سر لم يكتشف حتى الآن في وينيج إليفن 6 ( أرنب كبييييييير)
إليكم هذا الأرنب الكبييييييير يا شباب وإلي أصبح أسد من كثر الكذب إلي فيه, ملاحظة " الموضوع منقول".................
سر خطير في وينينج إليفن 6
شباب أكتشفت سر خطييييييييير جدا في وينينج إليفين 6 إليكم هو وادعولي, يوم من الأيام شغلت وينينج إليفن
بس وبعد كده أخذت فريق اليابان ولعبت ضد كل الفرق بالمستوى Hard الصعب حوالي 250 مباراة متتالية
كل مباراة 30 دقيقة " طبعا في نفس اليوم ومن غير ما تطفي اللعبة" و جيت لين المباراة 251 أنا اليابان ضد البرازيل, المهم جا فاول للبرازيل جمب خط ال 18 وكان بي يشوته روبيرتو كارلوس , جا روبيرتو كارلوس بي شوت عندها ضغطت ستارت وبعدين ضغطت " يمين _ يسار _ فوق _ تحت _ مثلث_مربع_إكس _دائرة
حوالي 450 مرة ورى بعض " طبعا إذا غلطت لازم تعيد من جديد" المهم بعد ما ضغطت الأزارير ضغطت ستارت إلا فجأة يقوم روبيرتو كارلوس يقطع ملابسه ويقول ضربة روبيرتو كارلوس الحديدية" طبعا بالعربي"
شوي تتقطع ملابسه و يبان صدره ويشوت شوتة ما يعلم قوتها إلا رب العالمين , شات شوتة نارية وراها زي البرق وصوت زي الانفجار خلت العشب يطير بس وشوي يجيك عداد أرقام يقول سرعة الشوتة 1000 كم
في الساعة , المهم شاتها بكل قوته لين وصلت للحارس , فقام الحارس مسوي فلحنة زايدة وقام ناقز بصدره بيصد الكورة بس و تجيك الكورة في صدر الحارس الياباني شوي الكورة تخرق صدر الحارس وتطلع من ظهره وتجي الكورة مع الأسف في العارضة وتكسرها نصين, شوي يدخلوا مجموعة مصلحين ويصلحوا العارضة قدام عيني. بس شوي المنتخب الياباني يعصب ويقول كل اللاعبين بصوت واحد وطبعا بالعربي: هين يا روبيرتو
كارلوس دحين ننزلك لاعبنا السري مستر.إكس Mr. X . شوي ويجيك الحكم حق اللاعبين ويسوي تبديل بين لاعب اليابان ناكاتا وبين مستر.إكس إلي مو ظاهر في الشاشة لين خرج ناكاتا, فجأة ينزلك حبل من هيلكوبتر
فوق الملعب وينزلك مستر إكس منها, الله أكبر, سلام قول من رب رحيم , طلعلك مستر إكس كلب سلوقي
لونه بني لابس مشلح و غترة وعقال ونظارة شمسية سوداء وطبعا ماسك بالحبل وينزل دغري على نص الملعب
ويشلحلك المشلح والعدة حقته وهو يضحك . بس بعد كده لبس صاحبنا " مستر إكس, أو عفوا الكلب السلوقي"
لبس الفريق وهو حاط الرقم 10 على الفانيلة ويستلملك شارة الكبتنية من اللاعب رقم 4 ويحطها على يده اليسار.
بعد كده طلعت لي عبارة تقول To be continued in WE7 يعني راح تتكمل في وينينج 7 . بعدها طلعت من المباراة جاتني عبارة بالياباني غريبة وجاتني صورة كلب جمبها كلمة VS وصورة حكم . وأخشلك على المباراة الودية وتجيني مباراة فريق الحكام ضد فريق الكلاب السلوقية بعد كده أغمي علي دقيقتين , صحيت بعدها أحصلك مستر إكس يسحبلك يمين شمال في فريق الحكام ويفشخلك كوبري في الحكم الايطالي كولينا
وهو يقول قدام عيني الاثنين وإذني الاثنين كوبري لا يالأصلع وهو يضحك. بعدها كمان أغمي على بس هدي
المرة خمس دقايق قمت بعدها وأحصلك النتيجة 202 ـــ صفر لفريق الكلاب , بعد كده جاك الحكم عبد الرحمن الزيد"أنا ما أقول إنه هو بس يشبه له" بقطلة ويضرب لك مستر إكس بها في رجله وطاح مستر إكس وهو غرقان في دمه وهو يقول إخس عليك. بعدين ظهرت لي عبارة The End . وطلعت كلمات وأرقام مسلسلة
وهي كالتالي : WE6:DOG×11gry7678eyi8o8p79p وقالوا لي حطها في موقع كونامي بس وبسرعة
أسكر السوني وأخش النت وأحطها في قسم اسمه أفضل لاعبي وينينج إليفن في الكون ما يمديك تخش لين ما تحط
رقم صحيح زي إلي عندي بس حطيت الرقم وتفتح الصفحة وتطلع كتابة
Welcome, congratulation, you are a member on the list of the best player of winning eleven in the universe يعني مبروك أنت الآن عضو في قائمة أفضل لاعبي وينينج إليفين في الكون . بس وما في أحد مسجل فيها إلا واحد اسمه نورتجيتشو من اليابان بس قالوا لي حط اسمك وعنوانك وتلفونك وإيميلك
وبلدك علشان نحدث القائمة وتجيك هدية خصيصة لأول ثلاثة مكتشفين للسر, وبعد أسبوع جاتني الهدية وأنا مني مصدق , طلعت الهدية تذكرتين سفر لليابان ولزيارة شركة كونامي لمدة أسبوع والهدية الثانية ديسك يوضح كيفية صنع وينينج إليفن والهدية الثالثة ديسك من الذهب لوينينج 6 والديسك الرابع يوضح لقطات من وينينج إليفن 7 على البلاي ستيشن2 " والله خطييييييييييير" وبعض التصاميم الأولية لوينينج على البلاي ستيشن3
" كأنها حقيقية أخ لو أقدر أعطيكم الديسك شي من جد خيالي" . عموما انتم حاولوا يمكن واحد فيكم يكون الثالث
بعدي . واللي مو راضي يصدق يطق راسه بالجدار ويموت قهر لأنه ما عنده مثل الهدايا إلي عندي.
لا حول ولا قوة إلا بالله ... صحيح الكلام ما عليه جمرك.
والله في ناس إلا تبغاك تبكي عليها .... والمصيبة لو جيت تنازله راص براص قام يتبزرن عليك
:D :D :D أخخخخخخخخ يا شيخ لو أشوفه واتوطى في بطنه ...:غضب:
