عماد18 وتيودس ممكن تجون هنا؟؟؟

ممكن ابي اعرف وش سالفتكم من يوم جيت لها المنتدى وانتم مشغلينا هذا نصاب وهذا ما ادري ايش فياليت واحد منكم يتركم ويعلمني وش السالفة ونشوف وش اسباب الخلاف وان شاء الله راح نحله
ملحوظة صغيرونة رجاء لا احد يرد الا عماد او تيودس والسلام :)

بأرد كذا عناد:D
إذا كنت تبي تعرف المشكلة زور منتديات فاينل فانتسي

حلوة يا راشين بس ابي منك خدمة روح وشوف وش قال تايدوس بعد ما اعطانا الموقع اللي امس قعدت احاول معاه ساعتين يعطيني اياه و اكتشف بنفسك ليش انا ما اثق في كلامه ..
اخ البرت انت قلتها ماتدري وش السالفة لكن انا ابعطيك بعض المعلومات :
المدعو تايدوس يقول انه مندوب سكوير سوفت و يقول ان سكوير تبي تنزل 50 لعبة !!!! كل العاب سكوير لو تجمعهن يالله يالله تجيب 50 -انا امزح-فكيف بسنة واحدة تنزل هالعدد طبعا هذه شركة تايدوس و حنا ما ندري ..
المهم ويقول ان كونامي اكبر من سكوير مع ان كونامي هي اللي تقوم بنشر العابها و ترجمتها بنفسها بينما تلجأ سكوير الى الشركات الاخرة مثل ايدوس و اليكترونك ارتس فصرفها بقولته ان اليكترونك ارتس هي و سكوير وحدة طيب اذا كان هالكلام صحيح ليش اليكترونك تبي تبرمج للكيوب مع ان رئيس شركة ننتندو رفض ان سكوير تبرمج اي لعبة على اجهزته سواء الادفانس او الكيوب لكنه مصر انها تبي تبرمج للادفانس !!!!
هذا غيض من فيض و اذا حبيت تتابع الموضوع روح شوف منتدى فاينل فانتسي و اقرا المواضيع اللي فيها سيرة تايدوس ..

برغم إن هذه الكل يعرفها، إلا أن بعض الأذكياء موجودين وبكثرة في المنتدى، فإن شركة سكوير واحدة من أكبر شركات الألعاب، وليس بغريب أن تكون أكبر من كونامي (حتى لو لم تكن أكبر فإن الأمر لايحتلج إلى كل هذ التعجب)، ثم ان 50 لعبة ستصدر مستقبلاً وليس في هذه السنة، ةهذا الشئ ليس بصعب على العملاقة سكوير.
لم يفهم بعض الأذكياء الكلام أعلاه، لكن أن لايفهم أن عندما تكون شركتين متحدتين (وخاصة في الأسهم) فهذا لايعني بأنهما ستقومان بنفس الخطوات، أن لايفهم هذا الكلام جداً غريب.....

اقول تايدوس قال في سنة ما قال مستقبلا لا تقعد تخرف من راسك ..

راشين الله يرجك الين تطيش ليه ترد انا ابي عماد يرد والا تاديوس عموما لا عاد تتعودها لا انت ولا الاخ Lord of PS :):)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــ
اخ عماد
مثل ما قلت لك انا توني مسجل قبل فترة قريبة بها المنتدى ولا قدرت افهم السالفة وحبيت افهمها زين علشان اقدر احلها بإذن الله .
واللي فهمته من كلامك يا حبيبي ألبي انت ان حبيبنا الاخ تاديوس يقول ان سكوير تبي تنزل خمسيبن لعبه بها السنة وانت تقول مستحيل يصير ها الشيء ولو فعلا ان ها الشيء حقيقه تبي اثبات اممممممممم شيء حلو تاديوس ولا عليك امر نبي اثبات على كلامك اللي قلته انتهينا من ها النقطة وبانتظار رد تاديوس المقرون بالادلة على صحة كلامه .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الامر الثاني انك انت يا اخ عماد انت قلت في ردك علي الموجود هنا ((المهم ويقول ان كونامي اكبر من سكوير مع ان كونامي ))
وانا اتوقع انك تقصد العكس بعمنى ان تاديوس يقول ان سكوير اكبر من كونامي الخ كلامك .
طيب اخوي عماد وانت يا خوي تاديوس وش المقساس عندكم بمعنى كيف تقيسون مسألة ان شركة اكبر من شركة هل المقياس بعدد الالعاب او المقياس بعدد بيع النسخ من الالعاب او بالارباح التجارية للشركة :):) ننتظر الرد منكم علشان نقدر نشوف الموضوع:):)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
المهم عندنا الان هو ان يثبت تاديوس صحة كلامه بدليل قاطع وحجة دامغة ما زلنا ننتظرك يا تاديوس.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
ليعلم الجميع فردا فردا بأني لا اناصر شخص على اخر لاننا في الاخير كلنا اخوان وحبايب ووالاختلاف في الراي لا يفسد للود قضية انما رايت اني احاول معالجة الموضوع قبل ما يكبر اكثر من كذا ولكي تعود المحبة لاعضاء هذا المنتدى الرائع والسلام :):)