السلام عليكم ...
أولاً أنا متحمس لجهازي عان لعبAة (GTA) لأني أدمنت الجزء الثالث إدمان وصرت أناL أسبوع عند أعيال عمي عشان ألعبها ...
وهذي مأسأتي مع الجهاز حقي :::
مرة قاعد ألعاب (فاينل فانتسي10) وكان الكوكا اللي قاعد أشربه جنبي ... وأختي الصغيرة عندي تطالعني وأنا ألعب ... وجا أبوي ينادي أختي تعشى ... وهي طالعة من الغرفة تحك رجلها بالكوكا ... وأنا اللي بغى يغمى علي ... المشكلة أني ثور أنا ... بعد ما حكت رجلها ما انكب الشراب ... بس من صرختي عليها نزت وخافت وهذي رجلها حتكت الكوكا ... انكب الشراب على الجهاز ... لااااااااااااااااااااااااااااااااااااا ...
وأنا طحت سب فيها لين ما تعب لساني ...
لو أني ما تعوذت من إبليس كان فقعت وجهها ...
وقمت أدور بنص محلات الخبر ... وفقدت الأمل بتصليحها ... كل واحد يقول جهازك ما في أمل يتصلح ...
لين ما الله قوى رجلي عشان أروح محل معفن في اخر مجمع الراشد ...
صلحها بس بغى عليه (580 ريال) ... قلت له خلها عندك لين ما أدبر لك ...
وللحين أجمع فلوسي لين أكمل المبلغ المطلوب ...
~~~~~~~~~~~~
الحين عرفتم سالفتي ... أجل انتبهوا تحطزن ببسي ولا عصير جنب الجهاز حقكم ...
ترى بيجي يوم بتعذبون مثلي ... إذا ما اهتميتوا بجهازكم ...
هذا اللي بغيت أقوله تنبيه لكم ...
وشكراً ,,,
