مقناص مقلعين..................بتموت من الضحك أدخلوا وضحكوا

السلام عليكم ورحمة الله وبركاته
مساكم اللة بالخير

طبعاً طلعت للمقناص مع الشله ومابي أطول عليكم خلونا نشوف الفلم وإن شاء الله أنه يعجبكم . قبل مانبداء بعرفكم على ابطال الفلم :
أولاً / الجرح الندي: ( اللي هو محاكيكم ) . ملك الطارة لا يعرف اشارات مرور ولا يعرف اشارات باليدين ولا مراكز تفتيش ولا مطبات ( داعس ) مطلوب من المرور .مخرج وكاتب ومنتج وبطل الفلم ( مكوش على كل شيء )

ثانياً / ابو نشقه : فنان موهوب مشهور بلزماته الموسيقية ( النشق ) اول حفله له تنوم بعدها بالعناية المركزة والسبب لا صورة لا صوت لا كلمات لا لحن لا أداء ( وبرضو مصر إنه فنان )
أول عود له هدية من الشله ( قاطين فيه ومن كثر إزعاجه كسرناه فوق راسة ) وراح سوى عود من جوالين زيت شل سوبر وصار اللحن يزلق معه .
عاد رحنا وقطينا له وشرى عود ( الصداقة تتطلب ذلك ) <<< ( هين )
يجيد نطق جميع الحروف الهجائية ما عدا ( س . ش ) محذوف عنده من القاموس واللي محليه اكثر إذا تكلم يطشر ( سعابيل ) .

ثالثاً / الشاعر أبوجراك: <<<<< ( مدمن شيشه ) شاعر متنوع ( كوكتيل ) وينفع حق هوشات ومشاكل أشهر قصائده الغزليه .
( يحظ القوطي بيدين خلي ......... ليتني قوطي والمس يد الزين )
وقصيدته المشهورة اللتي ادخلته المستشفى وارقعوا اذنه ( من كثر التلميخ ) ومطلعها
( اعرفكي زين ترى اخوكي بالكفائه ......... وبابكم أخضر ومطب صناعي قدامه ) فضح بنت الناس
ويطمح أن يتعاون مع فنان العرب ( يحلفون)
ومن قصائده الوطنيه ( أنا ما جيت حارتكم ....... وش جابك أنت بحارتنا ) وطنية حواري

رابعاً / عبدوه مغبش ( الشده فوق الباء ) من جيزان
ويلقب ( بصائد قلوب العذارى ) ... ( مطيح البنات ) ...... ( فتى الراشد ) <<<<< ( غزلنجي )
احلى مافيه سن ذهب مركبةوطاقيته الزري . وقمة التشخيص عنده غترة عنابي ( مقاس صغير مغسوله بكلوركس ) وعقال ملكي<<<<< ( متسلفه )
وطاقية زري واربع أقلام خضر ( مدري ليش لونها واحد ) وثوب ابيض ابو رقبه ( اربع ازرة طقطق ) وكل هذي ولابس تحتها فنيلة رياضه لونها أصفر وأخضر مرقمه برقم ( 10 )<<<<< ( يعشق السامبا )
قبضت عليه هيئة الأمر بالمعروف والنهي عن المنكر أكثر من مرة ( لقو معاه أوراق صغيرة كلها ارقام تلفونات . أرقام لوحات سيارات . ارقام تهمك ) وفرشوه فلكه أمام بوابة الراشد.
مدمن تشفيط غراء باتكس وتطور وصار يشفط غراء فيران . الوكاد أن الولد عقل وبطل هالأشياء ( يحلفون )
اللي شاغل تفكيرة أن بوابة الراشد تنفتح من غير ما احد يلمسها<<<( يحسبها سحر )

خامساً / ملقاط : رجل اعمال حره خبير مشهور في بيع الحمام والدجاج والألعاب الناريه ( طراطيع . صواريخ عابره الحارات . وعابرة للقارات وجميع أنواع الشروخ ) . مشهور بالبخل ( اتشقه نصين ولا تشق الريال قدامه ) <<<<< ( يتعذب )
اندبج من عيال الحارة اللي بجنبنا وسبب ذلك انه كان يسرق حمامهم بواسطة الحمام الجذاب
لقطته الدوريات أكثر من مرة صادوه وهو يبيع صواريخ . واحترق مرات من عدم تخزين الشروخ يعني ما يعرف ( أمور السلامة )
امنيته فتح بقاله في بناية الوليد بن طلال ( المملكه ) ومشهور بخشمه الطويل وهو جاي لنا يسبقه خشمه بخمس دقايق . ولقبه الثاني (شفاط النمل) .

سادساً / سامر ( ضيف شرف )
فتى لبناني شعره أشقر ( يعني بصريح العبارة الولد حليوه ) طبعاً ماهو من الشله بس جاي مع ابو نشقه يتشخص فيه علينا
( يعني إني شوفوني اعرف اجانب )
صراحه شكينا بالوضع بس طلع أبو نشقه تفكيرة بعيد . أثاريه يخطط أنه يغني في لبنان ( لأن سامر عنده ولد خاله من الرضاع يملك مرقص
دسكو ) تخيلوا يا شباب ابو نشقه يغني قدام بنات لبنانيات ويطشر عليهم سعابيله ( الله لا يقوله ) 000

المستوى الثقافي للشله : طبعاً أنا والعياذ بالله من كلمة انا يالله اركب الخط وهم يالله يالله يفكونه ( حدنا سادسة ج )

بداية عرض الفلم
الجزء الأول
المشهد الأول :
ظلمه وصوت موسيقى تصويرية مرتفع ومزعج ( صوت جوالين وقواطي بعجه ) ونور خافت في أحدى السطوح
وهناك إجتماع بعض الشله عند عبدوه مغبش ( مطيح البنات )
الجرح الندي: ياشباب ورى تأخر علينا ابو نشقه مهي بعادته .
يرد عليه عبدوه مغبش بسرعه
عبدوه مغبش : يااااااااااخي ذحينه انته هبلوه معاكون وقت<<<< ترجمه ( يعني عطه وقت)
إحتمال معاهون موشكله بس هوا كلمني وقالا شا اكون عندكون ومعاهو ضيف <<<< ترجمه ( يعني احتمال عنده مشكله بس كلمني و وقال ابي اجيكم ومعي ضيف
الشاعر ابوجراك وهو متكئ على جنبه ويشيش
ابو جراك : تلقاه ذالحين مسوي مصيبه والله يستر او انه طشر على احد الله يستر لا راح ابو نشقه مين يغني قصايدي .
ملقاط وهو يأخذ لي الشيشة من ابو جراك
ملقاط : طيب يا شباب اللي اوله نور اخرة شرط . القطة بتكون معي وانا اللي بتصرف فيها يعني انثبر يا عبدوه مغبش ( صائد قلوب العذارى )
لا تزعجني كل شوي اشتر علوك وفصفص والقطه الأن وصلت ( 439 و نص ) وتعرفون المقناص يبيله اغراض لزوم الرحلة .

الجرح الندي: ما بقى شيء الموتر وجاهز دام ابو جراك تبرع بالجمس ال ( 79 )
ابو جراك : يفداك الجمس وراعي الجمس دامك انت السواق ولا احد يفر طارته غيرك .
الجرح الندي( منتشي ) : تسلم يالحبيب
عبدوه مغبش تسلم بيروح معنا <<< ( مايدري ويش السالفه )
ملقاط : طيب اوكيه انت يا عبدوه اتجيب القدور والصحون اللي في مطبخكم وانا بدبر ماطور الكهرب .

مشهد خارجي " الكاميرا على ابو نشقه وهو مشوت بكروللا مزبرقه ( احلى مافيها ريش النعام اللي على الأنتل ) ولونها اخضر حشيشي
ومعه واحد حليوه <<<<<< ( سامر اللبناني ) وعلى مدخل الحارة يسحب جلنط ( دخل الحارة بالعرض ) وطاح اسطبه الأمامي

مشهد على الشله وملقاط يترفس ويتمردغ في بطن عبدوه مغبش من دون سابق سالفه موسيقى تصويريه ( صوت فرامل سيارة خاشه بعمود كهرب )
وابو دعسه وابو جراك اصابهم الهول مما جرى وقاموا يفكون الهوشه بينهم ( فرعة مصاريه ) .
الجرح الندي: في حالة غضب واستياء شديدين : ترا ان ما عقلتو بصطحكم فنقر ( بوووووووووز )
ابو جراك : لا حول ولا قوة إلا بالله الحمدلله على السلامة .
ملقاط وهو في حالة تألم واثار العض على خشمه من عبدوه مغبش ( ما ينلام كان مدمن غراء فيران يعني لزق )
ملقاط : شفتو ويش سوى فيني سلفته امس اربع ريال على اساس يشتري تتن ولي شهر وانا اقول له رجعها ويقول لي سجلها على النوته وان ماجابها بسجلها على جبهته .
عبدوه مغبش وهو زعلان واصله معه واثار الدبج والضرب على وجهه مع بروز صعارير متفرقه على الخشه من اثار ارتطام خشم ملقاط بوجهه
عبدوه مغبش ياااااااا خي قولتلك ام فلوس ذحينه ما معايا كل ام فلوس اعطيتنها ابو نشقه قالا حق ما هو حق ام شرطان شا يسجل صوتو فيهون
ترجمه ( يعني يا اخي ما معي فلوس كل فلوسي اعطيتها ابو نشقه لشراء شرطان لتسجل صوته ) .
الجرح الندي : خلاص فكونا تصالحو وهو يرمق ابو جراك بنص عين ( يعني افزع في الموضوع ) .
ابو جراك وهو مروق واخر مزاج : يا شباب يا شباب الآن انتم كذا وش لون لا قنصنا الله يشتالك انت وياه
الكاميرا تقترب من ابو جراك وهو يمسك طرف كم ثوب عبدو مغبش ( مطيح البنات ) وقعده بجنبه ومد له لي الشيشه وقال له وهو يداعبه
( شد لك نفس وروق ) وعطاه بيتين وهي :
وجهك تغير يا عبدوه مغبش.......... ممن يا حسره من ملــــــقاط
صار كما طبق بيض مفقش .......... وللا كما كورة شاتها سقراط
ما يمديه يكمل اللا راس الجراك طاح فوق راسه ( من زود الحماس شد عبدوه لي الشيشه ) وقف المخرج التصوير
حتى يقوم ملقاط بلقط الجمر واسعاف ابو جراك ثم عادو التصوير .
لقطه ( زوووم إن ) على وجه عبدوه مغبش( فتى الراشد ) وهو ما سك لي الشيشه بكبرياء وعضمه وعلامات الرضى والسرور تشع من خشته
( يحسب ان القصيده مدح )
وفجأة...... قلنا وفجأة............ اقول وفجأة........ ما احب اعيدها مرة ثانية ( يعني اللي ما معها محرم تتغطى ) في واحد بيخش
الكاميرا على وجه ابو نشقه وهو يهم بالدخول ومعه الضيف ( سامر )
ابو نشقه : الثلام عليكم يا ثباب وثلونكم ( وهو يتكلم كلن يمسح وجهه من كثر التطشر ) اعرفكم على رفيقي ثامر ( يعني سامر)
سامر : كيفكن شباب انشاء الله مليحين تمام
مشهد عام والجميع يتناقزون ( يتطامرون ) للسلام على سامر والشيشه تسقط للمرة الثانية على ابوجراك موسيقى تأثيريه ( صوت طوفريه طاحت وانكسرت الفناجيل ) وقف المخرج التصوير لحين عودة الشيشه لوضعها الأساسي ومعالجة ابو جراك من الحروق
كاميرا زوووووم إن على ابو نشقه وهو يقول بكل لكاعه : اقول الرجال خويي وتراع زكرت يعني لا تفكرون ولا يطرا على بالكم انكم بتثوون ثيء
ابو جراك يقاطعه : لا لا لايروح تفكيرك بعيــــر وعلشانك ابطقه ببيتين
هلا والله برفيقنا سامر ........ تفظل واشرب الشاهي
قل ما تبي بس انت أمر........ تراك انت الأمر الناهي
سامر ينطيك العافيه حياتي شو تأبرني على هيدي البيتاين المهزومين كتيركتير .
الجرح الندي: وهو ضارباً بكفه على صدره بكل ما اوتي من قوة موسيقى تصويرية ( صوت انصلاخ كفر على طريق الرياض )
الجرح الندي: رفيقك تراه رفيقنا والي يجيه يعني يجينا انت فكنا من طشارك وحنا سالمين ( يقصد ابو نشقه )
ملقاط : سامر تعال اقعود بجانبي . (باللغة العربية الفصحى)
عبدوه مغبش يمد كوب الشاهي لسامر ويرمقه بنظرات مسروقه ويقول في نفسه ( امفكر ذاحينه نفسوه هو الحلو قال ما هو قال اسموه سامر )
ترجمه (يفكر نفسه هو الحلو بس )
سامر : تكرم عينك ما عم بشربو هايدا
الجرح الندي: لا هذا شاهي ماهوب هايدا <<<<( يبي يحتك )
ابو نشقة:لا يا الجرح الندي يقول ما احب الثاهي
كاميرا علي ابوجراك وهو يهمس في اذن ابو نشقة
ابو جراك :اقول رفيقك سامر ذا ما عندة خوات ودي اخطب عندهم <<<<(يفتل شواربة وهو يتحدث)
واعطيهم الجمس مقدم وباقي المهر لين افحص العروسة
ابو نشقة :اقول ورا ما تثكت احثلك انت انثان راعي مثاكل وهالناث هاذي يبيلها (حنية.جنية.جبنة) اختر وحدة منها
ورقة واحساس .
ابو جراك يمسح وجهة من طشار ابو نشقة :طيب لا تنفخ تراة كلام راى <<<<<(مجرد راي يقصد)
الكاميرا علي الجرح الندي وهو ينصب ويركبج علي سامر <<<<(شفني يا سامر ترا اعرف لبنان زين)
الجرح الندي:تذكرون ياشباب يوم رحنا يم لبنان واللة ياهي ديرة خضرة وربيع وناسة تذكرون يوم نتروش بالنهر هناك (يعني افهم ياسامر تراني نظيف مثلك) يوم نصيد سمك التونة بخشم ملقاط
مشهد على الجميع وهم يتقهقهون من الظحك وعبدومغبش يكمل النصب
عبدوة مغبش:واللة فنان لبنان ذيهو ما معهن في ام عالم مثلوة حتي عندهن مسموة ذيهو ما قلوة تمثال الحرية(جاب العيد)
وهبلو ملقاط معنا صورة بام كميرا حنقوة <<<ترجمة(فنان معناتها حلو يعني لبنان بلد حلو مافية مثلة بالعالم وعندهم اللى يسمونة تمثال الحرية وصورنا عندة بكميرة ملقاط)
ملقاط :اللة يذكر ذيك الايام بالخير يوم نفرك من المدرسة <<<<(كمل الناقص)
ابو جراك:ياشباب لاتضيقون صدري ترا نسيت هاذي الرحلة
ابو نشقة يحاول يرقع الموضوع عندما لاحظ سامر وكنة مصفوق على علباة (قفاة)بقوطي حليب نيدو (حالة استغراب)

ابو نشقة :الا على طاري الرحلة وث ثويتوا ؟
الجرح الندي يمسح وجهة :كل شي جاهز وبكرة ان شاء اللة مع طلعت النور نمشي للمقناص
سامر بكل ادب وذوقواحترام+ اخلاق مخاطب الشلة
سامر :ممكن شباب اطلع معكن ازا ما عندكن مانع كتير اشتائت للصيد وعندي جفت وكم خرطوشة
مشهدعام (الكل يتبرجم ويتلخبط) المخرج يوقف التصوير ويترفس في بطن ابو نشقة ويسألة وش معنى جفت وخروشةجاوب انت اللى جاب الرجال وهويواصل الدبغ
سامر يتدارك الموقف وابوجراك وعبدوة يسحبون الجرح الندي سامر يشرح معني كلمة جفت وخرطوشة في احد زوايا السطح وابو جراك وعبدوة
يشربون الماء لابو نشقة ويهدونة اخيرا فهم روست بيف الموضوع واستسمح من ابو نشقة ويواصل التصوير
مشهد عام علي السطح ويظهر ابو نشقة وبقية الشلة وهم يتفقون على انة غدا تبدا الرحلة والكل يكون جاهز ويظهر عبدومغبش وهو يهم للنوم ثم ينصرف كل واحد الي بيتة وهوة ينتظر الصباح بكل شوق وحيوية موسقى تصويرية نهاية الجزء الاول(صوت منشار كهربائي مخبط)

( قريبا الجزء الثاني)


والسلام

:D :D :D :0)