هذا القسم هو القسم اللي من خلالة تقدر تشوف أنواع السحر الموجودة لدى الشخصية .. فكل شخصية راح يكون لها سحر على حسب الماتيريا Materia اللي راح تعطيه للشخصية .. فمثلا إذا أنت حصلت على ماتيريا Cure و عطيها لأحد الشخصيات .. فيمكنك أنك تدخل على قسم ماجيك الخاص بالشخصية و تستعمل هذا السحر Cure أثناء القتال أو أثناء تحركك في أي مكان ! ..

9- Materia ..و هذا القسم هو قسم الماتيريا .. و سأتطرق إليه في وقت لاحق ..

10- Equip .. هذا القسم هو القسم الخاص بالأسلحة و الدروع اللي راح تعطيها للشخصية ..

11- Status .. هذا القسم هو القسم اللي تقدر من خلالة أنك تاخذ نظرة فاحصة على شخصياتك .. و تقدر أنك تشوف قوة الشخصية و هجومها و دفاعها ومهاراتها في استخدام السحر و سرعتها و و و و .. إلخ ..

12- Order .. هذا القسم هو القسم الخاص بأنك تخلي الشخصية متقدمة بالقتال أو متراجعة .. على حسب .. ولسهولة الفهم .. أنك مثلا تبي الشخصية آيريس تكون خلف الشخصيات الموجودة .. فتقدر .. و جذي آيريس احتمالية إصابتها من قبل العدو راح تقل .. و الشخصيات الأمامية راح تتلقى ضرب أكثر من الخلفية ! .. و أيضا في نفس الحالة .. لا تحط شخصية خلفية و عندها سلاح مثل سيف أو عصاة .. لازم تكون شخصية تمتلك خاصية Long Rang.. يعني بإمكانها الإصابة من بعد .. مثل فينسنت اللي عنده مسدس .. أو يوفي .. اللي عندها نوع من الأسلحة اللي ترميها و من ثم ترد لها ... ! ..

13- Limit .. هذا القسم تقدر من خلالة أنك تختار الحركة الخاصة للشخصية كيف تكون .. و كلما كانت الشخصية تقاتل اكثر .. كلما زاد الليفيل مالها .. و كلما تعلمت حركات ليميت اكثر .. و تزداد قوة الليميت بزيادة الليفيل ! ..

14- Confing.. هو التغييرات اللي تقدر تجريها على اللعبة من حيث السرعة أو لون الMenu .. على حسب اللي تشوفه .. و الصوت بعد ..

15- PHS .. هذا هو مثل جهاز تليفون نقال ( جوال ) :D .. و تقدر أنك تحصل على هذا الجهاز بعد ما تعدي مدينة Midgar .. و تقدر من خلال هذا الجهاز أنك تغير بين شخصياتك .. و تتحكم فيها .. و تختار الشخصيات اللي ناوي أنك تحطها مع البطل كلاود .. و ما تقدر تستخدم هذي الخاصية إلا إذا كنت بخريطة العالم أو أي مكان للحفظ ..

16- Save ... و من هذا المكان تقدر تحفظ لعبك .. وما تقدر تحفظ إلا بخريطة العالم أو لمن تشوف شي اسمه Save Sphere .. :)

17- هذا يشير على المدة الزمنية اللي قاعد تلعب فيها اللعبة ! ..

18- و هذا يشير إلى كمية النقود (Gil) اللي حصلت عليها في اللعبة ! ..

19- هذا القسم يشير إلى المكان اللي موجود فيه الحين .. مثلا أنا الحين موجود في طائرة الهايوند Highwind ..:)


يتبع ............. :)

مشكووووووووووووووووووووووووور

بس كأنه متاخر شوي :6

على العموم شكرا

ويا الله شلون تكمله والامتحانات السبت

:6

الله يعينك على الحل و لا تنسى تضيف بعض الأسرار إلي عطيتك إياهُم.

موضوع في غاية الروعة أرجو الإكمال
والى الأمام:cool:

مشكور...والله يعينك على التعب...


بس حبيت انبهك لبعض الاشياء اللي ممكن تخرب عليك موضوع كله :)...<--- نصيحة مجرب

1) موضوعك حل كامل...يعني اكيييد لو شافه اي واحد من المشرفين بينقله لمنتدى الحلول (مثل ما صار معي :() واللي بسببه وقفت الحل اللي كنت اكتبه...

2) انا زي ما قلت مجرب قبلك اني اكتب حل كامل لهالجزء بالذات...وساعدني فيه عضوين من اعضاء المنتدى..هم تركواز و سكوال <-- اسمه بالانقليزي...وبصراحة ما قصروا الشباب تعبوا معي لما في الاخير كملنا الحل حق الCD الاول فقط :أفكر: والسبب...ان متابعته بالتفصيل متعبة مرة...واللي حطمنا تماما...ان واحد من المشرفين نقل الموضوع لمنتدى الحلول...





هذي شوية تنبيهات من واحد مجرب :)....اذا قدرت تعديها يكون تمام...واذا احتجت اي مساعدة تقدر تقتبس من موضوعي (تلقاه في منتدى الحلول :))

شكر لكل من rk LINK@(| و Dark Zero و flanteus و naf على ردودكم ! .. :) و هذا من ذوقكم أن الموضوع اعجبكم .. الحمد لله !.. :)


naf :

مشكور أخوي ناف على نصيحتك .. :)
اي صح . .أنا كان عندي موضوع مساعدة في فف7 .. للأسف أحد المشرفين نقلة لي منتدى الحلول .. و الموضوع الحين ميت .. لو تتخيل . الموضوع كان حوالي 350 رد بدون مبالغة .. و المشكلة .. أن الموضوع الحين ميت هناك ! .. :(

بس أنا بحاول .. بكلم كذى مشرف و مراقب.. لأن هذا الموضوع راح يشمل كل شي عن فف7 .. كل شي .. يعني راح يكون موضوع معاه صور أنا من نفسي بلتقطها من اللعبة ..:أفكر:

أعتقد أن الموضوع راح يتعلق بكل شي .. يعني كل شي .. يعني كل شي .. حالة مثل حال اي موضوع في هذا المنتدى .. ليش ينقلونة ؟ .. بس أنا بدعي الله أنهم ما ينقلونه بس .. و الباجي على الله ! .. :p

مشكور أخوي على نصيحتك .. لكني ناوي أسوي الموضوع من أول على طريقتي .. بس ان شاء الله .. أروح أشوف موضوعكم في منتدى الحلول و أدور عليه .. ويمكن يفيدني في بعض النقاط ! .. :)

مشكور مرة ثانية ..

سلام !. . ;)

واو .. بداية روعة ..

وانا بحاول اخلي الموضوع هني ..

لانه ما اعتقد انه حل كامل وبس ..

واذا نقلته .. اتوقع اني بنقله للمميزة :) ..

ثانكس سيد على الموضوع ..

الله يعينك على كتابنه لانوا الحل الكامل يبغا له تعب كبير وخصوصا فاينل فانتسي 7لانوا طويل وفيه دقائق صغيرة صعبة شويه .........المهم ما نبغا نحطمك الله يعينك على الحل واحنا بانتظار التكملة ( وكثر بهارات شوي على فينسنت ) :D ومشكــــــــــــــور على المجهود ...... مقدما .......

الماتيريا Materia :

هذا القسم من اللعبة يعتبر من أهم الأقسام اللي لازم أنك تفهمه .. و الحين .. نبدي .. الماتيريا .. هي مثل كريستالات سحرية .. كل ماتيريا لها فائدة .. مثل الماتيريا الخضراء تستخدم للسحر .. وهكذا ... و الآن لكم التفاصيل : ..

http://members.lycos.co.uk/neocid/FF7a/a01.jpg

1-ماتيريا السحر Magic Materia :

وهذي الماتيريا تقدر تتعرف عليها عن طريق لونها الأخضر .. و هذي الماتيريا تستخدم للسحر بجميع أنواعه .. للقتال أو المداواة .. و يمكنك بعد شراء هذي الماتيريا من محلات الماتيريا المنتشرة بأرجاء الكوكب ! .. :)

2-الماتيريا المساعدة Support Materia :

و هذي الماتيريا تسمى الماتيريا المساعدة ... لأنك ما تقدر تستفيد منها إلا إذا وضعتها مع ماتيريا سحر أخرى .. و هذه الماتيريا تعطي السحر مفعول .. مثلا ماتيريا السحر Fire النار .. تسوي السحر على عدو واحد .. ولكنك إذا وضعت ماتيريا المساعدة All مع ماتيريا النار .. تقدر تحصل على قوة سحرية تخليك تسوي السحر على كل الأعداء الموجودين بالقتال .. و الماتيريا المساعدة لها الكثير من الأنواع المساعدة .. و كل نوع له دور مخصص ! ..

3- ماتيريا الاوامر Command Materia :

هذي الماتيريا الزين فيها أنها ما تاخذ منك مكان .. بس لو تحط ماتيريا الأوامر بروحها راح تعمل لك على حسب دورها المكتوب لها باللعبة ! .. :D .. مثلا ... ماتيريا الأوامر Throw .. تستخدم هذي الماتيريا لقذف الأشياء فقط .. و ماتيريا Steal تستخدم للسرقة ..... إلخ ..

4- الماتيريا الحرة Independent Materia :

هذي الماتيريا تفيدك وايد بالقتال .. و من ميزاتها أنك تقدر تستفيد منها بروحها.. بس لها فوائد كبيرة أثناء القتال .. فهذي الماتيريا ما تقدر تشوف فوائدها نظريا .. بل إذا تبي تشوف فوائدها ما تقدر تلاحظه إلا لمن تلعب بالشخصية اللي أنت معطيها هذي الماتيريا ..

5-
ماتيريا الاستدعاء Summon Materia :

وهذي الماتيريا من أهم أنواع الماتيريا بعد ماتيريا السحر .. و من هذي الماتيريا تقدر تستدعي وحوش الاستدعاء المعروفة في كل أجزاء فف .. و تقدر تعطي أي شخصية وحش استدعاء على كيفك.. و المهم .. لا تعطي الشخصية وايد وحوش استدعاء لأنك راح تندم وقتها ( التفاصيل قريبا ! ":" ) ..


يتبع ............ :)